APOCALIPSIS 13:7 - Zapotec Guevea de Humboldt New Testament

⁷ No zegahc bdee Dioz ñahz teḻyno maꞌ xmeññ me no ctzoo maꞌ gan lee. No bdee Dioz ñahz ctzoo maꞌ mdad gyre lo ṟaz meññ, no meññ-gyre guiedzy, no gyre lo clasy xtiidz meññ, no meññ-gyre nacióṉ.

APOCALIPSIS 13:7 Iomraidhean Croise

LUCAS 4:6

No ra bêndzab leeme: ―Naa gdedyaꞌ lgar ctzooy mdad nter guiedzylie ni galun lii, no gdedyaꞌ gyre ni rsahc ni nu lou, ycaꞌy. Dixchieñaꞌ we gyreu, naa zdedyaꞌnu nitisy dxu racdadzyaꞌ.

JUAN 19:11

Were ra Jesúz leeme: ―Mbehty nehx beeiy ntzooy naa, bâḻ dac gybaa byruu diidz; no leewe, dxu bidno naa loꞌy, ma xroꞌ guîlquie rahp.

APOCALIPSIS 10:11

Were ra me naa: ―Rquihñu gunoy meññ gyzac ni ne Dioz gac lguia meññ-nu xtahl guiedzy, no nacióṉ, no de lo xtahl clasy xtiidz meññ, no xtahl ṟeiy.

APOCALIPSIS 11:18

Meññ-gyre nacióṉ ni nehx rlíladzy lii bydziaꞌdzy yâme, per ba bydzihñ dzé cshahliꞌ guîlné chehsh yâme, no zegahc dze-ctzooy guîlguxtisy lguia gyre mînguty, no guiscadyiꞌ ni mos xmeññiꞌ ni nac yahc profet, no gyre xmeññiꞌ, leeu we gyre meññ ni rzacbeeiy lii, guhc yâme meññ-rahc ni rnii, o meññ-ndruhty nehx nac, no gniꞌdyiꞌ meññ-rtzoo rsahc yahc lo guiedzylie.

APOCALIPSIS 11:7

Dze-ba bylux bieno yâme dtiidzaꞌ meññ, were ba guiaad to ma-nahcsy ni gyruu leññ guieryu-ro ni modni guiat, wé teḻyno leeyâme no stzoo gan igaꞌdy gyrop yâme.

APOCALIPSIS 12:17

Were ba ma bydziadzyno dragóṉ ngüna-wé, no za maꞌ zicteḻyno maꞌ meññ-ziaad de lo xfamily me, leeyâme we meññ ni rzobdiidz ni rtzoo Dioz mdad ctzoo meññ no nehx rsaꞌn de ni rdee yâme diidz ni günii Jesucrist.

APOCALIPSIS 17:15

Zegahc ra ángel naa: ―Gyre guiahgü ni bwieꞌy ru dxie ngünaa ni rtzoo guîlquie no xtahl mpyquie la, leeu we zidguiahc beeiy meññ-gyre guiedzy, no gyre lo ṟaz meññ, no meññ-gyre nacióṉ, no gyre lo clasy xtiidz meññ.

APOCALIPSIS 5:9

No gayuuḻ yâme to himn-coby, ne yâme: Lii we rsahc par ycaꞌ guetzy-wé, no cchuꞌy gyre sell ni queꞌ leeu; porni lii guhtyiꞌ par guhquiꞌ to gun, no pshieꞌ xrieñiꞌ par güxiiy meññ par Dioz, de lo gyre ṟaz meññ, no de lo gyre clasy xtiidz meññ, no de meññ-gyre guiedzy, no de meññ-gyre nacióṉ.