APOCALIPSIS 4:8 - Zapotec Guevea de Humboldt New Testament

⁸ No gydap nirieꞌ ni mbahñ queꞌ shoꞌb gá shiilyu, no shiily yahcu rahp xtahl byzalo ñaz-chehsh no ñaz-leññ; no dzé no guiaal nehx rsandzie ni ganiiu, neu: Dioz nehx nu ndruhty beeiy lee, nehx nu ndruhty beeiy lee, nehx nu ndruhty beeiy lee, ni rtzoo mdad no beeiyu lee gyreu, ni ba gahc nu ba xtze diaa, ni nu ni naꞌ no ni guiaad.

APOCALIPSIS 4:8 Iomraidhean Croise

HECHOS 20:31

¡Gax lâ gann! Lâ guitsêlou laꞌd leññ tzonn ihz, dzé no guiaal nehx psandzien de ni gülun xguîlriehñ to to laꞌd lé binaꞌ.

2 CORINTIOS 6:18

no naa gácaꞌ xTad laꞌd, no laꞌd, mpyquie no ngünaa, gac laꞌd dshiñ yahcaꞌ, ne Dioz ni beeiyu lee gyreu.

1 TESALONICENSES 2:9

Rman, ritsêlou laꞌd modni ptzoo noꞌ xroꞌ dziiñ dzé no guiaal lehdy di cu noꞌ gaxt ndruhty laꞌd lóni bieno noꞌ laꞌd xtiidz Dioz lguia Crist.

1 TIMOTEO 4:16

Güdahp lii gahc no zegahc ni rluuy meññ, no di gyxiññladzyiꞌ de gyreu. No bâḻ gatzooy nirieꞌ la, lii gahc‑e zlaay de lo guîlnadz ni ziaad no zlaa meññ-galuu yahquiꞌ lee zegahc.

2 TIMOTEO 4:2

bieno xtiidz Crist meññ, no günâbladzyiꞌ gunoyu leeyâme hortisy gacu, bâḻ ngann par gacu o bâḻ nehx ngannu. Racladzyu gboxñahziꞌ lo meññ di ctzoo yâme ni nahcsy, byduhsh lo yâme no güluꞌ xguîlriehñ yâme, no di cshacladzyiꞌ lóni galuuy leeyâme.

HEBREOS 13:8

Jesucrist nu gahcme dzé ni güdedy yahc, no leegahc me nu ni naꞌ, no dzé ni ziaad ziaꞌr ni nehx zluhx.

APOCALIPSIS 1:4

Naa, Juaṉ, gashaalaꞌ guetzy-rieꞌ lo xmeññ Dioz ni nu gahdzy guiedzy ni nu lo ṟegióṉ ni le Asia. Tzu laꞌy laꞌd no tzu xguîlmbahñ laꞌd dzie tziaawy; no nirieꞌ yahc ziaadu de Dioz ni ba gahc nu ba xtze diaa no nu ni naꞌ no ni guiaad, no de gahdzy spirt ni nu ru dxie me rtzoo me mdad,

APOCALIPSIS 1:8

“Naa we beeiy letr-A ni rizlo alfabet no beeiy letr-Z ni rluxu, gyreu rizlou no rluxu no naa”, ne Dioz ni rtzoo mdad ni nu ni naꞌ, no ni ba gahc nu ba xtze diaa, no ni guiaad, no ni beeiyu lee gyreu.

APOCALIPSIS 11:17

ne yâme: Rdee noꞌ xquix lii Señor, ni rtzoo mdad, lii we Dioz ni beeiyu lee gyreu, lii we ni ba gahc nu xtâ ba xtze diaa, no nu ni naꞌ, no ni guiaad, porni lii we beeiyu lee, no ba guzlo gatzooy mdad.

APOCALIPSIS 14:11

Guhsh ni rruu ru nu yâme nehx ziuꞌ dzé gydibylgaau. No nehx zlux de ni gadedy yâme né dzé no guiaal, meññ ni rzacbeeiy ma-ro no rzacbeeiy xfigur maꞌ, o dxu rqueꞌ xseñ maꞌ lee.

APOCALIPSIS 14:3

No gayuuḻ yâme to himn-coby ñaz-lo ru dxie Dioz rtzoo mdad no lo gydap ni mbahñ no lo mînguhl yahc ni nac guxtisy. Ndruhty nehx beeiy gyzeedy himn-wé ni gayuuḻ yâme, mazyg nunzy diby gayuu cuarentaycuatr mily meññ ni bislaa Dioz de lahd meññ-nu lo guiedzylie.

APOCALIPSIS 15:3

No gayuuḻ yâme himn xchieñ Moiséz ni ptzoo xtziiñ Dioz, no zegahc nacu himn xchieñ Xiily, ne yâme: Gyre ni rtzooy xroꞌu we, no guîlrtzunadz‑e leeu, lii Dioz ni rtzoo mdad no beeiyu lee gyreu; no gyreu rtzooy xñahzu no ni uli we leeyahcu, lii ni nac xṞeiy meññ-gyre nacióṉ.

APOCALIPSIS 15:7

No to de lo tahp ni mbahñ bdee to gá cop de or, cuaꞌ gydiby gahdzy ángel; no cop-wé bydzeꞌu de guîlné ni cshahl Dioz ni mbahñ no nehx ziuꞌ dzé gaty.

APOCALIPSIS 16:14

No guionn mbe-rieꞌ ni byruu ruꞌ yâmaꞌ, leeu we ximbeꞌ bêndzab ni rtzoo ni ngann yahc, no leeu gatohpu gyre ṟeiy ni nu yahc lo guiedzylie par teḻy yâme dzé gac xguîlnadz Dioz ni beeiyu lee gyreu.

APOCALIPSIS 16:7

No zegahc bieññaꞌ sto riedz ni byruu lo ltar, ganii ne: ―Ni uli we leeu, Dioz ni rtzoo mdad no ni beeiyu lee gyreu, lii ba ptzooy guîlguxtisy xñahzu no ni uli.

APOCALIPSIS 19:15

Ruꞌ me garuu to spad ni ndush par ctzuné me meññ-gyre nacióṉ, no stzoo me mdad leeyahc zaꞌgndzi no beeiy to var-guiib. No stzoo me guîlguxtisy mod-rshii meññ blatzy no nieꞌ leññ to ru rxiiu, no ycaꞌ yâme xguîlné Dioz ni beeiyu lee gyreu.

APOCALIPSIS 19:4

No gydiby veinticuatr mînguhl ni rahc ni rnii no gydap ni mbahñ, bisshiby lé güdihsh ihqy lo yu, no güluguia yahc Dioz ni dxie ru rtzoo mdad, no ne yahc: ―¡Modé gacu! ¡Tzuguia Dioz!

APOCALIPSIS 21:22

Leññ ciuda-wé nehx bwien ni to idoo, porni Dioz ni rtzoo mdad no beeiyu lee gyreu, leeme nac idoo uga, no zegahc Xiily.

APOCALIPSIS 3:7

’Bzaa nirieꞌ lo guehtzy par ángel ni nuno xmeññ Dioz ni nu Filadelfia: “Nirieꞌ we ne ni nehx nu ndruhty beeiy lee no ni ulihbu lee nac ni uli, no ni rtzoo mdad gyre ru ptzoo Davit mdad, ni rshal no ndruhty di stahgü, no ni rtahgü no ndruhty di sshal:

APOCALIPSIS 4:4

No gybi ni dxie me lo, zu veinticuatr ru rbia ni rtzoo mdad, no lo yahcu bwien dxie veinticuatr mînguhl ni rahc ni rnii, no nutz yâme lar-quitzy, no dziib coron de or ihqy yâme.

APOCALIPSIS 4:6

No zegahc ñaz-lo ni dxie me lo ru rtzoo me mdad, nu ni rluu beeiy to nisdoo ni ndedybyniꞌ beeiy vidr. Coo ni dxie me lo ru rtzoo me mdad, gybiu nu tahp ni mbahñ ni rahp xtahl byzalo ñaz-lo no zegahc ñaz-chehsh.

APOCALIPSIS 4:9

No gydap ni mbahñ rguguiau no rzacbeeiyu no rdeeu xquix ni dxie ru rtzoo mdad, ni mbahñ ni nehx ziuꞌ dzé gaty; no cad gá rtzoou ze,

APOCALIPSIS 5:6

Luxu bwien glawy ru rbia ni rtzoo mdad no glawy de ru dxie gydap ni mbahñ yahc no gydiby veinticuatr mînguhl ni rahc ni rnii, zu to Xiily, rluu maꞌ beeiy ni guhty par guhc to gun. Rahp maꞌ gahdzy cach no rahp gahdzy byzalo maꞌ ni zidguiahc beeiy gahdzy spirt xchieñ Dioz ni pshahl me gydo lo guiedzylie.

APOCALIPSIS 6:1

Luxu bwien hor-pchuꞌ Xiily primer sell ni queꞌ guehtzy ni ndooby, no bieññaꞌ to de lahd tahp ni mbahñ günii me ndip beeiy rnii ngüziee, ne: ―¡Güde güieꞌy!

APOCALIPSIS 6:6

No bieññaꞌ byruu to riedz glaꞌy ru nu gydap ni mbahñ, ne: ―Nunzy to kil trigü, o tzonn kil ṟoz gyzee sahc xchieñ to xdzé dziiñ. Per di cuy guîlzi ceihd no zegahcu vin.

APOCALIPSIS 7:11

No gyre ángel zu gybi ru rbia ni rtzoo mdad no gybi mînguhl ni rahc ni rnii no gybi gydap ni mbahñ; gyre ángel bisshiby ñaz-lo ru rbia ni rtzoo mdad, lé rguihsh ihqy yâme lo yu gazacbeeiy yâme Dioz,

APOCALIPSIS 7:15

Leewe nu yâme ñaz-lo ru dxie Dioz rtzoo mdad, no gazacbeeiy yâme leeme dzé no guiaal leññ xiydoo me. No ni dxie ru rtzoo mdad güieꞌ di gac yâme mbehty.