JUAN 1:11 - Zapotec Guevea de Humboldt New Testament

¹¹ Biahd me lahd meññ-xguiedzy me, per meññ-xguiedzy me nehx bylaby leeme.

JUAN 1:11 Iomraidhean Croise

MATEO 15:24

Were ne Jesúz: ―Dioz pshahl me naa nunzy par meññ-Isṟael ni zidguiahc beeiy xiily ni ba bynihty.

LUCAS 19:14

’Per mpyquie-rieꞌ naꞌ, néladzy meññ-xguiedzy me leeme, no por lee we, hor-ba za me, pshahl gahc yâme zrieñ meññ zigyne mod-rieꞌ: “Nehx riuꞌdadzy noꞌ gac mpyquie-rieꞌ dṟeiy noꞌ.”

JUAN 1:10

Leegahcme ni le Diidz, biahd me lo guiedzylie; no nîcze por leegahcme güyaa guiedzylie, per meññ-nu lo guiedzylie nehx bzaclo leeme.

JUAN 1:12

Per gyre meññ ni cuaꞌ xtiidz me xtâ leññ xguîlmbahñ no bylíladzy leeme, ptzoo me leeyahc xiiñ Dioz.

JUAN 19:27

No luxu ra me mpyquie-nac xmeññ me lee: ―Wé zu xmamiꞌ. Glohdy dze-wé zia xmam Jesúz xiryuꞌ mpyquie-caḻ, ni nac xmeññ Jesúz lee.

JUAN 3:32

no rnii me ni bwieꞌ me no ni bieññ me, per ndruhty nehx rlíladzy ni runo me lee.

HECHOS 13:26

’Betzy, laꞌd ni ziaad de lo xfamily Braṉ, no lahd laꞌd ni rzacbeeiy yahc Dioz: par gyre laꞌd‑e pshahl Dioz xtiidz me lehdy gann laꞌd bia mód beeiy gylaa meññ de lo guîlnadz ni ziaad.

HECHOS 13:46

Pabl naꞌ no Bernabé nehx rdzie yâme, ra yâme meññ-wé: ―Güdahp noꞌ de ni bieno noꞌ xtiidz Dioz nier laꞌd ni nac meññ-Isṟael; per gumm garuu laꞌd chehshu, no rwieꞌ laꞌd nehx par laꞌd guîlmbahñ ni nehx zluhx la, ngâstoo were ba tzo noꞌ ru nu meññ-nehx meññ-Isṟael.

HECHOS 21:6

Bylux güdiehdzy dsaꞌ noꞌ, güyuꞌ noꞌ leññ barcü. Leeyâme zia xiryuꞌ.

ROMANOS 15:8

Porni ren laꞌd Crist Jesúz biaht me, bidguiahc me beeiy to meññ-rahc mdad lee, par gacno me meññ-Isṟael, lehdy gac mod-bdee Dioz xtiidz me dtadgul nó ni güyuꞌ ba xtze, no mod-wé güieꞌ meññ ni uli we ni rnii Dioz.

ROMANOS 9:1

Naa rlídadzyaꞌ Crist, no leewe ganin ni uli, no Spirt-Sant racno dguîlriehñaꞌ ni rdee diidz naa nehx gayisquieen.

ROMANOS 9:5

Leeyâme we ni ziaad de lo xfamily dtadgul yahc nó ni güyuꞌ ba xtze; no de wé gahc biahd Crist dze-guhl me lo guiedzylie, no leeme we Dioz ni rtzoo mdad nyug, no nehx zdibylgaa de ni nu laꞌy leeme. Modé gacu.

GÁLATAS 4:4

Per lóni byzaꞌ dzé ni ba nac diidz, pshahl Dioz Xiiñ me ni guhl de to ngünaa, no Xiiñ Dioz bynizyno me xleiy Moiséz.