JUAN 1:14 - Zapotec Guevea de Humboldt New Testament

¹⁴ No leegahcme ni le Diidz, guhl me lo guiedzylie no güyuꞌ me dlahd noꞌ, no nu laꞌy leeme, no ptzoo me pur ni nac ni uli. No bwieꞌ noꞌ xguîlbyniꞌ me ni neññ leeme we nac Xiñ-ngahc Dioz ni nac xTad me lee.

JUAN 1:14 Iomraidhean Croise

MATEO 1:16

Jacop xtad José tziahl Maríe; Maríe, wé guhc xmam Jesúz, ni ra yâme lee Crist.

LUCAS 2:11

Dzêrieꞌ guhl to mdoo leññ xguiedzy Davit, leeme we ni guislaa meññ de lo guîlnadz ni ziaad. No leeme we nac CRIST ni ctzoo mdad.

LUCAS 2:7

Mdoo ni bidtap me we xiñ-lguhl me, no bylux guhl pchaḻ me lee lahr no güdihsh me lee leññ to cajóṉ ru rahgü guay guix, porni di ndzial yâme yuꞌ ru ndzihñ yâme.

LUCAS 9:32

Per Pedr naꞌ nu mpcaaḻ lo me no schohp meññ-zuno me; no nîcze ze leeu, ptibladzy yâme lehdy bwieꞌ yâme xguîlbyniꞌ Jesúz no gyrop mpyquie-zuno me lee.

JUAN 1:1

Dze-guzlo Dioz bzaa me guiedzylie, ba gahc nu ni le Diidz, no nu me no Dioz, no Dioz gahc‑e leeme.

JUAN 11:40

Ra Jesúz leeme: ―¿Dâs ba ren lii bâḻ gylíladzyiꞌ la, zwieꞌy xroꞌ ni rtzoo Dioz‑e?

JUAN 14:6

Ra Jesúz leeme: ―Naa we beeiy to ñahz, no rlun ni uli, no rdedyaꞌ guîlmbahñ ni nehx zluhx. Ndruhty nehx zdzihñ ru nu dTadaꞌ bâḻ di gacu por naa.

JUAN 14:9

Ra Jesúz leeme: ―Felipy, ba xtze nun no laꞌd, ¿no nehx rzacloꞌy naa la? Dxu rwieꞌ naa, rwieꞌ dTadaꞌ; ¿bia nacu neꞌy: “Bluu noꞌ xTadiꞌ”?

JUAN 17:22

Mod-güluguiay naa, mod-wé gahc güluguian leeyâme, lehdy gap yâme tohzy guîlriehñ, mod-naa no lii rahp nó tohzy guîlriehñ.

JUAN 17:24

’Dad, dmeññaꞌ ni bdeedyiꞌ naa, racdadzyaꞌ tzu yâme ru tzun, lehdy güieꞌ yâme guîlbyniꞌ ni bdeedyiꞌ naa, porni ndziy naa glo antzy ni tzaa guiedzylie.

JUAN 18:37

Ra Pilat leeme: ―¿Ni uli ṟeiy lii la? Ra Jesúz leeme: ―Lii neꞌy ṟeiy naa. Par nirieꞌ we guhlaꞌ no biaḻaꞌ lo guiedzylie, lehdy gdedyaꞌ diidz de ni nac ni uli. Gyre meññ ni rzaclo ni uli, rieññ yâme naa.

JUAN 2:11

Nirieꞌ ni ptzoo Jesúz guiedzy-Caná lo ṟegioṉ-Galilea, wé we ni ngann ni nier lee ptzoo me, no wé guzlo rwieꞌ meññ xroꞌ ni rtzoo me; no xmeññ me bylíladzy yâme leeme.

JUAN 3:16

’Porni ndzi Dioz meññ-nu lo guiedzylie, xtâ no bdee Xiñ-ngahc me, lehdy gyre dxu gylíladzy leeme, di znihty, mazyg gap guîlmbahñ ni nehx zluhx.

JUAN 3:18

’Dxu rlíladzy Xiiñ Dioz nehx znihty lo xguîlquie; per dxu nehx rlíladzy leeme, znihty lo xguîlquie, porni nehx rlíladzy me Xiñ-ngahc Dioz.

JUAN 6:51

Naa we ni zidguiahc beeiy paṉ ni rdee guîlmbahñ ni byruu gybaa; dxu gahgü paṉ-rieꞌ, gap guîlmbahñ ni nehx zluhx. No paṉ-rieꞌ ni zdedyaꞌ, dcuerpaꞌ we leeu, lehdy meññ-nu lo guiedzylie gap yâme guîlmbahñ ni nehx zluhx.

JUAN 8:32

No ssaclo laꞌd ni nac ni uli, no leeu zislaa laꞌd.

HECHOS 13:33

Leewe, nó ni ziaad de leeyâme, Dioz ba ptzoo me par nó ni günii me dze-bispahñ me Jesúz, mod-ziaadu lo libr ni rrohp salm, ni ne: “Lii we dShiñaꞌ; glohdy dzêrieꞌ zieññ dShiñaꞌ we lii.”

ROMANOS 8:3

Dioz ptzoo me ni di ñaḻ ntzoo xleiy Moiséz, porni meññ di ñaḻu lee nsaan de ni rtzoo ni nehzy ihqy. Leewe Dioz pshahl me Xiiñ me guhc beeiy meññ-guiedzylie, bidguiehty me par güdix me xguîlquie meññ, no modé Dioz bnidylo me de ni rtzoo guîlquie mdad.

ROMANOS 9:5

Leeyâme we ni ziaad de lo xfamily dtadgul yahc nó ni güyuꞌ ba xtze; no de wé gahc biahd Crist dze-guhl me lo guiedzylie, no leeme we Dioz ni rtzoo mdad nyug, no nehx zdibylgaa de ni nu laꞌy leeme. Modé gacu.

1 CORINTIOS 15:47

Mpyquie ni nier lee güyuꞌ ni güyu-le Adáṉ, güyaa no yu, leewe guhc me meññ-guiedzylie; ni rrohp mpyquie, lee we Crist ni rtzoo mdad, wé we byruu gybaa.

2 CORINTIOS 12:9

per ra me naa: “Dlaꞌyaꞌ ni rdedyaꞌ lii, niwéhzy‑e ni rquihñiꞌ, porni beeiyu naa gyreu hor-di raḻu lii.” No leewe rxihlyaꞌ cuguian naa lguia ni di raḻu naa, lehdy güieꞌ meññ xpoder Crist nuw no naa.

GÁLATAS 4:4

Per lóni byzaꞌ dzé ni ba nac diidz, pshahl Dioz Xiiñ me ni guhl de to ngünaa, no Xiiñ Dioz bynizyno me xleiy Moiséz.

EFESIOS 3:8

Nîcze naa we ni ma uxiee rsahc de gyre lahd xmeññ Dioz, per Dioz güluꞌ xlaꞌy me naa no bdee me naa dziñ-rieꞌ ni runon meññ-nehx meññ-Isṟael xtiidz Crist ni modni rsahc, xtâ nehx gahc ñuꞌ dxu beeiy guieññ zaꞌgndzi gyre ni mos ni rahp me par xmeññ me.

COLOSENSES 1:19

Guhcu ze porni Dioz, gyre mod-nacu no leeme, mod-wé gahc biuꞌladzy me gacu no Crist.

COLOSENSES 2:3

No ladzyña Crist nu-tziaawy gyre xguîlnann no xguîlbyniꞌ Dioz ni zidguiahc beeiy to ni modni rsahc ni nungaꞌdzy.

COLOSENSES 2:9

Porni gyre mod-nacu no Dioz, nac gahcu no Crist no xcuerp me.

1 TIMOTEO 3:16

Nehx nu ni nqueꞌladzy meññ de ni xroꞌ we guîlrzacbeeiy ni güyungaꞌdzy ni bluu Dioz nó: Crist biahd me, guhl me lo guiedzylie, bluu Spirt-Sant nehx nzahby me guîlquie, no bwieꞌ ángel yahc leeme. Xmeññ me bigyuno xtiidz me meññ-gyre nacióṉ, no byzaꞌzy lo guiedzylie bylíladzy xtahl meññ leeme, no zia me gybaa gyzac lo guîlbyniꞌ.

HEBREOS 1:3

No por leeme rxal lo xguîlbyni-ro Dioz, no nac me mod-nac gahc Dioz, no leegahcme nguña gyre cos por xtiidz me porni beeiyu leeme. Bylux güdihby me dguîlquie nó, gürie me coo Dioz gybaa lad-drech.

HEBREOS 1:5

Porni Dioz nehx güyuꞌ dzé gu me ndruhty ángel: Lii we dShiñaꞌ; glohdy dzêrieꞌ zieññ dshiñaꞌ we lii. Ni nehx günii me lguia ndruhty ángel: Naa we gac xTad me, no leeme gac dshiñaꞌ.

HEBREOS 10:5

No leewe, dze-güyuꞌ Crist lo guiedzylie, ra me Dioz: Nehx racladzyiꞌ gdee meññ maꞌ beeiy to gun ni zrieñ gun ni rdee yâme lii, mazyg bdeedyiꞌ naa to cuerp.

HEBREOS 2:11

Porni meññ-nu nunzy par Dioz no zegahcu Jesúz ni rtzoo leeyâme par Dioz, tohzy‑e xTad gyre yâme. No leewe Jesúz nehx rtuꞌ me ga me meññ-wé yahc behtzy me no byzan me leeyâme,

HEBREOS 5:5

No mod-wé gahc‑e Crist, nehx günii me leegahcme ñahc bahl ni nac jefy, mazyg Dioz‑e günii, no ra Dioz leeme: Lii we dShiñaꞌ; glohdy dzêrieꞌ zieññ dshiñaꞌ we lii.

1 JUAN 4:14

No noꞌ bwieꞌ noꞌ no rdee noꞌ diidz de ni Dioz ni nac dTad nó pshahl me Xiiñ me lehdy guislaa me meññ ni nu yahc lo guiedzylie de lo guîlnadz ni ziaad.

1 JUAN 4:9

Dioz mod-rieꞌ bluu me xguîlndzi me no nó dze-pshahl me Xiñ-ngahc me lo guiedzylie lehdy gdee me nó guîlmbahñ ni nehx zluhx.

2 JUAN 1:7

Ba bidguieññ xtahl meññ-mbuxter lo guiedzylie ni rnii ne Jesucrist nehx biahd lo guiedzylie no cuerp. Dxu nac ze, wé we meññ-mbuxter no nac me meññ-rruu contr Crist.

APOCALIPSIS 19:13

Lahr ni nutz me bydiꞌu no rieñ, no le me: Xtiidz Dioz.

APOCALIPSIS 21:3

No bieññaꞌ to riedz ndip ni byruu gybaa, neu: ―Dioz ba nu me no meññ. Ziuꞌ me no leeyâme, no leeyâme gac xmeññ me, no leeme gac xDioz yâme.