APOCALIPSIS 1:1 - Zapotec Guevea de Humboldt New Testament

¹ Dioz pshal me lo ni ba ngueeḻy dziguiahc, no bdee meu Jesucrist, lehdy gluu meu gyre xmeññ me. Jesucrist pshahl x‑ángel me ni bidluu leeu to xmeññ me ni le Juaṉ.

APOCALIPSIS 1:1 Iomraidhean Croise

JUAN 12:49

Naa dac‑e ni ne dguîlriehñaꞌ rnin; dTadaꞌ ni pshahl naa, wé we ptzoo mdad bia gynin no bia glun meññ.

JUAN 15:15

Ba nehx znin dmósaꞌ laꞌd, porni meññ-nac mós ni rtzoo xtziiñ meññ, nehx nann yâme ni rtzoo xpatróṉ yâme. Rnin dmíguaꞌ laꞌd, porni ba ren laꞌd gyre ni ra dTadaꞌ naa.

JUAN 17:8

porni xtiidziꞌ ni bdeedyiꞌ naa, ba bienonu leeyâme no cuaꞌ yâmeu leññ xguîlmbahñ yâme. No ba nann yâme ni ulihb ru nuy byruun, no ba bylíladzy yâme lii pshahl naa.

JUAN 3:32

no rnii me ni bwieꞌ me no ni bieññ me, per ndruhty nehx rlíladzy ni runo me lee.

JUAN 8:26

Rapaꞌ xtahl ni ñapyaꞌ no ni nnin de ni nac laꞌd. Per ni pshahl naa rnii ni uli; no ni bieññaꞌ de leeme, wé we ren meññ-nu lo guiedzylie.

ROMANOS 16:25

Cuguia nó Dioz ni beeiyu lee gacno me laꞌd, lehdy di gyxiññladzy laꞌd lo xtiidz Crist ni de lee runon meññ. No xtiidz Crist, wé we ni ba bluu Dioz meññ, no güyungaꞌdzyu xtâ ba xtze diaa,

GÁLATAS 1:12

Ndruhty meññ-guiedzylie nehx bieno leeu naa o bluu leeu naa. Jesucrist‑e bluuw naa.

EFESIOS 3:3

no bluu me naa ni rahp me ngaꞌdzy lguia ni ne me ctzoo me, mod-ba bzataꞌ leeu lo guehtzy.

TITO 1:1

Naa Pabl, rtzon xtziiñ Dioz no nacaꞌ x‑apóstl Jesucrist, pshahl me naa lehdy gacnon meññ ni ba güle me leeyahc gylíladzy yâme leeme ma zaꞌgndzi no gann yâme bia leeu ni uli mod-rzacbeeiy nó leeme,

APOCALIPSIS 1:19

Bzaa lo guehtzy ni bwieꞌy ni gayahc no gyre ni gacr.

APOCALIPSIS 1:9

Naa, Juaṉ, nacaꞌ xirman laꞌd ni gadedy xtahl ni nadz mod-gadedy gahc laꞌd, no tohzy nu nó ru rtzoo Dioz mdad no nehx rxiññdadzy nó de ni gatzoo nó mod-ne me porni Jesucrist gayacno me nó. No porni runon meññ xtiidz Dioz no rdedyaꞌ diidz de ni günii Jesucrist, leewe bidsaꞌn meññ naa to lo lyu ni le Patmos ni nu nisdoo guingybi.

APOCALIPSIS 17:1

To de lahd gahdzy ángel ni caꞌ yahc gahdzy cop de or, biahd me ra me naa: ―Güde, glun lii ni gac guîlné chehsh guiedzy-rieꞌ ni zidguiahc beeiy ngünaa ni rtzoo guîlquie no xtahl mpyquie, no ni dxie ru rdedy xtahl guiahgü.

APOCALIPSIS 19:10

Hor-bieññaꞌ ze, bisshibyaꞌ lo ángel par nzacbeeiyaꞌ leeme. Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre meññ-xirmaniꞌ ni nehx rsaꞌn de ni runo yâme meññ xtiidz Jesúz. Bzacbeeiy Dioz. Porni xtiidz Jesúz, leeu we ni risnii xmeññ me ni runo leeu zrieñ meññ.

APOCALIPSIS 19:9

Were ra ángel naa: ―Bzaa nirieꞌ: “Dxu ñahc beeiy meññ ni psieññ yâme par guiaad lo guîlroo ni gac lo xguîltziahl Xiily.” No zegahc ra ángel naa: ―Nirieꞌ we didz-uli ni ziaad de Dioz.

APOCALIPSIS 21:2

No bwien ciuda ni nac nunzy par Dioz, Jerusaleṉ-coby, gayahtu gybaa ru nu Dioz, no ba nuw puexd beeiy to ndzab-guidzña ni ba nutz shab-mos porni guidzña me no ni gac tziahl me lee.

APOCALIPSIS 21:9

Luxu biahd to de lo gahdzy ángel ni cuaꞌ yahc gahdzy cop ni bydzeꞌ gahdzy últim guîlzi, ra me naa: ―Güde, glun lii ni zidguiahc beeiy ndzab-guidzña, ni gac tziahl Xiily.

APOCALIPSIS 22:1

Luxu bluu ángel naa to guiahgü ru ziaad nze-nyar ni rdee guîlmbahñ, no nze-rieꞌ rzaagyu beeiy vidr. No ziaadu de ru dxie Dioz no Xiily.

APOCALIPSIS 22:16

―Naa, Jesúz, pshaalaꞌ d‑ángelaꞌ ni gdee diidz gyre nirieꞌ gyre dmeññaꞌ. Naa de lo xfamily Davit‑e ziaḻaꞌ. Zidguiahcaꞌ beeiy mbial-ro ni rlahñ nchuulr ni rguꞌ byniꞌ.

APOCALIPSIS 22:6

Luxu ra ángel naa: ―Diidz ni gayapyaꞌ lii beeiy gylíladzy gyre meññu, no ni uli we leeu. Dioz ni rtzoo mdad ni risnii profet yahc, leegahcme we pshahl x‑ángel me lehdy csieññ xmeññ me ni ba ngueeḻy dziguiahc.

APOCALIPSIS 22:8

Naa, Juaṉ, bwien no bieññaꞌ gyre nirieꞌ. Byluxz bwien gyreu no bieññaꞌ leeu, bisshibyaꞌ lo ángel ni bluu naa gyreu, lehdy gzacbeeiyaꞌ leeme.

APOCALIPSIS 22:9

Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre xirmaniꞌ ni nac yahc profet no gyre meññ ni rtzoo mod-ne diidz ni queꞌ lo guetzy-rieꞌ. Bzacbeeiy Dioz.

APOCALIPSIS 4:1

Bylux nirieꞌ bwien nxal to puert gybaa; no xriedz meññ ni bieññaꞌ nier lee rluuw beeiy xriedz trompet, no ra me naa: ―Cueꞌ neꞌ lehdy güieꞌy gyre ni dziguiahc lux gac gyre nirieꞌ.

APOCALIPSIS 5:7

Were gübigy Xiily no cuaꞌ guetzy-wé de lo ña-drech ni dxie ru rtzoo mdad.