JUAN 10:31 - Zapotec Guevea de Humboldt New Testament

³¹ Gyzac günahzy meññ-Isṟael guie par nshaꞌd yâmeu leeme.

JUAN 10:31 Iomraidhean Croise

MATEO 12:14

Byluxu byruu meññ-nac yahc fariseu idoo, no guzlo gayo yâme xnahc beeiy igaꞌdy yâme Jesúz.

MATEO 21:35

Per meññ-gatzoo dziiñ lo lyu-rieꞌ naꞌ, aaḻ pquelo yâme mós yahc, güdihñ yâme to me, sto me bgaꞌdy yâme lee, no sto me guznáḻ yâme lee no guie.

MATEO 23:35

No leewe, no gahc laꞌd quix ni bgaꞌdy yâme meññ-tziaawy ni güyuꞌ yahc ba xtze, xtâ dze-guhty to mpyquie-ptzoo ni nac xñahzû ni güyu-le Abel no xtâ dze-guhty Sacaríaz xiiñ Berequíaz, ni biꞌdy laꞌd lee ruꞌ idoró gahsh ruꞌ ltar ru rqueꞌ gue maꞌ ni rdee yâme gun par Dioz.

JUAN 1:19

Nirieꞌ we diidz ni bdee Juaṉ, dze-meññ-Isṟael ni rtzoo yahc mdad pshahl yâme lahd bahl tohzy no meññ-nac levit ni nu Jerusaléṉ, bignabdiidz yâme leeme, ra yâme: ―¿Dxu we lii?

JUAN 10:24

No meññ-Isṟael yahc, gülu-glawy yâme leeme, no ra yâme leeme: ―¿Bucs‑e gahbyiꞌ noꞌ ni uli? Bâḻ uliu lii nac Crist, gu gahcu noꞌ togahcs.

JUAN 10:32

Per Jesúz ra leeyâme: ―DTadaꞌ gucno ptzon xtahl ni mos ni bwieꞌ laꞌd; ¿por bia de leeyahcu naꞌ, cshadguie laꞌd naa?

JUAN 11:8

Ra xmeññ me leeme: ―Muextr, rahp doozy dzé riñlo meññ-Isṟael ni nu ñaz-wé ngaꞌdy yâme lii no guie, ¿no naꞌ neꞌy tzaꞌy uga gyzac la?

JUAN 5:18

Por nirieꞌ meññ-Isṟael ni rtzoo mdad ma gayo yâme xnahc igaꞌdy yâme Jesúz, porni nehx nunzy ni di rlaby me dze-risladzy meññ, mazyg gatzoo me leeme beeiy gahc Dioz, ru rnii me Dioz‑e merp xTad me.

JUAN 8:59

Were günahzy yâme guie par nshaꞌd yâmeu Jesúz; per Jesúz bynitylo me no güdedy me lahd yâme, byruu me idoró.

HECHOS 7:52

No gyre profet yahc ni güyuꞌ ba xtze, bgultihp xmeññ yahc laꞌd lee. Biꞌdy yâme meññ ni günii guiaad to mpyquie ni rtzoo ni nac xñahzû ni cshahl Dioz lee lo guiedzylie. No dze-biahd me, bdee laꞌd leeme lo ña meññ-rdziadzyno leeme, no luxu biꞌdy laꞌd leeme.