JUAN 1:46 - Zapotec Guevea de Humboldt New Testament

⁴⁶ Ra Natanael leeme: ―¿Nehxni beeiy nruu meññ-tziaawy Nasaret? Ra Felipy Natanael: ―Güde lehdy güieꞌy.

JUAN 1:46 Iomraidhean Croise

MATEO 10:3

Felipy no Bartolomé; Tomáz no Mateu ni rcuquix mpuezd; Jacob xiiñ Alfeu; no Lebeu ni ra yâme lee zegahc Tadeu;

MATEO 2:23

Hor-bydzihñ yâme lo ṟegioṉ-rieꞌ, zia yâme to guiedzy ni le Nasaret. Guhcu ze lehdy guhc mod-günii profet yahc, tzu le Jesúz to meññ-Nasaret.

LUCAS 12:57

’Laꞌd gahc lâ güieꞌ bâḻ xñahzu gatzohd.

JUAN 1:44

Felipy naꞌ, meññ-Betsaida leeme, ru nac gahc xguiedzy Ndréz no Simóṉ.

JUAN 1:45

Felipy bigyo me Natanael, no ra me lee: ―Bydzial noꞌ to meññ ni de lee bzaa Moiséz lo guehtzy ru queꞌ leiy, no ni de lee bzaa profet yahc. Leeme le Jesúz, xiiñ José ni nu guiedzy-Nasaret.

JUAN 12:21

Meññ-rieꞌ byo yâme Felipy, to meññ-byruu guiedzy-Betsaida ni nu lo ṟegioṉ-Galilea, no ra yâme leeme: ―Señor, racdadzy noꞌ gzaclo noꞌ Jesúz.

JUAN 14:8

Ra Felipy leeme: ―Señor, bluu noꞌ xTadiꞌ, no niwéhzy‑e racdadzy noꞌ.

JUAN 4:29

―Lâ te, güieꞌ laꞌd to mpyquie ni ra naa gyre ni ptzon. ¿Dxgann dac‑e leeme nac Crist la?

JUAN 6:5

Lóni bwieꞌ Jesúz ziaad xtahl meññ ru dxie me, ra me Felipy: ―¿Báhx‑e ssii nó ni gahgü gyre meññ-rieꞌ yahc?

JUAN 6:7

Were ra Felipy leeme: ―Sahc xchieñ chohp gayuu xdzé dziiñ nehx niygahlu par nzee ni ñoo to to yâme nîcze doozy.

JUAN 7:52

Ra yâme Nicodem: ―¿Meññ-Galilea lii zegahc la? Biiḻy lo Guehtzy zaꞌgndzi ru queꞌ xtiidz Dioz, güieꞌzyiꞌ, dgueññ gyruu ni to profet ṟegioṉ-Galilea.

1 TESALONICENSES 5:21

Lâ yquee ihqy laꞌd gyreu, no lâ guian-no nunzy ni mos.