APOCALIPSIS 8:12 - Zapotec Guevea de Humboldt New Testament

¹² Ni rzaꞌu tahp ángel pquee trompet, no gucné to de lo tzonn laꞌy ncübidz, no mboo, no mbial, no gucncawy yâme. Modé to de lo tzonn laꞌy yudzé nehx bdee ncübidz byniꞌ, no to de lo tzonn laꞌy guiaal nehx bdee mboo no mbial byniꞌ zegahc.

APOCALIPSIS 8:12 Iomraidhean Croise

MATEO 24:29

’Scâsy tedy ni gzacno meññ dze-wé yahc, zacncawy ncübidz no nehx zguꞌ mboo byniꞌ, no ziahb mbial yahc de leññ gybaa, no zniꞌby gyre ni nu leññ gybaa.

MATEO 27:45

Glo ribygue güyuꞌ guibcawy gydo lo guiedzylie no xtâ las-trez udzie.

MARCOS 13:24

’Leññ dze-wé yahc, lux tiemp-caḻ ni gzacno meññ, zacncawy ncübidz no nehx zguꞌ mboo byniꞌ,

MARCOS 15:33

Hor-bydzihñ ribygue naꞌ, güyuꞌ guibcawy gydo lo guiedzylie no xtâ las-trez udzie.

LUCAS 21:25

’No luxu, tzu señal leññ gybaa: gydzee mod-nac ncübidz, no mboo zegahc, no mbial. Ba di zdzial meññ bia ctzoo de tant dzieeby por ṟid-ro ni ctzoo nisdoo no oḻ.

HECHOS 2:20

Zacncawy lo ncübidz, no zac-nixni lo mboo beeiy rieñ, dze-dgueññ gydzihñ ni guiaad Señor, to dze-ro ni rsahc.

2 CORINTIOS 4:4

No nehx rlíladzy yâme porni bêndzab, ni nac xdioz guiedzylie-rieꞌ, psaagü xguîlriehñ yâme lehdy di güieꞌ yâme xguîlbyniꞌ xtiidz Crist ni nuguia, no ni nac tohzy mod-nac Dioz.

APOCALIPSIS 12:4

No pchuꞌ maꞌ to de lo tzonn cuib mbial ni queꞌ leññ gybaa no xpaan maꞌ, no bráḻ maꞌ lee lo guiedzylie. No bigliahz maꞌ lo ngünaa ni ba dzictap mdoo, lehdy gahgü maꞌ ximdoo me scâsy gahl.

APOCALIPSIS 16:10

Ni rzaꞌu gaay ángel blaꞌd xcop me chehsh ru rbia ma-ro rtzoo mdad, no were gucncawy ru rtzoo maꞌ mdad. No meññ, lé rzoꞌ luhdz yâme por né ni güdedy yâme;

APOCALIPSIS 6:12

Hor-pchuꞌ Xiily ni rzaꞌu shoꞌb sell, bwien guhc to xu-ro. Ncübidz biee gahc xgue no guhc me beeiy lar-yaꞌz, no mboo guhc nixni beeiy rieñ,

APOCALIPSIS 9:15

No were bylaa gydap ángel ni nliiby coo guiahgü, ni nu yahc puexd par hor-wé, no dzé, no mboo no ihz, lehdy igaꞌdy yâme to de lo tzonn cuib meññ ni nu lo guiedzylie.

APOCALIPSIS 9:18

To de lo tzonn cuib meññ ni nu lo guiedzylie guhty por guionn nirieꞌ ni ruu ruꞌ caball: gue, guhsh no asufr.