EFESIOS 2:8 - Zapotec Guevea de Humboldt New Testament

⁸ Ba bylaa laꞌd por xlaꞌy Dioz ni güluꞌ me leññ xguîlmbahñ laꞌd porni bylíladzy laꞌd Crist. No nirieꞌ naꞌ, dac‑e de laꞌd ziaadu, mazyg to ni biscady Dioz‑e leeu par laꞌd.

EFESIOS 2:8 Iomraidhean Croise

MATEO 16:17

Were ra Jesúz leeme: ―Dxu ñahc beeiy lii, Simóṉ, xiiñ Jonáz, porni ndruhty dgueññ ga lii bâḻ ze leeu, mazyg dTadaꞌ ni nu gybaa.

MATEO 20:9

No bydzihñ meññ-güyuꞌ lo dziiñ beeiy las-cincü udzie, no cad to yâme biax ni nac sahc xchieñ to dzé.

MARCOS 16:16

Dxu rlíladzy dtiidzaꞌ no gyrôbnihs la, wé we zlaa de lo guîlnadz ni ziaad; per dxu nehx rlíladzy dtiidzaꞌ, wé rahp de ni gaty.

LUCAS 7:50

Jesúz naꞌ, ra me ngüna-caḻ: ―Ba bylaay‑e no ba nehx nu guîlquie chehshiꞌ, porni rlíladzyiꞌ. Zaꞌgru güya naꞌ.

JUAN 3:36

Dxu rlíladzy Xiiñ Dioz rahp guîlmbahñ ni nehx zluhx; per dxu nehx rlíladzy, nehx zahp me guîlmbañ-rieꞌ, mazyg nu guîlné chehsh me ni rshahl Dioz.

JUAN 4:10

Ra Jesúz leeme: ―Bâḻ ñanniꞌ bia rdee Dioz, no bâḻ ñanniꞌ dxu we naa ni ganab nzeꞌ lii, lii we nnabiꞌyu naa, no naa ndedyaꞌ lii ni zidguiahc beeiy nzeꞌ ni rdee guîlmbahñ.

JUAN 5:24

’Gapyaꞌ laꞌd ni uli: Dxu rquee ihqy ni ren, no rlíladzy Dioz ni pshahl naa, wé zahp guîlmbahñ ni nehx zluhx; no di znihty me lo xguîlquie me, mazyg zidguiahc me beeiy ni ba güdedy de lo guîlguhty, no ba rahp me guîlmbahñ ni nehx zluhx.

JUAN 6:35

Ra Jesúz leeyâme: ―Naa we paṉ ni rdee guîlmbahñ. Dxu ryo naa, nehx ziuꞌ dzé gylahn; no dxu rlíladzy naa, nehx ziuꞌ dzé ssaagyladzy.

JUAN 6:37

Gyre meññ ni gdee dTadaꞌ lee par gac dmeññaꞌ lee, zidyo yâme naa; no meññ ni ryo naa, nehx rboon lee diby lad.

JUAN 6:40

Porni dTadaꞌ racladzy me gyre meññ ni gzaclo naa no gylíladzy naa, gap yâme guîlmbahñ ni nehx zluhx; no naa zispahñaꞌ leeyâme dze-gydibylgaa guiedzylie.

JUAN 6:44

Ndruhty nehx zyo naa, bâḻ dTadaꞌ ni pshahl naa di yquee riedz leeyâme; no naa zispahñaꞌ leeyâme dze-gydibylgaa guiedzylie.

JUAN 6:65

No ra me: ―Leewe ren laꞌd ndruhty nehx zidyo naa, bâḻ di cshahl dTadaꞌ lee.

HECHOS 13:39

Dxu rlíladzy leeme la, wé ssiaaḻladzy Dioz xguîlquie ni nehx beeiy ntzoo xleiy Moiséz.

HECHOS 14:27

Ru bydzihñ yâme Antioquía, ptohp yâme gyre meññ-idoo no bieno yâme diidz lee gyre mod-gucno Dioz leeyâme ru güya yâme, no mod-bdee Dioz ñahz bylíladzy meññ-nehx meññ-Isṟael.

HECHOS 15:11

Mazyg nó rlídadzy nó zlaa nó de lo guîlnadz ni ziaad por xlaꞌy Jesúz ni rtzoo mdad, no modé gahc‑e zislaa me meññ-nehx meññ-Isṟael.

HECHOS 16:14

To de lahd yâme le Lidy, meññ-Tiatira leeme. Ngüna-rieꞌ rtoꞌ me lar-morad ni rsahc no rzacbeeiy me Dioz. Lóni gayieññ me ni ganii Pabl, pshal Dioz xguîlmbahñ me bylíladzy meu.

HECHOS 16:31

Ra yâme leeme: ―Bylíladzyiꞌ Jesucrist ni rtzoo mdad no were beeiy zlaay de lo guîlnadz ni ziaad, no modé zlaa xmiꞌñiꞌ zegahc.

ROMANOS 10:14

Per ¿bia mód nnab yâme lo me bâḻ nehx rlíladzy yâme leeme? ¿No bia mód nlíladzy yâme leeme bâḻ dgueññ guieññ yâme de leeme? ¿No bia mód ñieññ yâme xtiidz me bâḻ nehx ñuꞌ dxu ñunou leeyâme?

ROMANOS 10:17

Leewe, rlídadzy nó Dioz porni rieññ nó xtiidz me, no rieññ nó leeu por xtiidz Crist.

ROMANOS 4:16

Leewe, lehdy di gynihty ni bdee Dioz xtiidz me ni ba ra me Braṉ par gyre meññ ni ziaad de lo xfamily me, guhcu to laꞌy ni gudy Braṉ porni bylíladzy me, no dac‑e nunzy par meññ-rtzoo ni ne xleiy Moiséz leeu, mazyg zegahc par meññ ni rlíladzy Dioz mod-bylíladzy Braṉ. Mod-wé Braṉ zidguiahc me beeiy dtad gyre nó,

ROMANOS 4:5

Dioz rteedy me meññ beeiy ni nehx nzahby guîlquie, dac por behch ni ntzoo me, mazyg porni rlíladzy me Dioz ni rteedy meññ-dirquihñ beeiy ni nehx nzahby guîlquie.

ROMANOS 9:16

No leewe, xlaꞌy Dioz dac‑e meññ gynii ycaꞌ leeu, ni dac‑e porni nzîbyladzy yâmeu leewe ncaꞌ yâmeu, mazyg Dioz‑e rguꞌ xlaꞌy me no rioob me meññ.

GÁLATAS 3:14

Guhcu no Crist ze lehdy ycaꞌ meññ-nehx meññ-Isṟael xlaꞌy me mod-ra gahc Dioz Braṉ tzcaḻ, no zegahc lehdy gyre nó ni rlíladzy scaꞌ nó xiSpirt Dioz ni ba bdee Dioz xtiidz me gac.

GÁLATAS 3:22

Per ne lo Guehtzy ru queꞌ xtiidz Dioz, gyre meññ nu lo ña guîlquie, lehdy dxu gylíladzy Jesucrist gady yâme ni bdee Dioz xtiidz me ycaꞌ meññ-rlíladzy.

EFESIOS 1:19

no blaty‑e xroꞌ no nehx rahp mdid beeiyu leeme, no leeu gayacnou nó ni rlíladzy leeme no gyre mod-beeiyu leeme.

EFESIOS 2:10

Dioz ptzoo me nó mod-ba nac nó; bdee me nó guîlmbañ-coby no nu nó no Crist Jesúz lehdy ctzoo nó ni mos, ni ba günii me ctzoo nó.

EFESIOS 2:5

Nîcze guhc nó beeiy mînguty porni ptzoo nó guîlquie, per Dioz bdee me guîlmbañ-coby nó tohzy no Crist (por xlaꞌy Dioz bylaa laꞌd de lo guîlnadz).

FILIPENSES 1:29

Ni rdee Dioz laꞌd dac‑e nunzy de ni galíladzy laꞌd Crist, per zegahc‑e de ni tedy laꞌd gyrehzy ni nadz por leeme.

COLOSENSES 2:12

Dze-byrôbnihs laꞌd, zidguiahcu beeiy ni bygaꞌdzy laꞌd tohzy no Crist, no zegahc gübahñ laꞌd tohzy no leeme, porni rlíladzy laꞌd ni beeiy rtzoo Dioz ni bispahñ Crist de lahd mînguty.

2 TESALONICENSES 1:9

Meññ-rieꞌ yahc gráḻ me lee ru nehx ziuꞌ dzé gyruu yâme de ni gzaczi yâme, no nehx beeiy ziuꞌ yâme ru nu Jesucrist ni rtzoo mdad, no nehx zwieꞌ yâme xguîlbyniꞌ me no de gyre ni beeiyu leeme.

HEBREOS 6:4

Porni meññ ni ba güyuꞌ lo xguîlbyniꞌ Dioz, no ba nann ni rdee Dioz, no ba cuaꞌ Spirt-Sant,

1 PEDRO 1:5

No Dioz, beeiyu leeme gala me laꞌd porni rlíladzy laꞌd leeme, lehdy gylaa laꞌd, no ba rahp meu puexd no zwieꞌ nyug leeu dzé ni gyluhx guiedzylie.