APOCALIPSIS 7:3 - Zapotec Guevea de Humboldt New Testament

³ ―¡Di ctzuné laꞌd guiedzylie ni nisdoo ni yag-rgaꞌy xtâ hor-ba pquee nó sell lque xmeññ tDioz nó!

APOCALIPSIS 7:3 Iomraidhean Croise

MATEO 24:22

No bâḻ Dioz nehx ntzundop me dze-wé yahc ni gac xroꞌ guîlrzacno la, nehx nlaa ndruhty; per por xmeññ me ni güle me leeyahc, ctzundop meu.

MATEO 24:31

No cshaalaꞌ d‑ángel yahcaꞌ ni yquee trompet lehdy gydohp gyre meññ ni güleꞌn lee byzaꞌzy lo guiedzylie, xtâ ru rruu gydap mbeꞌ.

JUAN 12:26

Dxu riuꞌladzy ctzoo dixtziñaꞌ, ctzoo ni ren; no ru tzun, wé we ziuꞌ dxu gatzoo dixtziñaꞌ. No dxu rtzoo dixtziñaꞌ, zguguia dTadaꞌ lee.

JUAN 3:33

Per dxu rlíladzy ni runo me lee, rdee diidz Dioz rnii ni uli;

ROMANOS 6:22

Per hôrrieꞌ, guîlquie ba nehx rtzoou mdad laꞌd, ba Dioz‑e rtzoo mdad laꞌd. No nirieꞌ zidno to ni mos de ni nac laꞌd nunzy par leeme, no gydibylgaau de ni gap laꞌd guîlmbahñ ni nehx zluhx.

APOCALIPSIS 13:16

No zegahc ptzoo ma-byruu leññ yu mdad yqueꞌ to señ ña-drech o lque gyre meññ, bâḻ guhcu meññ-ndruhty nehx nac o meññ-rahc ni rnii, meññ-ṟicü o meññ-pobr, meññ-nehx byzee o mós ni byzee.

APOCALIPSIS 13:17

Ndruhty nehx beeiy ssii o ctoꞌ behch bâḻ nehx rahp xseñ ma-ro o le ma-ro o numr ni riaa le maꞌ.

APOCALIPSIS 14:1

Luxu bwien zu Xiily chehsh dañ-Sióṉ, no zuno me diby gayuu cuarentaycuatr mily meññ ni queꞌ le Xiily lque no le xTad me.

APOCALIPSIS 14:9

Luxu byruu ni rionn ángel ganii ndip, ne: ―Dxu rzacbeeiy ma-ro no rzacbeeiy xfigur maꞌ, no gdee ñahz yqueꞌ xseñ maꞌ lque o ña,

APOCALIPSIS 19:2

porni rtzoo me guîlguxtisy xñahzu no ni uli; no ba ptzoo me guîlguxtisy chehsh Babilony ni zidguiahc beeiy ngünaa ni rtzoo guîlquie no xtahl mpyquie, ni pquihly gyre meññ ni nu lo guiedzylie güzeno ni nehx tziahl beeiy gahc ptzoo me. No Dioz, ba güluquix me ngüna-wé de ni biꞌdy me xmeññ Dioz no pshieꞌ me xrieñ yâme.

APOCALIPSIS 20:4

No bwien xtahl ru rbia ni rtzoo mdad, no dxie meññ lou ni guhc mdad lee ctzoo guîlguxtisy. No bwien xispirt gyre meññ ni byrug ihqy porni bdee yâme diidz ni günii Jesúz, no porni bieno yâme meññ xtiidz Dioz. Meññ-rieꞌ yahc nehx bzacbeeiy yâme ma-ro ni byruu leññ nisdoo, ni xfigur maꞌ, no ni nehx bdee yâme ñahz nqueꞌ xseñ maꞌ lque yâme ni ña yâme; no bwien gübahñ yâme sto, no güyuꞌ yâme no Crist, ptzoo yâme mdad leññ diymily ihz.

APOCALIPSIS 22:4

Zwieꞌ yâme lo me merp leeme, no yqueꞌ le me lque yâme.

APOCALIPSIS 6:6

No bieññaꞌ byruu to riedz glaꞌy ru nu gydap ni mbahñ, ne: ―Nunzy to kil trigü, o tzonn kil ṟoz gyzee sahc xchieñ to xdzé dziiñ. Per di cuy guîlzi ceihd no zegahcu vin.

APOCALIPSIS 7:1

Bylux nirieꞌ bwien tahp ángel, no to gá yâme zu gydap coo guiedzylie, gayiscuiahz yâme mbedun, lehdy di gyxuuw lo guiedzylie no lo nisdoo, ni di quihñu mbehty yag-rgaꞌy.

APOCALIPSIS 7:2

No bwien sto ángel ni byruu ñaz-ru rlahñ ncübidz, caꞌ me lo ña me xsell Dioz-mbahñ. No ndip pquee me riedz gydap ángel ni guhc mdad lee ctzuné guiedzylie no nisdoo, ra me lee:

APOCALIPSIS 9:4

No nehx bdee Dioz ñahz gniꞌdy maꞌ guix-rgaꞌy lo yu, ni guehsh, ni mbehty yag-mble, mazyg guhc mdad leeyâmaꞌ ctzuné yâmaꞌ nunzy meññ ni nehx queꞌ xsell Dioz lque.