APOCALIPSIS 21:3 - Zapotec Guevea de Humboldt New Testament

³ No bieññaꞌ to riedz ndip ni byruu gybaa, neu: ―Dioz ba nu me no meññ. Ziuꞌ me no leeyâme, no leeyâme gac xmeññ me, no leeme gac xDioz yâme.

APOCALIPSIS 21:3 Iomraidhean Croise

JUAN 1:14

No leegahcme ni le Diidz, guhl me lo guiedzylie no güyuꞌ me dlahd noꞌ, no nu laꞌy leeme, no ptzoo me pur ni nac ni uli. No bwieꞌ noꞌ xguîlbyniꞌ me ni neññ leeme we nac Xiñ-ngahc Dioz ni nac xTad me lee.

JUAN 14:23

Ra Jesúz leeme: ―Dxu ndzi naa, wé we ssoob dtiidzaꞌ; no ndzi dTadaꞌ lee, no ziuꞌ noꞌ no lee tohzy no dTadaꞌ.

2 CORINTIOS 6:16

Nehx beeiy ndeedyu tohzy entr xmeññ Dioz no cuentz figur. Porni nó we xmeññ Dioz-mbahñ ni ra me lee xiydoró me, mod-günii Dioz: Tzun no guiaꞌnaꞌ lahd dmeññaꞌ, no naa gácaꞌ xDioz yâme, no leeyâme gac dmeññaꞌ.

2 CORINTIOS 6:18

no naa gácaꞌ xTad laꞌd, no laꞌd, mpyquie no ngünaa, gac laꞌd dshiñ yahcaꞌ, ne Dioz ni beeiyu lee gyreu.

1 TESALONICENSES 3:11

Rnab noꞌ gacno Dioz gahc ni nac dTad nó, no Jesucrist ni rtzoo mdad nó, lehdy dzictixlo noꞌ laꞌd.

HEBREOS 11:16

Per to ru ma mos‑e gucladzy yâme, lee we gybaa. No leewe Dioz nehx rtuꞌ me de ni tzu le me xDioz meññ-wé yahc, porni ba bistziaawy me to ciuda ru tzu yâme.

HEBREOS 8:10

Ni gdedyaꞌ diidz ctzon no meññ-Isṟael tedyz dze-caḻ yahc, leeu we nirieꞌ, ne Dioz: Zgun dleiyaꞌ lo xguîlriehñ yâme, no gzanu leññ xguîlmbahñ yâme. No gácaꞌ xDioz yâme, no leeyâme gac dmeññaꞌ.

HEBREOS 8:2

no rtzoo me xtziiñ bahl ru ma nda leññ ni ulihbu idoo ni bzaa Dioz no dac ni bzaa meññ.

APOCALIPSIS 10:4

Bylux günii gahdzy ngüziee, gucdadzyaꞌ nzan ni bieññaꞌ; per bieññaꞌ to riedz-byruu gybaa ni ra naa: ―Ngaꞌdzy güdahp gyre ni günii gahdzy ngüziee, no di gzaay leeu lo guehtzy.

APOCALIPSIS 10:8

Riedz ni bieññaꞌ byruu gybaa, gyzac güninou naa, neu: ―Güya biycaꞌ libr-yaañ ni nxal lo de lo ña ángel ni zu to nieꞌ lo nisdoo no sto nieꞌ lo yudahñ.

APOCALIPSIS 12:10

No bieññaꞌ to riedz gybaa ndip, ne: ―Ba bydzihñ dzé guislaa tDioz nó xmeññ me, ba bluu me beeiyu leeme, no ba bluu me de ni ctzoo me mdad, no zegahcu Crist ni pshahl me lee; porni ba byruu bêndzab ni rtzoo contr dirman yahc nó lo tDioz nó dzé no guiaal.

APOCALIPSIS 21:7

Meññ-rtibladzy ni nadz xtâ ctzoo gan, wé we ni ycaꞌ ni gadedyaꞌ par gacu xchieñ me; no naa we gac xDioz me, no leeme gac me dshiñaꞌ.

APOCALIPSIS 22:3

Ba nehx ziuꞌ ni güyu-dia leññ ciuda-wé. Uga Dioz no Xiily cuia ru ctzoo mdad; no xmeññ Dioz, wé we gzacbeeiy leeme.

APOCALIPSIS 7:15

Leewe nu yâme ñaz-lo ru dxie Dioz rtzoo mdad, no gazacbeeiy yâme leeme dzé no guiaal leññ xiydoo me. No ni dxie ru rtzoo mdad güieꞌ di gac yâme mbehty.