JUAN 10:11 - Zapotec Guevea de Humboldt New Testament

¹¹ Naa nacaꞌ beeiy to meññ ni rahp xiily zaꞌgndzi. Mod-wé we nacaꞌ no dmeññaꞌ, rdedyaꞌ dguîlmbahñaꞌ gatyaꞌ por leeyâme.

JUAN 10:11 Iomraidhean Croise

MATEO 20:28

Xtâ naa, Mpyquie-Pshahl Dioz Lee, nehx biaḻaꞌ lo guiedzylie-rieꞌ lehdy gacno meññ naa; mazyg biaḻaꞌ lehdy gacnon leeyâme no gdedyaꞌ dguîlmbahñaꞌ, gatyaꞌ lehdy quixaꞌ gylaa xtahl meññ de lo guîlnadz ni ziaad.

JUAN 10:2

Per dxu riuꞌ ñaz-ruꞌ puert, leeme we meññ-gayahp xiily.

JUAN 15:13

Guîlndzi ni ma xroꞌ, leeu we de ni gdee mu xguîlmbahñ mu por xmígü mu.

EFESIOS 5:2

Lâ guîntzi zrieñ, beeiy gahc ndzi Crist nó no bdee me ñahz guhty me por nó, guhc me beeiy to gun ni nixye lo Dioz.

TITO 2:14

Leeme bdee xguîlmbahñ me guhty me, lehdy bislaa me nó de lo gyre ni dirquihñ, no güdihby me dguîlmbahñ nó, lehdy gac nó xmeññ me ni rnâbladzy ctzoo ni mos.

HEBREOS 13:20

Dioz rguꞌ me meññ dzie tziaawy, no bispahñ me de lahd mînguty Jesucrist ni rtzoo mdad nó, no Jesucrist gahc gayahp me xmeññ me zaꞌgndzi ni zidguiahc beeiy xiily, no por xrieñ me ni byxieꞌ neññ de ni Dioz bdee me diidz ni ctzoo me no meññ, no nehx ziuꞌ dzé znihtyu;

1 PEDRO 5:4

No dze-guiaad Crist ni rtzoo mdad gyre laꞌd ni nac pastor, gdee me laꞌd coron ni nehx ziuꞌ dzé znihty xguîlbyniꞌ.

1 JUAN 3:16

Mod-rieꞌ rzaclo nó bia leeu guîlndzi, porni Jesucrist bdee xguîlmbahñ me no guhty me por nó; zegahc‑e nó racladzyu gdee dguîlmbahñ nó lehdy gacno nó dirman yahc nó.

APOCALIPSIS 7:17

porni Xiily ni zu glawy ru rbia ni rtzoo mdad, wé we güieꞌ leeyâme beeiy mod-rahp meññ xiily, no tziyno leeyâme ru gada nzeꞌ ni rdee guîlmbahñ. No schee Dioz gyre nzelo yâme ni biin yâme.