APOCALIPSIS 2:19 - Zapotec Guevea de Humboldt New Testament

¹⁹ Naa nannaꞌ gyre ni rtzoo laꞌd, no blaty mdid xguîlndzi laꞌd, no blaty mdid rlíladzy laꞌd naa, no blaty rtzoo laꞌd dziiñ no de ni nehx rxiññladzy laꞌd; no nannaꞌ ma gatzoo laꞌd dziiñ ngâstoo que dze-leer guzlo laꞌd.

APOCALIPSIS 2:19 Iomraidhean Croise

LUCAS 1:23

Ru ba byzaꞌ dzé we naꞌ ni ptzoo me xtziiñ Dioz leññ idoo, gyzac zia me xiryuꞌ me.

JUAN 15:2

Gyre xúzu ni nehx rqueꞌ, rchug meu, no gyre ni rqueꞌ, rixye meu lehdy yqueꞌu mazy.

COLOSENSES 3:14

No de gyreu la, lâ guîntzi saꞌ laꞌd, no nirieꞌ we rsaꞌ lo gyreu.

1 TESALONICENSES 3:6

Per naꞌ ba gubyguiat Timoteu, byruu me ru nu laꞌd Tesalónyc. Byxilyno noꞌ bie me diidz dlo noꞌ de ni nehx rrugan laꞌd de ni ba bylíladzy laꞌd no de ni ndzi laꞌd meññ. No ne me rxihly laꞌd hor-ritsêlou laꞌd noꞌ, no ne me modni riuꞌladzy laꞌd güieꞌ laꞌd noꞌ mod-riuꞌgahcdadzy noꞌ güieꞌ noꞌ laꞌd.

2 TESALONICENSES 1:3

Rman, rahp noꞌ de ni gdee noꞌ xquix Dioz tirgahc por laꞌd. No xñahzu we rtzoo noꞌ mod-wé, porni to to dzé ganiꞌzy de ni galíladzy laꞌd Dioz no ma gayîntzi saꞌ laꞌd.

1 TIMOTEO 1:5

Ni rnii nirieꞌ ni gatzon mdad ctzooy, wé we de ni guîntzi saꞌ xmeññ Dioz no to guîlmbañ-nye no to guîlrieñ-mos, no porni ni ulihbu rlídadzy nó Dioz.

1 PEDRO 4:8

No mahbu la, lâ guîntzi saꞌ laꞌd xtâ ru beeiyu laꞌd, no mod-wé beeiy ssiaaḻladzy laꞌd xguîlquie zrieñ, nîcze ñahcu ma xtahl.

2 PEDRO 1:7

no de ni rzacbeeiy laꞌd Dioz la, zegahc lâ guîntzi saꞌ laꞌd; no de ni rîntzi saꞌ laꞌd la, zegahc lâ guîntzi gyre meññ.

2 PEDRO 3:18

No leewe, lâ gdee ñahz gyniꞌzy xlaꞌy Jesucrist leññ xguîlmbahñ laꞌd, leeme rtzoo mdad nó no bislaa me nó, no lâ gzaclo leeme ma zaꞌgndzi. ¡Leeme we ni tzuguia ni naꞌ no di guiandzieu! Modé gacu.

APOCALIPSIS 2:13

Naa nannaꞌ gyre ni rtzoo laꞌd, no de ni nu laꞌd leññ to guiedzy ru rtzoo bêndzab mdad. Per nîcze ze leeu, nehx rrusytzu laꞌd de naa; no nîcze leññ guiedzy-rieꞌ ru nu bêndzab biꞌdy yâme to dmeññaꞌ ni le Antipas, ni nehx psaꞌn de ni bdee diidz de naa, per nehx por niwé nsaꞌn laꞌd de ni rlíladzy laꞌd naa.

APOCALIPSIS 2:9

Naa nannaꞌ gyre ni rtzoo laꞌd, no de ni gadedy laꞌd xtahl ni nadz, no nannaꞌ xguîlpobr laꞌd, per rahp laꞌd to guîlṟicü leññ xguîlmbahñ laꞌd. No nannaꞌ lguia didz-nahcsy contr laꞌd ni rnii to cuib meññ ni ne leeyahc nac meññ-Isṟael, per lidxi xmeññ bêndzab leeyâme.