APOCALIPSIS 14:13 - Zapotec Guevea de Humboldt New Testament

¹³ No bieññaꞌ sto riedz ni byruu gybaa, gaya naa: ―Bzaa nirieꞌ: “Glohdy dzêrieꞌ dxu ñahc beeiy meññ ni gaty no nu no Jesucrist ni rtzoo mdad.” Ni uli we leeu, ne xiSpirt Dioz, leeyâme guisladzy yâme de gyre ni nadz ni güdedy yâme, porni gyre ni mos ni ptzoo yâme zau no leeyâme.

APOCALIPSIS 14:13 Iomraidhean Croise

MATEO 3:17

No bieññ to riedz ni byruu gybaa, ne: ―Nirieꞌ we dShiñaꞌ ni ndzin lee, no ni rxilynon lee.

LUCAS 16:25

Ra Braṉ leeme: “Shiꞌñ, bitsêlou lii, güdahpiꞌ gyrehzy ni byxilynoy dze-güyuꞌy lo guiedzylie. No Lasr bzaczi me dze-güyuꞌ me lo guiedzylie; per naꞌ cuaꞌ me to lgar-mos ru nu me, no lii cuaꞌy lgar-nahcsy ru gazacziy.

LUCAS 16:9

’Per gapyaꞌ laꞌd, lâ ctzoo nirieꞌ: Lâ yquihñ guîlṟicü ni rahp laꞌd lo guiedzylie-rieꞌ par gap laꞌd xtahl mígü, lehdy hor-ba byreu no nehx rahp laꞌd mbehty neꞌ, per nu dxu gabiahz laꞌd lgar ru ba nehx zehty ndruhty.

ROMANOS 14:8

De ni mbahñ nó, par Dioz‑e mbahñ nó, o bâḻ gaty nó, par Dioz‑e gaty nó. Leewe, bâḻ mbahñ nó o gaty nó, par Dioz‑e nac nó.

1 CORINTIOS 15:18

No were, zegahc meññ-bylíladzy Crist no ba guhty, ba bynihty yâme we.

1 CORINTIOS 15:20

Per gumm uliu Crist gübahñ me de lahd mînguty la, were leeme we ni nier gahc lee gübahñ de lahd gyre mînguty.

1 CORINTIOS 15:58

No leewe, dirmanaꞌ ni ndzin leeyahc, di gyxiññladzy laꞌd no di csaꞌn de ni nu laꞌd zaꞌgndzi lo xtiidz Crist; no tirgahc ma lâ ctzoo xtziiñ Crist ni rtzoo mdad, porni nann laꞌd xtziiñ me ni gatzoo laꞌd, dac‑e xleꞌ leeu.

2 CORINTIOS 5:8

Per nehx rqueꞌdadzy nó, no riuꞌdadzy nó nruu nó de cuerp-rieꞌ, no ñuꞌ nó ru nu Jesucrist ni rtzoo mdad.

FILIPENSES 2:17

Naa rxihlyaꞌ no rxilynon gyre laꞌd, nîcze xtâ drieñaꞌ nxieꞌ lehdy nsaꞌu lo gun ni rdee laꞌd de ni rtzoo laꞌd xtziiñ Dioz, porni rlíladzy laꞌd leeme.

1 TESALONICENSES 4:14

Ze mod-rlídadzy nó guhty Jesúz no gübahñ me, zegahc rlídadzy nó zispahñ Dioz mînguty ni bylíladzy yahc Jesúz ni guidno leeyâme.

1 TESALONICENSES 4:16

Porni mod-rieꞌ we gacu: Zieññ to riedz-ro ni gac ni ne, no xriedz ángel ni rtzoo mdad zrieñ ángel, no xriedz xtrompet Dioz, no guiaht Crist ni rtzoo mdad, gyruu me gybaa. No xmeññ me ni ba guhty yahc, nier leeyâme gybahñ.

1 TESALONICENSES 5:10

Jesucrist por nó we guhty me lehdy tzu nó tohzy no leeme, weñx mbahñ ziaꞌ nó o ba guhty nó dze-guiaad me.

1 TIMOTEO 5:24

Nu meññ‑e neññdoo xguîlquie ni dgueññ ziaꞌr gac guîlguxtisy lee. Per nu guîlquie ni ziaad ngaꞌdzy ni nehx nann mu lee xtâ dzé ni ziaad, were zruuw neññ.

1 TIMOTEO 5:25

No mod-wé gahc‑e neññdoo ni mos ni rtzoo meññ; no nîcze nur zrieñ ni mos ni nehx neññ, per nehx ziaꞌnu ngaꞌdzy; ziuꞌ dzé sshal lou.

APOCALIPSIS 1:11

ni gaya naa: ―Naa we beeiy letr-A ni rizlo alfabet no beeiy letr-Z ni rluxu, no ba gahc nun xtâ ba xtze diaa, no nehx zdibylgaa de ni nun. Bzaa lo guehtzy gyre ni güieꞌy, no pshahl leeu lo xmeññ Dioz ni nu yahc gahdzy guiedzy lo ṟegióṉ ni le Asia, leeu we guiedzy-rieꞌ yahc: Éfeso, Esmirna, Pérgamo, Tiatira, Sardis, Filadelfia no Laodicea.

APOCALIPSIS 10:4

Bylux günii gahdzy ngüziee, gucdadzyaꞌ nzan ni bieññaꞌ; per bieññaꞌ to riedz-byruu gybaa ni ra naa: ―Ngaꞌdzy güdahp gyre ni günii gahdzy ngüziee, no di gzaay leeu lo guehtzy.

APOCALIPSIS 11:15

Ni rzaꞌu gahdzy ángel pquee trompet, bieññ gahc xtahl riedz gybaa ndip, ganii ne: Dioz ni rtzoo mdad nó, no Crist ni pshahl me lee ba rtzoo mdad gyre ṟeiy lo guiedzylie; no nehx ziuꞌ dzé gydibylgaa de ni gatzoo me mdad.

APOCALIPSIS 11:19

Luxu byxal xiydoró Dioz gybaa, no bwien uga dxie caj ni le arc ru nu ni bdee Dioz diidz ni ctzoo me no meññ. No hor-wé byruu xgue ngüziee, no bieññ xtahl riedz, no günii ngüziee, no guhc to xu, no guhc to xroꞌ guioguie.

APOCALIPSIS 16:17

Ni rzaꞌu gahdzy ángel blaꞌd xcop me lo mbeꞌ, no bieññ gahc to riedz ndip ni byruu leññ idoró gybaa ru rbia ni rtzoo mdad, ganii ne: ―¡Ba bydibylgaa gyreu!

APOCALIPSIS 19:9

Were ra ángel naa: ―Bzaa nirieꞌ: “Dxu ñahc beeiy meññ ni psieññ yâme par guiaad lo guîlroo ni gac lo xguîltziahl Xiily.” No zegahc ra ángel naa: ―Nirieꞌ we didz-uli ni ziaad de Dioz.

APOCALIPSIS 2:1

’Bzaa nirieꞌ lo guehtzy par ángel ni nuno xmeññ Dioz ni nu Éfeso: “Ni caꞌ gahdzy mbial lo ña-drech no ni rdedyria glaꞌy ru zu gahdzy candeler-or, nirieꞌ we ni ne me:

APOCALIPSIS 2:7

Dxu racladzy gann, yquee ihqy ni gaya Spirt-Sant xmeññ Dioz. Meññ-rtibladzy ni nadz xtâ ctzoo gan, wé we gdedyaꞌ ñahz gahgü de lo yahg ni rdee guîlmbahñ, ni nu gybaa ru nu Dioz.”

APOCALIPSIS 20:6

¡Dxu ñahc beeiy meññ ni nier lee gybahñ de lahd mînguty, porni nunzy par Dioz‑e leeyâme! No ni rrohp guîlguhty nehx stzoou leeyâme mbehty, mazyg gac yâme xbahl Dioz no xbahl Crist, no stzoo yâme mdad no Crist diymily ihz.

APOCALIPSIS 21:5

No ni dxie ru rtzoo mdad ne: ―Naa gatzon gyreu nicoby. No zegahc ra me naa: ―Bzaa nirieꞌ lo guehtzy, porni gyre meññ beeiy gylíladzyu no didz-uli we leeu.

APOCALIPSIS 22:17

Spirt-Sant no meññ ni zidguiahc beeiy tziahl Xiily ne yâme: ―¡Güde, Señor Jesúz! No meññ-gayieññ, ga yâme: ―¡Güde, Señor Jesúz! No dxu rzaagyladzy guiaad goo nzeꞌ ni rdee guîlmbahñ sinn quix.

APOCALIPSIS 6:11

Were bwien bdee Dioz leeyâme lar-quitzy gutz yâme, no gu me leeyâme guisladzy yâme stoozy tiémp, xtâ glo gyzaꞌr xirman yâme ni rtzoo xtziiñ Crist ni zegahc gaty mod-guhty yâme.