GÁLATAS 1:13 - Zapotec Guevea de Humboldt New Testament

¹³ Ba nann laꞌd xnahc bidseen ba xtze, dze-rlídadzyaꞌ ni rlíladzy meññ-Isṟael, no nann laꞌd blaty‑e güzîbynaaḻaꞌ xmeññ Dioz, lé gucdadzyaꞌ nnityaꞌ leeyâme.

GÁLATAS 1:13 Iomraidhean Croise

HECHOS 8:1

No Saul biuꞌladzy me biꞌdy yâme Stebn. Dze-wé gahc guzlo gagultihp yâme gyre meññ-idoo ni nu yahc Jerusaléṉ. Nunzy apóstl biaꞌn, zrieñ yâme byxuunn, zia gydo lo ṟegioṉ-Judea, no gydo lo ṟegioṉ-Samary.

HECHOS 8:3

Per Saul ganzeꞌ me yuꞌ por yuꞌ, ganahzy me meññ-idoo, riyno me lee lidzyguiib nyug mpyquie, no ngünaa.

HECHOS 9:21

Gyre meññ ni gayieññ mod-rluu Saul, rtzunadz yâme, ne yâme: ―¿Dâs‑e mpyquie-rieꞌ ni gagultihp meññ ni rlíladzy xtiidz Jesúz ni nu yahc Jerusaléṉ la? No leeme biahd neꞌ par tziyno meññ-wé yahc lo xjefy yahc bahl lehdy tzu yâme lidzyguiib.

HECHOS 9:26

Hor-bydzihñ Saul Jerusaléṉ gucladzy me ñuꞌ me tohzy no xmeññ Crist. Per gyre yâme rdzie leeme, porni nehx rlíladzy yâme bâḻ uliu xmeññ Crist leeme.

1 CORINTIOS 10:32

Di ctzoo laꞌd ni gletyrxan meññ-Isṟael, ni meññ-nehx meññ-Isṟael, ni xmeññ Dioz.

1 CORINTIOS 15:9

Porni ma uxiee rsahcaꞌ lahd apóstl yahc, ni nehx rquihñ ña yâme naa apóstl, porni güzîbynaaḻaꞌ bygaꞌ xmeññ Dioz.

FILIPENSES 3:6

modni biuꞌdadzyaꞌ gyre ni rtzoo meññ-Isṟael, xtâ lé bgultipaꞌ xmeññ Jesucrist; no lguia ni ne leiy ctzoo meññ lehdy gac yâme beeiy ni nehx nzahby guîlquie, ndruhty nehx bydzial mbehty contr naa.

1 TIMOTEO 1:13

nîcze tzcaḻ günin didz-nahcsy contr leeme, bgultipaꞌ no ptzo psacaꞌ xmeññ me. Per bioob me naa, porni dgueññ gylídadzyaꞌ leeme no nehx gunnaꞌ bia gatzon.

1 TIMOTEO 1:14

No xlaꞌy Jesucrist modni guhcu xroꞌ par naa, no gucno me bylídadzyaꞌ leeme, no bdee me naa guîlndzi ni rahp nó porni nu nó no Crist Jesúz.