JUAN 10:9 - Zapotec Guevea de Humboldt New Testament

⁹ Naa nacaꞌ beeiy xpuert ru rtzoo Dioz mdad; no meññ-tzu ñaz-ruꞌ puert-rieꞌ, zlaa de lo guîlnadz ni ziaad, no zahc me beeiy xiily ni riuꞌ no rruu no rdzial ni rahgü.

JUAN 10:9 Iomraidhean Croise

JUAN 10:1

’Gapyaꞌ laꞌd ni uli, dxu nehx riuꞌ ñaz-ruꞌ xpuert corra ru riuꞌ xiily, no aaḻ riubeꞌ corra la, gübaan‑e leeme.

JUAN 10:3

No meññ ni rahp ruꞌ puert rshal tzu me, no were rnii me to to le xiily ni nac xchieñ me, no rzaclo maꞌ xriedz me, no rboo me leeyâmaꞌ leññ corra.

JUAN 10:7

Gyzac ra Jesúz leeyâme: ―Gapyaꞌ laꞌd ni uli, naa nacaꞌ beeiy to puert ñaz-ru riuꞌ xiily.

JUAN 14:6

Ra Jesúz leeme: ―Naa we beeiy to ñahz, no rlun ni uli, no rdedyaꞌ guîlmbahñ ni nehx zluhx. Ndruhty nehx zdzihñ ru nu dTadaꞌ bâḻ di gacu por naa.

EFESIOS 2:18

No por Crist gyre nó, bâḻ nac nó meññ-Isṟael o bâḻ nehx nac nó meññ-Isṟael, beeiy gydzihñ nó lo dTad nó Dioz por Spirt-Sant gahc ni cuaꞌ nó.