GÁLATAS 1:1 - Zapotec Guevea de Humboldt New Testament

¹ Naa Pabl, nacaꞌ x‑apóstl Jesucrist. Dac‑e meññ güle naa no dac‑e meññ pshahl naa, mazyg Jesucrist‑e no dTad nó Dioz pshahl naa. Leeme we ni bispahñ Jesucrist de lahd mînguty.

GÁLATAS 1:1 Iomraidhean Croise

JUAN 10:30

Naa no dTadaꞌ nac noꞌ tohzy.

JUAN 20:21

Luxu ra Jesúz leeyâme gyzac: ―Tzu xguîlmbahñ laꞌd dzie tziaawy. Mod-pshahl dTadaꞌ naa, modé gahc cshaalaꞌ laꞌd.

JUAN 5:19

Ra Jesúz leeyâme: ―Gapyaꞌ laꞌd ni uli, nehx rtzoo Xiiñ Dioz mbehty tohg me; ni rwieꞌ me rtzoo xTad me, wé we rtzoo me. Gyre ni rtzoo xTad me, niwé gahc‑e rtzoo me.

HECHOS 22:10

Were ren leeme: “Señor, ¿biaz naꞌ neꞌy ctzon?” Were ra me naa: “Biahsiꞌ no güya Damascü ru zaꞌy. Uga ga yâme lii bia gyre nu par ctzooy.”

HECHOS 3:15

No modé bgaꞌdy laꞌd mpyquie ni rdee guîlmbahñ, per Dioz bispahñ leeme de lahd mînguty. No de niwé we rdee noꞌ diidz ni bwieꞌ noꞌ.

HECHOS 9:6

Lé rzîbyyoob Saul de dzieeby, günii me ne me: ―Señor, ¿bia racladzyiꞌ ctzon? Ra Jesúz leeme: ―Biahsiꞌ, güya leññ ciuda ru zaꞌy. Uga ga yâme lii bia rahpiꞌ de ni ctzooy.

ROMANOS 1:1

Naa Pabl, rtzon xtziiñ Jesucrist. Dioz pquee me riedz naa lehdy gácaꞌ apóstl, no güle me naa lehdy gunon meññ xtiidz me

ROMANOS 10:9

Porni bâḻ gyniiy ñaz-lo meññ Jesúz‑e rtzoo mdad lii, no gylíladzyiꞌ leññ xguîlmbahñiꞌ de ni Dioz bispahñ leeme de lahd mînguty la, zlaay de lo guîlnadz ni ziaad.

ROMANOS 14:9

Por nirieꞌ guhty Crist no gübahñ me, lehdy ctzoo me mdad meññ-ba guhty no meññ-mbahñ.

1 CORINTIOS 1:1

Naa Pabl. Dioz pquee me riedz naa, porni ze racladzy me lehdy gácaꞌ x‑apóstl Jesucrist. Naa no rman-Sóstenes,

2 CORINTIOS 1:1

Naa Pabl, nacaꞌ x‑apóstl Crist Jesúz, porni ze racladzy Dioz. Naa no rman-Timoteu gashahl noꞌ guetzy-rieꞌ lo xmeññ Dioz ni nu yahc ciuda-Corint, gydibyno gyre zrieñ xmeññ Dioz ni nu yahc zrieñ guiedzy gydo lo ṟegióṉ ni le Acaya.

GÁLATAS 1:15

Per Dioz güle me naa dze-dgueññ ziaꞌ gahlaꞌ, no por xlaꞌy me pquee me riedz naa. No dze-biuꞌladzy me,

GÁLATAS 1:17

ni nehx güyan Jerusaléṉ ru nu meññ-nier lee ba nac apóstl antzy que naa. Mazyg sinn nleeraꞌ güyan lo ṟegioṉ-Arabia, no byluxu gubyguiataꞌ ciuda-Damascü.

EFESIOS 3:8

Nîcze naa we ni ma uxiee rsahc de gyre lahd xmeññ Dioz, per Dioz güluꞌ xlaꞌy me naa no bdee me naa dziñ-rieꞌ ni runon meññ-nehx meññ-Isṟael xtiidz Crist ni modni rsahc, xtâ nehx gahc ñuꞌ dxu beeiy guieññ zaꞌgndzi gyre ni mos ni rahp me par xmeññ me.

2 TIMOTEO 1:1

Naa Pabl, nacaꞌ x‑apóstl Jesucrist, porni ze racladzy Dioz, no pshahl me naa gunon meññ de ni Dioz bdee xtiidz me ycaꞌ nó guîlmbahñ ni nehx zluhx, porni nu nó tohzy no Crist Jesúz.

TITO 1:3

no dze-ba nac diidz, Dioz bislaa me nó, bluu me xtiidz me nó, bdee meu naa lehdy gunonu meññ, porni ze ptzoo me mdad.

HEBREOS 13:20

Dioz rguꞌ me meññ dzie tziaawy, no bispahñ me de lahd mînguty Jesucrist ni rtzoo mdad nó, no Jesucrist gahc gayahp me xmeññ me zaꞌgndzi ni zidguiahc beeiy xiily, no por xrieñ me ni byxieꞌ neññ de ni Dioz bdee me diidz ni ctzoo me no meññ, no nehx ziuꞌ dzé znihtyu;

1 PEDRO 1:21

No por Crist rlíladzy laꞌd Dioz, no Dioz bispahñ me Crist no gülesyguia me lee; no leewe rlíladzy laꞌd Dioz no rbiahz laꞌd de leeme.

APOCALIPSIS 1:18

no naa we ni mbahñ; naa guhtyaꞌ, per gübahñaꞌ gyzac, no nehx ziuꞌr dzé gatyaꞌ. Naa rtzon mdad guîlguhty, no beeiy guispahñaꞌ meññ-nu yahc leññ baa.

APOCALIPSIS 1:5

no de Jesucrist ni rdee diidz ni nac ni uli. Leeme we ni gübahñ nier de lahd mînguty, no leeme rtzoo mdad gyre ṟeiy ni nu lo guiedzylie. Jesucrist, ndzi me nó, no bislaa me nó de gyre dguîlquie nó dze-guhty me no byxieꞌ xrieñ me,

APOCALIPSIS 2:8

’Bzaa nirieꞌ lo guehtzy par ángel ni nuno xmeññ Dioz ni nu Esmirna: “Naa ba gahc nun xtâ ba xtze diaa no nehx zdibylgaa de ni nun, no guhtyaꞌ per gübahñaꞌ gyzac, no nirieꞌ we ni ganin: