APOCALIPSIS 12:10 - Zapotec Guevea de Humboldt New Testament

¹⁰ No bieññaꞌ to riedz gybaa ndip, ne: ―Ba bydzihñ dzé guislaa tDioz nó xmeññ me, ba bluu me beeiyu leeme, no ba bluu me de ni ctzoo me mdad, no zegahcu Crist ni pshahl me lee; porni ba byruu bêndzab ni rtzoo contr dirman yahc nó lo tDioz nó dzé no guiaal.

APOCALIPSIS 12:10 Iomraidhean Croise

MATEO 26:64

Ra Jesúz leeme: ―Lii ba güniiyu. No gapyaꞌ gyre laꞌd, to dzé zwieꞌ laꞌd naa, Mpyquie-Pshahl Dioz Lee, dxien xlad-drech Dioz ni beeiyu lee gyreu. No güieꞌ laꞌd guiaḻaꞌ lo zá ni gyruu gybaa.

MATEO 28:18

Were gübigy Jesúz leeyâme no ra me leeyahc: ―Dioz ne me ctzon mdad gyre ni nu gybaa no gyre ni nu lo guiedzylie.

MATEO 6:10

Gydzihñ de ni lii rtzooy mdad. Gac ni racladzyiꞌ neꞌ lo guiedzylie, mod-rahc gahcu gybaa.

LUCAS 11:2

Were ra Jesúz leeyâme: ―Hor-gynino laꞌd Dioz, lâ gynii mod-rieꞌ: DTad noꞌ, lii ni nu gybaa, tzuguia ley. Gydzihñ de ni lii rtzooy mdad. Gac ni racladzyiꞌ neꞌ lo guiedzylie, mod-rahc gahcu gybaa.

LUCAS 22:31

Luxu, zegahc ne Jesúz: ―Simóṉ, Simóṉ, bwieꞌ güieꞌzyiꞌ. Ba günab bêndzab gdedyaꞌ lgar ctzoo me laꞌd gyre gyzasy, beeiy rtzoo meññ trigü ru rboo yâme xguixu.

1 CORINTIOS 5:4

Hor-gydohp laꞌd por Jesucrist ni rtzoo mdad nó, dguîlmbahñaꞌ tzu no laꞌd, no zegahc xpoder Jesucrist ni rtzoo mdad nó tzu no laꞌd.

2 CORINTIOS 12:9

per ra me naa: “Dlaꞌyaꞌ ni rdedyaꞌ lii, niwéhzy‑e ni rquihñiꞌ, porni beeiyu naa gyreu hor-di raḻu lii.” No leewe rxihlyaꞌ cuguian naa lguia ni di raḻu naa, lehdy güieꞌ meññ xpoder Crist nuw no naa.

TITO 2:3

Zegahc bluu ngünaguhl yahc ctzoo yâme mod-racladzyu ctzoo xmeññ Dioz, no di gynii yâme ni nehx uli contr zrieñ, no vin di ctzoou mdad leeyâme. Racladzyu ctzoo yâme ni nac xñahzû güieꞌ meññ,

1 PEDRO 5:8

Lâ güieꞌ laꞌd laꞌd gahc, no lâ tzu puexd; porni bêndzab rdziadzyno me laꞌd, no ganzeꞌ me byzaꞌzy beeiy to mbeedzy ni gayibychaa, gayo me dxu gnidylo me lee.

APOCALIPSIS 11:15

Ni rzaꞌu gahdzy ángel pquee trompet, bieññ gahc xtahl riedz gybaa ndip, ganii ne: Dioz ni rtzoo mdad nó, no Crist ni pshahl me lee ba rtzoo mdad gyre ṟeiy lo guiedzylie; no nehx ziuꞌ dzé gydibylgaa de ni gatzoo me mdad.

APOCALIPSIS 2:26

Meññ-rtibladzy ni nadz xtâ ctzoo gan no nehx csaꞌn de ni ctzoo mod-racdadzyaꞌ glo gylux guiedzylie, wé we zacnon lee lehdy ctzoo mdad zaꞌgndzi meññ-gyre nacióṉ,

APOCALIPSIS 7:10

No gaquee yâme riedz ndip, ne yâme: TDioz nó ni dxie ru rtzoo mdad, leeme no xiily, wé we bislaa nó.