APOCALIPSIS 21:7 - Zapotec Guevea de Humboldt New Testament

⁷ Meññ-rtibladzy ni nadz xtâ ctzoo gan, wé we ni ycaꞌ ni gadedyaꞌ par gacu xchieñ me; no naa we gac xDioz me, no leeme gac me dshiñaꞌ.

APOCALIPSIS 21:7 Iomraidhean Croise

MATEO 19:29

No nitisy dxu psaꞌn xiryuꞌ, behtzy o baḻ, byzan, xtad, xmam, tziahl, xiiñ, o xilyu por naa la, Dioz zdee leeme diby gayuu vuelt ma xtahl, no ycaꞌ me guîlmbahñ ni nehx zluhx.

MATEO 25:21

Ra xpatróṉ me leeme: “Mos ptzooy; mos-tziaawy‑e lii no rtzooy dziiñ zaꞌgndzi scâsy racladzyu; no sca-ze ptzooy dziiñ mos no doozy ni cuaꞌy, naa zdedyaꞌ lii ma xtahl. Güde, güyuꞌ ru rxilynon dmeññaꞌ.”

MATEO 25:34

Luxu naa ni nac Ṟeiy gapyaꞌ meññ-zu lad-drech: “Lâ te, laꞌd ni nu xlaꞌy dTadaꞌ lee; lâ tzu ru rtzoo Dioz mdad, ru nac diidz tzu laꞌd xtâ glo dze-bzaa Dioz guiedzylie;

MARCOS 10:17

Lóni garuu Jesúz no ba za me gyzac, tohzy bydziñ-güxuunn to mpyquie, bisshiby lo me no günabdiidz, ra leeme: ―Muextr, naa nannaꞌ meññ-tziaawy lii. ¿Bia mód ntzon lehdy ñapaꞌ guîlmbahñ ni nehx zluhx?

ROMANOS 8:14

Gyre meññ ni rtzoo ni ne xiSpirt Dioz, wé we xiiñ Dioz lee.

ROMANOS 8:19

Gyre ni bzaa Dioz lee ni lép gabiahzu gydzihñ dzé ni gluu Dioz dxu gyre we xiiñ me lee.

2 CORINTIOS 6:16

Nehx beeiy ndeedyu tohzy entr xmeññ Dioz no cuentz figur. Porni nó we xmeññ Dioz-mbahñ ni ra me lee xiydoró me, mod-günii Dioz: Tzun no guiaꞌnaꞌ lahd dmeññaꞌ, no naa gácaꞌ xDioz yâme, no leeyâme gac dmeññaꞌ.

2 CORINTIOS 6:18

no naa gácaꞌ xTad laꞌd, no laꞌd, mpyquie no ngünaa, gac laꞌd dshiñ yahcaꞌ, ne Dioz ni beeiyu lee gyreu.

HEBREOS 8:10

Ni gdedyaꞌ diidz ctzon no meññ-Isṟael tedyz dze-caḻ yahc, leeu we nirieꞌ, ne Dioz: Zgun dleiyaꞌ lo xguîlriehñ yâme, no gzanu leññ xguîlmbahñ yâme. No gácaꞌ xDioz yâme, no leeyâme gac dmeññaꞌ.

1 PEDRO 3:9

Ru rtzoo meññ laꞌd behch ni nahcsy, di iguquix laꞌdu leeyâme, ru rgu-dia meññ laꞌd, di cu-dia laꞌd leeyâme, mazyg lâ gnab lo Dioz cu xlaꞌy leeyâme, porni Dioz pquee me riedz laꞌd lehdy ycaꞌ laꞌd xlaꞌy me.

APOCALIPSIS 2:11

Dxu racladzy gann, yquee ihqy ni gaya Spirt-Sant xmeññ Dioz. Meññ-rtibladzy ni nadz xtâ ctzoo gan la, ni rrohp guîlguhty nehx stzoo leeyâme mbehty.”

APOCALIPSIS 2:17

Dxu racladzy gann, yquee ihqy ni gaya Spirt-Sant xmeññ Dioz. Meññ-rtibladzy ni nadz xtâ ctzoo gan, wé we zdedyaꞌ maná gahgü ni nungaꞌdzy; no zdedyaꞌ lee to guie ni nquitzy ni queꞌ to le-coby lo, ni ndruhty nehx rzaclo, nunzy meññ-rcaꞌ leeu.”

APOCALIPSIS 2:25

per di csaꞌn laꞌd de ni rlíladzy laꞌd naa xtâ glo dzé ni guiaḻaꞌ.

APOCALIPSIS 2:7

Dxu racladzy gann, yquee ihqy ni gaya Spirt-Sant xmeññ Dioz. Meññ-rtibladzy ni nadz xtâ ctzoo gan, wé we gdedyaꞌ ñahz gahgü de lo yahg ni rdee guîlmbahñ, ni nu gybaa ru nu Dioz.”

APOCALIPSIS 21:3

No bieññaꞌ to riedz ndip ni byruu gybaa, neu: ―Dioz ba nu me no meññ. Ziuꞌ me no leeyâme, no leeyâme gac xmeññ me, no leeme gac xDioz yâme.