APOCALIPSIS 10:11 - Zapotec Guevea de Humboldt New Testament

¹¹ Were ra me naa: ―Rquihñu gunoy meññ gyzac ni ne Dioz gac lguia meññ-nu xtahl guiedzy, no nacióṉ, no de lo xtahl clasy xtiidz meññ, no xtahl ṟeiy.

APOCALIPSIS 10:11 Iomraidhean Croise

APOCALIPSIS 10:10

Were cuan libr-yaañ ni caꞌ ángel, no güdahguaꞌ leeu; no ptzunahshu leññ drun, per bylux de ni güdahguaꞌu, ptzunláu dleññaꞌ.

APOCALIPSIS 11:1

No bdee dxuhch naa to var par yqueen mdid, no ra Dioz naa: ―Güya biyquee mdid diydorón, no ltar, no bgab bla meññ rzacbeeiy naa uga.

APOCALIPSIS 11:9

No meññ-gyre guiedzy, no de lo gyre ṟaz meññ no lo gyre clasy xtiidz meññ, no meññ-gyre nacióṉ, zwieꞌ yâme xcuerp gyrop profet leññ tzonn dzé no diby ribygue, no ndruhty nehx zdee ñahz igaꞌdzy xcuerp yâme.

APOCALIPSIS 14:6

No bwien gazîbyshiily sto ángel, gadedy me leññ gybaa, ziyno me diidz ni nehx zluhx lehdy guno meu meññ-nu lo guiedzylie, leeu we meññ-gyre nacióṉ, no gyre lo ṟaz meññ, no gyre lo clasy xtiidz meññ no meññ-gyre guiedzy.

APOCALIPSIS 17:10

no zegahc gahdzy ihqy ma-ro, lehgu we gahdzy ṟeiy. Gaay ṟeiy-rieꞌ yahc ba guhty; to me nac ṟeiy hôrrieꞌ, sto me dgueññ ziaꞌ guiaad. Per dze-guiaad me, tzu me nunzy doozy tiémp.

APOCALIPSIS 17:12

’Tzii xcach ma-ro ni bwieꞌy, leeu we tzii ṟeiy ni dgueññ ziaꞌ sulo ctzoo mdad; per gac mdad ctzoo yâme leeu beeiy ṟeiy diby hór, tohzy no ma-ro.

APOCALIPSIS 17:15

Zegahc ra ángel naa: ―Gyre guiahgü ni bwieꞌy ru dxie ngünaa ni rtzoo guîlquie no xtahl mpyquie la, leeu we zidguiahc beeiy meññ-gyre guiedzy, no gyre lo ṟaz meññ, no meññ-gyre nacióṉ, no gyre lo clasy xtiidz meññ.

APOCALIPSIS 5:9

No gayuuḻ yâme to himn-coby, ne yâme: Lii we rsahc par ycaꞌ guetzy-wé, no cchuꞌy gyre sell ni queꞌ leeu; porni lii guhtyiꞌ par guhquiꞌ to gun, no pshieꞌ xrieñiꞌ par güxiiy meññ par Dioz, de lo gyre ṟaz meññ, no de lo gyre clasy xtiidz meññ, no de meññ-gyre guiedzy, no de meññ-gyre nacióṉ.