APOCALIPSIS 3:3 - Zapotec Guevea de Humboldt New Testament

³ Lâ guitsêlou laꞌd gyre ni byzeedy laꞌd, no lâ ctzoo mod-neu; lâ csaan ni nahcsy ni gatzoo laꞌd, no bâḻ di csiuꞌ lo laꞌd la, naa siaḻaꞌ contr laꞌd beeiy riahd to gübaan hor-nehx nann laꞌd bâḻ guiaḻaꞌ.

APOCALIPSIS 3:3 Iomraidhean Croise

MATEO 25:13

Ra Jesúz leeyâme: ―Leewe lâ cuianáꞌ, porni nehx nann laꞌd buc o pór guiaḻaꞌ.

MARCOS 13:33

’Gax lâ gann, lâ güieꞌ no lâ gnab lo Dioz; porni nehx nann laꞌd buc gydzihñ hór.

MARCOS 13:36

duhn tohzydzi guiaad me, no na di aaḻ gydzial me laꞌd nishcahsy laꞌd.

1 TESALONICENSES 5:2

porni nanndoo laꞌd de ni dze-guiaad Crist ni rtzoo mdad ndruhty nehx nannu; scâsy beeiy riuꞌ gübaan guiaal, ze we guiaad me.

1 TIMOTEO 6:20

Timoteu, güdahp zaꞌgndzi ni bdee Dioz lii. Di yquee gydiaguiꞌ diidz ni nu lo guiedzylie no nehx rquihñu, no zrieñ diidz yahc ni ne yâme guîlnann, per nehx uliu;

2 TIMOTEO 1:13

Bisnáḻ didz-uli ni bieññiꞌ bienon meññ, no di csaꞌniꞌ de ni rlíladzyiꞌ no guîlndzi ni rahp nó porni nu nó tohzy no Crist Jesúz.

HEBREOS 2:1

No leewe rquihñu ma yquee dihqy nó didz-uli ni ba bieññ nó, lehdy di gynityxñahz nó.

2 PEDRO 1:13

Ren xñahzu we, lóni mbahñaꞌ, cun xguîlriehñ laꞌd lehdy di guiaaḻladzy laꞌd.

2 PEDRO 3:1

Dirmanaꞌ ni ndzin leeyahc, nirieꞌ we ni byrohp guehtzy ni gashaalaꞌ lo laꞌd; no lo gyropu gagun xguîlriehñ laꞌd di guiaaḻladzy laꞌd gyre nirieꞌ, lehdy gap laꞌd guîlrieñ-nye.

2 PEDRO 3:10

Per dze-guiaad Crist naꞌ, gacu beeiy rdzihñ gübaan hor-nehx nann meññ; no leññ gybaa gynihtyu no to ṟid-ro ni ndzieeby, no gyre ni nunou gynihtyu lo gue, no guiedzylie no gyre ni nu lou, yqueꞌ gue leeyahcu.

APOCALIPSIS 16:15

Ne Crist: “Lâ gann, ze we guiaḻaꞌ beeiy riahd gübaan. Dxu ñahc beeiy meññ ni dxienáꞌ gabiahz naa no nutz shab, no modé nehx ziuꞌ ni guistuꞌ leeme, porni nehx gaꞌy lady me.”

APOCALIPSIS 2:25

per di csaꞌn laꞌd de ni rlíladzy laꞌd naa xtâ glo dzé ni guiaḻaꞌ.

APOCALIPSIS 2:5

Leewe, lâ guitsêlou laꞌd bá glo günahzy laꞌd gydze guîlriehñ, lâ csaan ni nahcsy ni gatzoo laꞌd, no lâ ctzoo mod-ptzoo laꞌd dze-leer guzlo rlíladzy laꞌd naa. Bâḻ di csaan laꞌd ni nahcsy ni gatzoo laꞌd la, siaḻaꞌ ngueeḻy gahc, guidloon xcandeler laꞌd.

APOCALIPSIS 22:7

Ne Jesúz: ―¡Lâ guieññ, naa ngueeḻy gahc‑e guiaḻaꞌ! Dxu ñahc beeiy meññ ni rtzoo mod-ne diidz ni queꞌ lo guetzy-rieꞌ, ni dziguiahc.

APOCALIPSIS 3:11

Naa ngueeḻy gahc‑e guiaḻaꞌ. Di csaꞌn laꞌd de ni rlíladzy laꞌd naa, lehdy ndruhty nehx zboo ni ba gudy laꞌd ni zidguiahc beeiy coron ni rdee diidz ba ptzoo laꞌd gan.

APOCALIPSIS 3:19

Naa rduhshaꞌ no rdedyaꞌ guîlné meññ-ndzin lee. Leewe lâ gnâbladzy laꞌd, no lâ csaan ni nahcsy ni gatzoo laꞌd.

APOCALIPSIS 3:2

Lâ csiuꞌ lo laꞌd, no lâ güieꞌ di gniꞌdy laꞌd stoozy ni rahp laꞌd, ni ba nu par gynihty. Naa gawien nehx gatzoo laꞌd ni nac ni mos ni ñuꞌladzy Dioz.