APOCALIPSIS 11:18 - Zapotec Guevea de Humboldt New Testament

¹⁸ Meññ-gyre nacióṉ ni nehx rlíladzy lii bydziaꞌdzy yâme, per ba bydzihñ dzé cshahliꞌ guîlné chehsh yâme, no zegahc dze-ctzooy guîlguxtisy lguia gyre mînguty, no guiscadyiꞌ ni mos xmeññiꞌ ni nac yahc profet, no gyre xmeññiꞌ, leeu we gyre meññ ni rzacbeeiy lii, guhc yâme meññ-rahc ni rnii, o meññ-ndruhty nehx nac, no gniꞌdyiꞌ meññ-rtzoo rsahc yahc lo guiedzylie.

APOCALIPSIS 11:18 Iomraidhean Croise

MATEO 5:12

Lâ gyxihly, porni gybaa nu to xroꞌ ni mos ni gady laꞌd lee; porni zegahc‑e bgultihp yâme profet yahc ni güyuꞌ ba xtze, dze-dgueññ ziaꞌ nu laꞌd.

LUCAS 1:50

Nehx zluhx ni rioob me meññ ni rzacbeeiy leeme.

HEBREOS 9:27

Sca-ze gyre meññ rehty tohzy vuelt, no luxu ba ziaad xguîlguxtisy Dioz,

APOCALIPSIS 10:7

Hor-ba rzaꞌu gahdzy ángel sulo yquee trompet, were ba byzaꞌ dzé gydibylgaa ni nungaꞌdzy, mod-gu Dioz xmeññ me ni nac profet yahc.

APOCALIPSIS 11:2

Per di yqueey mdid lad-stziuꞌ de idoró, porni uga nu meññ ni nehx rzacbeeiy naa, no leeu ba nu lo ña yâme, no ctzoo csahc yâme dciudaꞌn leññ cuarentaydoz mboo.

APOCALIPSIS 13:10

Dxu tza lidzyguiib la, lidzyguiib we tza me; dxu gaty no spad la, no spad‑e gaty me. Leewe racladzyu di gyxiññladzy xmeññ Dioz no gylíladzy yâme Dioz.

APOCALIPSIS 13:16

No zegahc ptzoo ma-byruu leññ yu mdad yqueꞌ to señ ña-drech o lque gyre meññ, bâḻ guhcu meññ-ndruhty nehx nac o meññ-rahc ni rnii, meññ-ṟicü o meññ-pobr, meññ-nehx byzee o mós ni byzee.

APOCALIPSIS 14:10

wé scaꞌ xroꞌ guîlné ni cshahl Dioz, to ni zidguiahc beeiy to cop vin ni ma ndush ni gdee me. No gzacno yâme to xroꞌ gahc lo xgue asufr ñaz-lo x‑ángel Dioz no ñaz-lo Xiily.

APOCALIPSIS 15:1

Bwien sto señal-ro gybaa ni ptzunadzaꞌ lee. Bwien gahdzy ángel ni zidno últim gahdzy guîlzi lo guiedzylie par gydibylgaa guîlné ni cshahl Dioz.

APOCALIPSIS 15:7

No to de lo tahp ni mbahñ bdee to gá cop de or, cuaꞌ gydiby gahdzy ángel; no cop-wé bydzeꞌu de guîlné ni cshahl Dioz ni mbahñ no nehx ziuꞌ dzé gaty.

APOCALIPSIS 18:6

Lâ gdee meññ-Babilony ni nahcsy gahc ni bdee yâme zrieñ; ni ptzoo yâme zrieñ, lâ ycuquixu leeyâme no chohp cuib guîlné; zidguiahcu beeiy to cop ni nlá, no leññ gahc cop-rieꞌ lâ iguhtz ni goo yâme, gacndushu chohp cuib de ni ptzoo yâme.

APOCALIPSIS 19:15

Ruꞌ me garuu to spad ni ndush par ctzuné me meññ-gyre nacióṉ, no stzoo me mdad leeyahc zaꞌgndzi no beeiy to var-guiib. No stzoo me guîlguxtisy mod-rshii meññ blatzy no nieꞌ leññ to ru rxiiu, no ycaꞌ yâme xguîlné Dioz ni beeiyu lee gyreu.

APOCALIPSIS 19:18

Lâ gahgü xbiahl xcuerp ṟeiy yahc, no xjefy yahc soldad, no meññ ni nehx rdzie mbehty, no xbiahl caball yahc, no gahc meññ-rbib leemaꞌ, no xbiahl xcuerp gyre meññ, guhcu meññ-nehx byzee o mós ni byzee, o meññ-ndruhty nehx nac o meññ ni rahc ni rnii.

APOCALIPSIS 19:5

Luxu bieññaꞌ byruu to riedz ru rbia ni rtzoo mdad, neu: Lâ cuguia tDioz nó, gyre laꞌd ni rtzoo xtziiñ me, laꞌd ni rzacbeeiy leeme, meññ-rahc ni rnii no meññ-ndruhty nehx nac.

APOCALIPSIS 20:12

No bwien gyre mînguty, meññ-rahc ni rnii no meññ-ndruhty nehx nac, zu yâme ñaz-lo ru dxie Dioz rtzoo mdad. No byxal lo libr yahc ru queꞌ gyre ni ptzoo meññ, no zegahc byxal lo libr de guîlmbahñ ni rdee Dioz. No guhc guîlguxtisy lguia gyre mînguty mod-ptzoo yâme mod-queꞌu lo libr-rieꞌ yahc.

APOCALIPSIS 20:15

No gyre meññ ni nehx nu le lo libr de guîlmbahñ ni rdee Dioz, gyre yâme byzahby beeiy to lo guial de gue.

APOCALIPSIS 22:12

―Naa, Jesúz, ngueeḻy gahc‑e guiaḻaꞌ; no guidnon ni guiscadyaꞌ to to meññ no mod-ptzoo me.