APOCALIPSIS 18:15 - Zapotec Guevea de Humboldt New Testament

¹⁵ Gyre meññ ni ptoꞌ gyre cos-wé yahc no guhc yâme ṟicü por ciuda-wé, zbiahz yâme ziht de ciuda-wé porni zdzie yâme ycaꞌ yâme xguîlnéu zegahc; no modni zuun yâme,

APOCALIPSIS 18:15 Iomraidhean Croise

MARCOS 11:17

No rluu me meññ, no ra me lee: ―¿Nehx ziaad lo Guehtzy ru queꞌ xtiidz Dioz la, ru ne me: “Diryuꞌn, par gynino meññ naa we gacu, ni guiaad yahc de gyre guiedzy”? Mazyg laꞌd gatzoo laꞌdu beeiy to ru riungaꞌdzy meññ-gübaan.

HECHOS 16:19

Hor-bwieꞌ meññ-rtzoo mdad leeme ba di raḻ gdee me diidz mod-antzy no ba gydi mód ctzoo me gan medy ni ycaꞌ yâme la, günahzy gahc yâme Pabl no Silas, ziyno yâme lee lo guxtisy ni nu uga.

APOCALIPSIS 18:12

Leeyâme ptoꞌ yâme or, plat, guie-rsahc no guie-rzaagy ni le perla; no ptoꞌ yâme lar-quitzy ni rzaagy, lar-morad, lar-sedy no lar-xni; no ptoꞌ yâme yahg ni nixye, no gyre ni riaa de dzit-laiy lefanty, no ni riaa de yahg ni rsahc; no ptoꞌ yâme bronz, guiib, no ni riaa de to guie-rzaagy ni le mármol;

APOCALIPSIS 18:13

ptoꞌ yâme canel, no zrieñ ni nutz xtahl ni nixye; no ptoꞌ yâme yahl, ceitnixye ni le mirra, no dé ni nixye; no ptoꞌ yâme vin, ceihd, rin-tziaawy, no trigü, no maꞌ ni ruu yuu, no zegahcu xiily, caball, no carret; no ptoꞌ yâme xtâ meññ-nac mós.

APOCALIPSIS 18:14

No hor-wé znii meññ-rtoꞌ, ga yâme ciuda-wé: ―¡Ba nehx rahpiꞌ gyre ni mos ni byzîbyladzyiꞌ lee; ba bynihty gyre xguîlṟicuiꞌ no gyre ni mos mod-naquiꞌ, no ba nehx zibyguiat yahcu!

APOCALIPSIS 18:19

No bdziib yâme yudé lady ihqy yâme, lehdy guieññ nu yâme trixd, no modni gayuun yâme gaquee yâme riedz, ne yâme: ―¡Baazy dzii de ciuda-wé ni nac to ciuda-ro! Por xguîlṟicu gyre meññ ni rahp barcü lo nisdoo, guhc yâme ṟicü. ¡Per ni di nizlo Babilony biaꞌnu mban!

APOCALIPSIS 18:3

Porni meññ-nu Babilony bluu yâme meññ-gyre nacióṉ seno yâme ni nehx tziahl yâme, lé beeiy to guîlrzuhdzy. No ṟeiy yahc ni nu lo guiedzylie güzeno meññ-Babilony. No meññ-rtoꞌ ni nu lo guiedzylie guhc yâme ṟicü, por gyre ni ptoꞌ yâme cuaꞌ meññ-Babilony, lehdy guiahcladzy meññ-Babilony no xguîlrieñ-nahcsy.