APOCALIPSIS 19:8 - Zapotec Guevea de Humboldt New Testament

⁸ no ba bdee Dioz leeme lar-quitzy gutz me ni nyar no rzaagy. Lar-rieꞌ ni rzaagy, leeu we ni zidguiahc beeiy ni mos yahc ni rtzoo xmeññ Dioz.

APOCALIPSIS 19:8 Iomraidhean Croise

MATEO 17:2

Uga bwieꞌ yâme bydzee mod-nac lo Jesúz, rcampytzeꞌ lo me beeiy lo ncübidz, no shab me gucnquitzybou lé rguꞌu byniꞌ.

MATEO 22:12

Were ra me lee: “Mígü, ¿bia mód güyuꞌy neꞌ no nehx nutziꞌ zâ gahc lar-nutz meññ-nu yahc neꞌ par lo guîltziahl?” Per mpyquie ni nutz cuentz lahr nehx günii mbehty.

MARCOS 9:3

No pycampytzeꞌ shab me, no gucnquitzybou. No nehx nu mbehty nquitzybo beeiy leeu, nîcze ma nguihby meññu.

LUCAS 24:4

Ba di rdzial bia ctzoo yâme lo hor-wé. Tohzy bwieꞌ yâme zu chohp mpyquie uga, rzaagy shab.

HECHOS 1:10

Lóni gawiedzie yâme leññ gybaa ru za Jesúz, tohzy bydzihñ chohp mpyquie ru zu yâme nutz lar-quitzybo,

ROMANOS 13:14

Mazyg, lâ gdee ñahz Jesucrist ni rtzoo mdad gyla me laꞌd beeiy ni ñahc me shab laꞌd, no di ctzoo laꞌd ni nahcsy ni nehzy ihqy laꞌd.

ROMANOS 3:22

Dioz rteedy me meññ beeiy ni nehx nzahby guîlquie, bâḻ gylíladzy yâme Jesucrist; rtzoo me modé no gyre meññ ni rlíladzy leeme, nitisy dxu nac yâme.

APOCALIPSIS 15:4

¿Dxu we naꞌ di gzacbeeiy lii, Señor? ¿Dxu we naꞌ di cuguia lii? Porni nehx nu ndruhty beeiy lii, no meññ-gyre nacióṉ siahd gzacbeeiy lii, porni ba bwieꞌ yâme rtzooy gyreu xñahzu.

APOCALIPSIS 15:6

No de wé byruu gydiby gahdzy ángel ni zidno yahc gydiby gahdzy guîlzi. Nutz yâme lar-quitzy ni nyar no rzaagyu, no nu cinturoṉ-xlahg de or lidzydoo yâme.

APOCALIPSIS 19:14

Gyre xmeññ me ni nu gybaa náḻ leeme, nutz yâme lar-quitzy ni rzaagy no nyaru, no dziib yâme caball-quitzy.

APOCALIPSIS 3:18

Leewe, gagun xguîlriehñ laꞌd ssii laꞌd de naa ni zidguiahc beeiy or ni ulihbu ni tziaawy, no modé ulihbu zahc laꞌd ṟicü; no ssii laꞌd de naa lar-quitzy par gutz laꞌd, lehdy ctahgu lady laꞌd ru gaꞌy par di qytuꞌ laꞌd, no to ṟemedy zegahc par cu laꞌd leññ lo laꞌd lehdy beeiy güieꞌ laꞌd.