EFESIOS 2:12 - Zapotec Guevea de Humboldt New Testament

¹² Tzcaḻ nehx nann laꞌd dxu we Crist, no rahc cuent ziht nu laꞌd de meññ-Isṟael, no meññ-diby lad‑e laꞌd no nehx nann laꞌd ni bdee Dioz xtiidz me ctzoo me no leeyâme. No tzcaḻ nu laꞌd lo guiedzylie-rieꞌ, per nehx nu ni mbiahz laꞌd lee, ni nehx nu laꞌd no Dioz.

EFESIOS 2:12 Iomraidhean Croise

LUCAS 1:72

No ne me zioob me gyre dmeññ nó ni güyuꞌ ba xtze, no nehx ziaaḻladzy me bdee me diidz de ni ziuꞌ sto mod-coby ni ctzoo me no xmeññ me.

JUAN 10:16

No rapaꞌ zrieñ dmeññaꞌ sto lad ni nehx rzaclo laꞌd lee ni zidguiahc beeiy xiily; no dziycan leeyâme zegahc. Zieññ yâme ni gynin no ssobdiidz yâme naa, no zahc yâme tohzy cuib no gyre meññ-nu yahc neꞌ, no tohzy dxu ni gap leeyâme zaꞌgndzi.

JUAN 15:5

’Naa we beeiy to xan blatzy, no laꞌd‑e beeiy xúzu. Dxu nu tohzy no naa, no nun tohzy no lee, wé we beeiy xúzu ni rqueꞌ xtahl, porni bâḻ di tzu laꞌd tohzy no naa, nehx beeiy ctzoo laꞌd mbehty.

JUAN 4:22

Laꞌd rzacbeeiy laꞌd ni nehx nann laꞌd dxu lee; per noꞌ nann noꞌ dxu rzacbeeiy noꞌ lee; porni de meññ-Isṟael ziaad dxu guislaa meññ de lo guîlnadz.

HECHOS 2:39

Nirieꞌ ni bdee Jesúz xtiidz me cshahl me, par laꞌd‑e leeu, no zegahcu par xiiñ laꞌd no xtâ gyre meññ ni nur ziht; leeu we gyre meññ ni yqueer tDioz nó riedz lee, leeme we ni rtzoo mdad.

HECHOS 28:20

No leewe, pshalcan laꞌd par gyninon laꞌd. Nun lgar-rieꞌ nliibyaꞌ nunzy porni rlídadzyaꞌ ba bydzihñ dzé ni gabiahz meññ-Isṟael lee.

HECHOS 3:25

Laꞌd‑e meññ ni ziaad de profet yahc, no par laꞌd‑e bdee Dioz diidz ni ctzoo me no dtadgul yahc nó ba xtze, dze-gu me Braṉ: “Gyre meññ ni tzu lo guiedzylie scaꞌ yâme dlaꞌyaꞌ por xiiñ yahquiꞌ.”

ROMANOS 9:8

Nirieꞌ rdee diidz dac‑e gyre meññ ni rahl de lo xfamily Braṉ ulihbu xiiñ Dioz lee, mazyg meññ ni guhl de xiiñ me Isac, wé we ulihbu ziaad de lo xfamily Braṉ, mod-bdee Dioz xtiidz.

GÁLATAS 4:8

Dze-nehx rzaclo laꞌd Dioz, rzacbeeiy laꞌd aaḻ ni nehx uli Dioz leeyahc.

EFESIOS 2:19

No leewe, ba nehx zidguiahc laꞌd beeiy mbiuhz ni meññ-zrieñ lad, mazyg ba tohzy guiedzy‑e laꞌd no xmeññ Dioz, no ba xfamily Dioz‑e laꞌd.

EFESIOS 4:18

Nyagü xguîlriehñ yâme, no nehx rahp yâme guîlmbañ-rdee Dioz, porni nahdy xguîlmbahñ yâme no nehx nann yâme bia rtzoo yâme.

COLOSENSES 1:21

Tzcaḻ rahc cuent diby lad‑e nu laꞌd de Dioz, no néladzy laꞌd leeme leññ xguîlmbahñ laꞌd por ni nahcsy yahc ni ptzoo laꞌd. Per naꞌ, Dioz bistzihñ me laꞌd lo me mos,

COLOSENSES 1:27

Dioz racladzy me gann yâme nirieꞌ ni güyungaꞌdzy ni zidguiahc to ni modni rsahc ni beeiy ycaꞌ meññ-nehx meññ-Isṟael. No nirieꞌ naꞌ, leeu we de ni nu Crist leññ xguîlmbahñ laꞌd, no gabiahz laꞌd to xroꞌ ni mos ni ziaad ziaꞌ.

COLOSENSES 1:5

porni gabiahz laꞌd gyre ni mos ni nu-tziaawy gybaa par laꞌd, lguia ni ba bieññ laꞌd didz-uli ni nac xtiidz Crist.

1 TESALONICENSES 4:13

Rman, nehx riuꞌdadzy noꞌ guiaꞌn laꞌd sinn di gann laꞌd ni rahc mînguty, lehdy di tzu laꞌd trixd beeiy meññ ni nehx gabiahz to dze-mos.

1 TESALONICENSES 4:5

Di gap laꞌd leeyâme no to guîlrieñ-nahcsy par guiahcsladzy laꞌd, beeiy rtzoo meññ-nehx rzaclo Dioz.

2 TESALONICENSES 2:16

Jesucrist gahc rtzoo me mdad nó, no Dioz ni nac dTad nó bintzi me nó, no por xlaꞌy me racno me nó tirgahc no ni nadz ni rdedy nó, no bdee me nó to ni mos ni gabiaaz nó. Rnab noꞌ lo me

1 TIMOTEO 1:1

Naa Pabl, nacaꞌ x‑apóstl Jesucrist, porni Dioz ni bislaa nó ptzoo mdad gacu ze, no Jesucrist ni de lee gabiaaz nó.

HEBREOS 11:34

no psiee yâme gue-ro, bylaa yâme ñehty yâme no spad, no hor-ba di raḻu leeyâme, guhc yâme ni beeiyu lee, ptzoo yâme gan hor-güdeḻy yâme, bisshuunn yâme soldad ni güdeḻyno yâme lee.

HEBREOS 6:18

Sca-ze nehx beeiy risquiee Dioz, leewe nehx beeiy zdzee ni ba bdee xtiidz me, no nehx beeiy zdzee de ni günii meu togahcs. No gyropu racnou nó porni ryo nó gyla Dioz nó, no nehx squeꞌdadzy nó zdee me ni gabiaaz nó.

HEBREOS 8:6

Per ma rsahc dziiñ ni rtzoo Crist que xtziiñ bahl tzcaḻ, porni nu me entr Dioz no meññ de to ni ma mos ni bdee Dioz diidz ni ctzoo no meññ, no nirieꞌ naꞌ, ziaadu de to ni ma mos ni bdee Dioz xtiidz me.

1 PEDRO 1:21

No por Crist rlíladzy laꞌd Dioz, no Dioz bispahñ me Crist no gülesyguia me lee; no leewe rlíladzy laꞌd Dioz no rbiahz laꞌd de leeme.

1 PEDRO 1:3

Nu laꞌy Dioz, xTad Jesucrist ni rtzoo mdad nó. Leeme modni bioob me nó, no bdee me nó guîlmbañ-coby beeiy ni guhl nó gyzac, porni Jesucrist gübahñ me de lahd mînguty. Leewe nu to ni mos ni gabiaaz nó.

1 PEDRO 3:15

mazyg lâ gzacbeeiy Crist leññ xguîlmbahñ laꞌd, leeme we ni rtzoo mdad nó. No lâ tzu puexd par ga laꞌd gyre meññ ni racladzy gann lguia ni gabiahz laꞌd, per lâ ga leeyâme no didz-ndoo no guîlrahp xpeeiy.

1 JUAN 3:3

No gyre dxu gabiahz gac mod-nac me la, to to dzé we gatzunye xguîlmbahñ yâme, beeiy gahc mod-nye xguîlmbahñ Crist.