APOCALIPSIS 7:17 - Zapotec Guevea de Humboldt New Testament

¹⁷ porni Xiily ni zu glawy ru rbia ni rtzoo mdad, wé we güieꞌ leeyâme beeiy mod-rahp meññ xiily, no tziyno leeyâme ru gada nzeꞌ ni rdee guîlmbahñ. No schee Dioz gyre nzelo yâme ni biin yâme.

APOCALIPSIS 7:17 Iomraidhean Croise

MATEO 2:6

No lii, Beléṉ, ni nu lo ṟegioṉ-Judá, rsahquiꞌ lahd gyre guiedzy ni rtzoo mdad ni nu Judá; porni de lii gahl to mpyquie ni ctzoo mdad no ni güieꞌ dmeññaꞌ ni nac meññ-Isṟael.

MATEO 5:4

’Dxu ñahc beeiy meññ ni ruun, porni Dioz zacno leeyâme no gyre ni nadz ni rdedy yâme.

JUAN 10:11

Naa nacaꞌ beeiy to meññ ni rahp xiily zaꞌgndzi. Mod-wé we nacaꞌ no dmeññaꞌ, rdedyaꞌ dguîlmbahñaꞌ gatyaꞌ por leeyâme.

JUAN 10:14

’Naa nacaꞌ beeiy meññ ni rahp xiily zaꞌgndzi; rzacloꞌn dmeññaꞌ, no leeyâme rzaclo yâme naa.

JUAN 4:10

Ra Jesúz leeme: ―Bâḻ ñanniꞌ bia rdee Dioz, no bâḻ ñanniꞌ dxu we naa ni ganab nzeꞌ lii, lii we nnabiꞌyu naa, no naa ndedyaꞌ lii ni zidguiahc beeiy nzeꞌ ni rdee guîlmbahñ.

JUAN 4:11

Ra ngüna-samaritan leeme: ―Señor, nehx nu bia no gbooyu, no guiat leññ pos. ¿Bá glo ncaꞌy nzeꞌ ni rdee guîlmbahñ ni ndeedyiꞌ naa?

JUAN 4:14

per dxu ñoo nzeꞌ ni gdedyaꞌ, nehx zibyguiat ssaagyladzy; porni leññ xguîlmbahñ me gdedyaꞌ ni zidguiahc beeiy nzeꞌ ni rda, no gacu guîlmbahñ ni nehx zluhx.

HECHOS 20:28

Naꞌ la, lâ güieꞌ por laꞌd gahc, no por gyre meññ-idoo. Porni Spirt-Sant‑e güle laꞌd par gac laꞌd meññ-tzu idoo xcargü lehdy gap laꞌd no güieꞌ laꞌd xmeññ Crist, ni güxii me lee por xrieñ gahcme lo cruzy.

1 PEDRO 5:2

Rnabaꞌ laꞌd, lâ gac beeiy meññ ni rigyaan xiily, no lâ güieꞌ zaꞌgndzi gyre xmeññ Dioz ni nu xcargü laꞌd; lâ ctzoou no gydo guîlmbahñ, mod-racladzy Dioz, no dac porni gayahc mdad laꞌd, ni dac por guîlrzîbyladzy medy, mazyg lâ ctzoou porni rxilyno laꞌdu.

APOCALIPSIS 14:4

Meññ-wé ptzoo ni nac xñahzû, beeiy meññ ni nehx bidzña o nehx güzeno yâme ngünaa, mazyg náḻ yâme Xiily rutisy za me. Bislaa Dioz leeyâme de lahd meññ-nu lo guiedzylie, no nier leeyâme nac to gun par Dioz no par Xiily.

APOCALIPSIS 21:22

Leññ ciuda-wé nehx bwien ni to idoo, porni Dioz ni rtzoo mdad no beeiyu lee gyreu, leeme nac idoo uga, no zegahc Xiily.

APOCALIPSIS 21:23

Leññ ciuda-wé ba dac‑e ncübidz cu byniꞌu ni mboo, porni xguîlbyniꞌ Dioz rguꞌ byniꞌu, no Xiily rguꞌ byniꞌu beeiy to lampr.

APOCALIPSIS 21:4

No schee Dioz gyre nzelo yâme ni biin yâme; no ba nehx ziuꞌ guîlguhty, no ba nehx ziuꞌ yâme trixd, ni ba nehx zuun yâme, ni ba nehx gzacno yâme; porni gyre ni güyuꞌ tzcaḻ, ba bynihtyu.

APOCALIPSIS 21:6

No ra me naa: ―Ba bydibylgaa gyreu. Naa we beeiy letr-A ni rizlo alfabet no beeiy letr-Z ni rluxu; gyreu rizlou no rluxu no naa. Dxu rzaagyladzy, zdedyaꞌ nzeꞌ ni rdee guîlmbahñ goo meu zehzy.

APOCALIPSIS 22:1

Luxu bluu ángel naa to guiahgü ru ziaad nze-nyar ni rdee guîlmbahñ, no nze-rieꞌ rzaagyu beeiy vidr. No ziaadu de ru dxie Dioz no Xiily.

APOCALIPSIS 4:11

Señor, lii we rsahc par cuguia meññ lii, no par gzacbeeiy meññ lii, no de ni beeiyu lii gyreu, porni lii bzaay gyre ni nu; porni biuꞌladzyiꞌ, leewe nuw no güyaau.

APOCALIPSIS 5:6

Luxu bwien glawy ru rbia ni rtzoo mdad no glawy de ru dxie gydap ni mbahñ yahc no gydiby veinticuatr mînguhl ni rahc ni rnii, zu to Xiily, rluu maꞌ beeiy ni guhty par guhc to gun. Rahp maꞌ gahdzy cach no rahp gahdzy byzalo maꞌ ni zidguiahc beeiy gahdzy spirt xchieñ Dioz ni pshahl me gydo lo guiedzylie.