APOCALIPSIS 3:21 - Zapotec Guevea de Humboldt New Testament

²¹ Meññ-rtibladzy ni nadz xtâ ctzoo gan, wé we zdedyaꞌ to ru cuia me dcoon ru dxien rtzon mdad, mod-naa ptibdadzyaꞌ ni nadz xtâ ptzon gan, no dxien no dTadaꞌ ru rtzoo me mdad.

APOCALIPSIS 3:21 Iomraidhean Croise

MATEO 19:28

Ra Jesúz leeyâme: ―Gapyaꞌ laꞌd ni uli, dze-gydzee gyre cos mod-nac, lee we dze-ba naa, Mpyquie-Pshahl Dioz Lee, dxien to ru mos ru ctzon guîlguxtisy to lo guîlbyniꞌ, were laꞌd ni nac dmeññaꞌ lee, zbia laꞌd zegahc tzipychop lgar ru ctzoo laꞌd guîlguxtisy, no güieꞌ laꞌd ni nac gyre meññ-ziaad de lo xfamily gydiby tzipychop xiiñ Isṟael.

MATEO 25:21

Ra xpatróṉ me leeme: “Mos ptzooy; mos-tziaawy‑e lii no rtzooy dziiñ zaꞌgndzi scâsy racladzyu; no sca-ze ptzooy dziiñ mos no doozy ni cuaꞌy, naa zdedyaꞌ lii ma xtahl. Güde, güyuꞌ ru rxilynon dmeññaꞌ.”

MATEO 28:18

Were gübigy Jesúz leeyâme no ra me leeyahc: ―Dioz ne me ctzon mdad gyre ni nu gybaa no gyre ni nu lo guiedzylie.

LUCAS 22:30

lehdy were gahgü laꞌd no goo laꞌd ruꞌ miax ru ctzon mdad. No uga cuia laꞌd par ctzoo laꞌd guîlguxtisy lguia gyre meññ-ziaad de lo xfamily gydiby tzipychop xiiñ Isṟael.

JUAN 13:32

No sca-ze riuguia Dioz por naa, zegahc‑e Dioz gahc zguguia me naa, no stzoo meu ngueeḻy gahc.

JUAN 16:33

Gyre nirieꞌ ren laꞌd, lehdy tzu xguîlmbahñ laꞌd dzie tziaawy porni nu laꞌd no naa. Lo guiedzylie, zdedy laꞌd ni nadz; per di gydzie laꞌd, porni naa ba ptzon gan bêndzab lo guiedzylie.

2 TIMOTEO 2:12

bâḻ rtibdadzy nó gyrehzy ni nadz la, zegahc‑e stzoo nó mdad no leeme. Bâḻ gynii nó nehx rzaclo nó leeme la, zegahc‑e znii me nehx rzaclo me nó.

APOCALIPSIS 1:6

no ptzoo me nó meññ ni rtzoo mdad tohzy no leeme, no ptzoo me nó bahl par ctzoo xtziiñ Dioz ni nac xTad me. ¡Leeme we ni tzuguia, no ni beeiyu lee gyreu, no di tzu dzé gydibylgaau! Modé gacu.

APOCALIPSIS 12:11

No dirman nó ptzoo yâme gan bêndzab por xrieñ Xiily ni byxieꞌ no por diidz ni bdee yâme; no nehx bydzie yâme ñehty yâme, mazyg bdee xguîlmbahñ yâme ladzyña guîlguhty.

APOCALIPSIS 17:14

No zdeḻyno yâme Xiily, per Xiily no xmeññ me stzoo gan leeyâme; porni Xiily rtzoo mdad gyre meññ ni rahc ni rnii, no nac me ṟeiy ni rtzoo mdad gyre ṟeiy; no xmeññ me we ni pquee me riedz lee, no ni güle me lee, no ni nehx rsaꞌn leeme.

APOCALIPSIS 2:7

Dxu racladzy gann, yquee ihqy ni gaya Spirt-Sant xmeññ Dioz. Meññ-rtibladzy ni nadz xtâ ctzoo gan, wé we gdedyaꞌ ñahz gahgü de lo yahg ni rdee guîlmbahñ, ni nu gybaa ru nu Dioz.”

APOCALIPSIS 20:4

No bwien xtahl ru rbia ni rtzoo mdad, no dxie meññ lou ni guhc mdad lee ctzoo guîlguxtisy. No bwien xispirt gyre meññ ni byrug ihqy porni bdee yâme diidz ni günii Jesúz, no porni bieno yâme meññ xtiidz Dioz. Meññ-rieꞌ yahc nehx bzacbeeiy yâme ma-ro ni byruu leññ nisdoo, ni xfigur maꞌ, no ni nehx bdee yâme ñahz nqueꞌ xseñ maꞌ lque yâme ni ña yâme; no bwien gübahñ yâme sto, no güyuꞌ yâme no Crist, ptzoo yâme mdad leññ diymily ihz.

APOCALIPSIS 20:6

¡Dxu ñahc beeiy meññ ni nier lee gybahñ de lahd mînguty, porni nunzy par Dioz‑e leeyâme! No ni rrohp guîlguhty nehx stzoou leeyâme mbehty, mazyg gac yâme xbahl Dioz no xbahl Crist, no stzoo yâme mdad no Crist diymily ihz.

APOCALIPSIS 5:10

Ptzooy leeyâme meññ ni rtzoo mdad tohzy no lii, no ptzooy leeyâme bahl par ctzoo xtziiñ tDioz nó, no stzoo yâme mdad lo guiedzylie.

APOCALIPSIS 6:2

Were bwien to caball-quitzy, no meññ-dziib leemaꞌ caꞌ me to arcü lo ña me; no bdee yâme to coron cuaꞌ me, no ba ptzoo me gan, no byruu me lehdy ctzoor me gan.

APOCALIPSIS 7:17

porni Xiily ni zu glawy ru rbia ni rtzoo mdad, wé we güieꞌ leeyâme beeiy mod-rahp meññ xiily, no tziyno leeyâme ru gada nzeꞌ ni rdee guîlmbahñ. No schee Dioz gyre nzelo yâme ni biin yâme.