APOCALIPSIS 7:4 - Zapotec Guevea de Humboldt New Testament

⁴ No bieññaꞌ bla xmeññ Dioz ni cueꞌ sell lee: diby gayuu cuarentaycuatr mily yâme de lahd gydiby tzipychop xigrup meññ-Isṟael.

APOCALIPSIS 7:4 Iomraidhean Croise

MATEO 19:28

Ra Jesúz leeyâme: ―Gapyaꞌ laꞌd ni uli, dze-gydzee gyre cos mod-nac, lee we dze-ba naa, Mpyquie-Pshahl Dioz Lee, dxien to ru mos ru ctzon guîlguxtisy to lo guîlbyniꞌ, were laꞌd ni nac dmeññaꞌ lee, zbia laꞌd zegahc tzipychop lgar ru ctzoo laꞌd guîlguxtisy, no güieꞌ laꞌd ni nac gyre meññ-ziaad de lo xfamily gydiby tzipychop xiiñ Isṟael.

LUCAS 14:22

Hor-gubyguiat me, ra me xpatróṉ me: “Señor, ba güyan ru pshahliꞌ naa, per nur lgar leññ yuꞌ.”

LUCAS 22:30

lehdy were gahgü laꞌd no goo laꞌd ruꞌ miax ru ctzon mdad. No uga cuia laꞌd par ctzoo laꞌd guîlguxtisy lguia gyre meññ-ziaad de lo xfamily gydiby tzipychop xiiñ Isṟael.

HECHOS 26:7

Dmeññ nó ni ziaad de lo gydiby tzipychop xiiñ Isṟael zegahc gabiahz yâme gac mod-bdee Dioz xtiidz me leeyâme, no por lee we dzé no guiaal rzacbeeiy yâme Dioz ni nu gybaa. No porni rtzon mod-wé gahc‑e, ṟeiy-Agripa, lee we ni garuu meññ-Isṟael contr naa.

ROMANOS 9:27

Zegahc ne lo guehtzy ni bzaa profet-Isaíaz lguia meññ-Isṟael, ne me: “Nîcze ñahc xfamily xiiñ Isṟael ma xtahl beeiy yux ni nu coo nisdoo, nunzy doozy yâme we zlaa de lo guîlnadz;

SANTIAGO 1:1

Naa Santiagü, rtzon xtziiñ Dioz no xtziiñ Jesucrist ni rtzoo mdad, ganin diux lo xmeññ Dioz ni nu-raꞌdz gydo lo guiedzylie.

APOCALIPSIS 14:1

Luxu bwien zu Xiily chehsh dañ-Sióṉ, no zuno me diby gayuu cuarentaycuatr mily meññ ni queꞌ le Xiily lque no le xTad me.

APOCALIPSIS 14:3

No gayuuḻ yâme to himn-coby ñaz-lo ru dxie Dioz rtzoo mdad no lo gydap ni mbahñ no lo mînguhl yahc ni nac guxtisy. Ndruhty nehx beeiy gyzeedy himn-wé ni gayuuḻ yâme, mazyg nunzy diby gayuu cuarentaycuatr mily meññ ni bislaa Dioz de lahd meññ-nu lo guiedzylie.

APOCALIPSIS 7:5

Tzipychop mily yâme cueꞌ sell lee de lo xigrup Judá, stzipychop mily yâme de lo xigrup Ṟubéṉ, stzipychop mily yâme de lo xigrup Gad,

APOCALIPSIS 9:16

No bieññaꞌ blac soldad ni dziib caball: nac yâme chohp gayuu millóṉ.