GÁLATAS 1:5 - Zapotec Guevea de Humboldt New Testament

⁵ ¡Di tzu dzé gydibylgaa ni gayuguia Dioz! Modé gacu.

GÁLATAS 1:5 Iomraidhean Croise

MATEO 28:20

no lâ gluu leeyâme gzoob yâme diidz gyre ni ba ptzon mdad laꞌd. No naa ba nun no laꞌd gyre dzé, xtâ dze-gynihty guiedzylie. Modé gacu.

MATEO 6:13

No bwieꞌ noꞌ lehdy di ctzoo noꞌ ni ne bêndzab, mazyg byla noꞌ de lo ni nadz. Porni lii we ni rtzoo mdad, no ni beeiyu lee gyreu, no ni tzuguia, tirgahc no gyre dzé ni ziaad. Modé gacu.

LUCAS 2:14

¡Xquix Dioz ni nu gybaa, no meññ ni nu xlaꞌy me lee, tzu yâme dzie tziaawy lo guiedzylie!

ROMANOS 11:36

Porni gyre ni nu ziaadu de Dioz, leeme bzaa gyre yahcu, no par leeme nu yahcu. ¡Di tzu dzé gydibylgaa ni gayuguia Dioz! Modé gacu.

ROMANOS 16:27

Dioz, lehzyme we, no ulihbu rahp guîlnann, di guiandzie de ni gayuguia me por Jesucrist. Modé gacu.

1 CORINTIOS 8:13

Leewe, bâḻ por guîlrahgü ni rahguaꞌ nsiahbu dirmanaꞌ ctzoo guîlquie la, beeiydí togahcs di zahguaꞌ biahl, lehdy di gletyrxanaꞌ dirmanaꞌ.

EFESIOS 1:12

Ptzoo Dioz mod-wé lehdy noꞌ ni nac meññ-Isṟael ni nier lee güliahz biahd Crist, tzu noꞌ par cuguia noꞌ Dioz por xguîlbyniꞌ me.

FILIPENSES 4:20

¡Di tzu dzé gydibylgaa ni gayuguia Dioz ni nac dTad nó! Modé gacu.

1 TIMOTEO 1:17

No leewe, di tzu dzé gydibylgaa de ni gzacbeeiy nó no cuguia nó Dioz. Leeme we Ṟeiy ni nehx ziuꞌ dzé csaꞌn de ni rtzoo mdad, no ni nehx ziuꞌ dzé zehty, ni nehx nwieꞌ ndruhty lee, no nunzy lee nac Dioz no ulihbu rahp guîlnann. Modé gacu.

2 TIMOTEO 4:18

No Crist guislaa me naa de gyre ni dirquihñ, no güieꞌ me naa tzun gybaa ru rtzoo me mdad. ¡Di tzu dzé gydibylgaa ni gayuguia me! Modé gacu.

HEBREOS 13:21

Dioz gahc gdee me laꞌd ni rquihñ lehdy ctzoo laꞌd gyre ni riuꞌladzy me por Jesucrist. ¡Di tzu dzé gydibylgaa de ni gayuguia Crist! Modé gacu.

1 PEDRO 5:11

Di tzu dzé gydibylgaa de ni gayuguia me no de ni beeiyu leeme. Modé gacu.

2 PEDRO 3:18

No leewe, lâ gdee ñahz gyniꞌzy xlaꞌy Jesucrist leññ xguîlmbahñ laꞌd, leeme rtzoo mdad nó no bislaa me nó, no lâ gzaclo leeme ma zaꞌgndzi. ¡Leeme we ni tzuguia ni naꞌ no di guiandzieu! Modé gacu.

JUDAS 1:25

Tohzy Dioz‑e nu ni rahp gyre guîlnann, no leeme bislaa nó de lo guîlnadz ni ziaad, no por Jesucrist ni rtzoo mdad nó, di guiandzie de ni gayuguia me, no de ni nu me to ru mos, no de ni beeiyu leeme, no de ni rtzoo me mdad, modé nacu ni naꞌ, no di tzu dzé gydibylgaau. Modé gacu.

APOCALIPSIS 14:7

Ganii me ndip, ne me: ―Lâ gydzie Dioz no lâ cuguia leeme, porni ba bydzihñ dzé ni ctzoo me guîlguxtisy. Lâ gzacbeeiy leeme porni leeme we bzaa gybaa no guiedzylie, nisdoo no gyre ru queꞌ nzeꞌ.

APOCALIPSIS 5:12

No ángel yahc ganii yâme ndip, ne yâme: Xiily ni guhty par guhc to gun, wé we rsahc de ni tzu gyreu lo ña, no lo ña me nu gyre guîlṟicü, no nu guîlnann, no ndruhty nehx stzoo gan lee, no rsahc ni nac, no rahp guîlbyniꞌ, no ni tzuguia.

APOCALIPSIS 7:12

ne yâme: ¡Modé gacu! Di tzu dzé gydibylgaa de ni tzuguia tDioz nó, ni rahp guîlbyniꞌ, no guîlnann, no rdee nó xquix lee, no rsahc ni nac, no ni beeiyu lee, no ndruhty nehx stzoo gan lee. Modé gacu.