JUAN 11:40 - Zapotec Guevea de Humboldt New Testament

⁴⁰ Ra Jesúz leeme: ―¿Dâs ba ren lii bâḻ gylíladzyiꞌ la, zwieꞌy xroꞌ ni rtzoo Dioz‑e?

JUAN 11:40 Iomraidhean Croise

MATEO 17:20

Ra Jesúz leeyâme: ―Porni uxiee rlíladzy laꞌd; gapyaꞌ laꞌd ni uli, bâḻ nlíladzy laꞌd nîcze doozy, beeiy ña laꞌd dañ-wé: “Byruu de neꞌ, bicchie sto lad”, no dahñ nruuw; no mbehty nehx ñacngann par laꞌd.

MARCOS 9:23

Ra Jesúz leeme: ―Bâḻ beeiyu lii gylíladzyiꞌ la, gyreu we beeiy no meññ ni rlíladzy naa.

JUAN 1:14

No leegahcme ni le Diidz, guhl me lo guiedzylie no güyuꞌ me dlahd noꞌ, no nu laꞌy leeme, no ptzoo me pur ni nac ni uli. No bwieꞌ noꞌ xguîlbyniꞌ me ni neññ leeme we nac Xiñ-ngahc Dioz ni nac xTad me lee.

JUAN 11:4

Ru bieññ Jesúz günii yâme ze, were ne me: ―Guîlguidz-wé dac‑e par igaꞌdyu leeme, mazyg par tzuguia Dioz, no zegahc por leeu tzuguia Xiiñ me.

JUAN 12:41

Günii Isaíaz nirieꞌ, porni ma antzy diaa bwieꞌ me xguîlbyniꞌ Jesúz, no günii meu.

JUAN 9:3

Ra Jesúz leeyâme: ―Dac‑e por xguîlquie me leeu, ni dac‑e por xguîlquie xtad me ni xmam me leeu; mazyg guhl me ze lehdy güieꞌ meññ ni beeiy ctzoo Dioz no leeme.

ROMANOS 6:4

Dze-byrôbnihs nó bidguiahc nó beeiy ni guhty no bygaꞌdzy nó tohzy no Crist, lehdy gybahñ nó, no gap nó guîlmbañ-coby, ze mod-gübahñ Crist de lahd mînguty por dTad nó Dioz ni rtzoo ni modni xroꞌ.

2 CORINTIOS 3:18

No leewe, gyre nó gawieꞌ nó no ba nehx nu ni rsaagü dlo nó, rcuniꞌ nó beeiy to spejü xguîlbyni-ro Jesucrist ni rtzoo mdad, no gatzeeu mod-nac dguîlmbahñ nó, no to to dzé ba ma gacáꞌ nó xguîlbyniꞌ me, no gac nó mod-nac me. No nirieꞌ naꞌ xiSpirt Jesucrist gatzoo leeu.

2 CORINTIOS 4:6

Porni Dioz gahc ni günii gydahl byniꞌ lo guibcawy, leegahcme bdee me noꞌ ni zidguiahc beeiy byniꞌ leññ dguîlmbahñ noꞌ lehdy gzaclo noꞌ xguîlbyniꞌ Dioz ni nu no Jesucrist.