1 JUAN 5:20 - Zapotec Guevea de Humboldt New Testament

²⁰ Per nann nó Xiiñ Dioz biahd me, bdee me nó guîlbyniꞌ lehdy gzaclo nó ni ulihbu lee Dioz; no nu nó no ni nac ni uli, leewe Xiiñ me Jesucrist. Leeme we ni ulihbu Dioz, no leeme we ni rdee guîlmbahñ ni nehx zluhx.

1 JUAN 5:20 Iomraidhean Croise

MATEO 13:11

Ra Jesúz leeyâme: ―Laꞌd, bdee Dioz lsenzy gann laꞌd ni nungaꞌdzy de ni rtzoo me mdad; per leeyâme la, yac.

LUCAS 21:15

Porni naa gacno laꞌd par gynihd no sshalaꞌ xguîlriehñ laꞌd, no ndruhty ni rdziadzyno laꞌd di zaḻu lee no laꞌd, no di zaḻ gynii yâme nehx uli ni ganii laꞌd.

LUCAS 24:45

No were pshal me xguîlriehñ xmeññ me par bieññ yâme ni ganii lo Guehtzy ru queꞌ xtiidz Dioz,

JUAN 1:18

Nehx nu ndruhty ba bwieꞌ Dioz ni to; mazyg Xiñ-ngahc me, ni nu tohzy no leeme, wé we bluu nó dxu we leeme.

JUAN 10:30

Naa no dTadaꞌ nac noꞌ tohzy.

JUAN 14:20

Dze-wé ni gybahñaꞌ gyzac, zann laꞌd naa nunon dTadaꞌ, no laꞌd nunot naa, no naa nunon laꞌd.

JUAN 14:23

Ra Jesúz leeme: ―Dxu ndzi naa, wé we ssoob dtiidzaꞌ; no ndzi dTadaꞌ lee, no ziuꞌ noꞌ no lee tohzy no dTadaꞌ.

JUAN 14:6

Ra Jesúz leeme: ―Naa we beeiy to ñahz, no rlun ni uli, no rdedyaꞌ guîlmbahñ ni nehx zluhx. Ndruhty nehx zdzihñ ru nu dTadaꞌ bâḻ di gacu por naa.

JUAN 14:9

Ra Jesúz leeme: ―Felipy, ba xtze nun no laꞌd, ¿no nehx rzacloꞌy naa la? Dxu rwieꞌ naa, rwieꞌ dTadaꞌ; ¿bia nacu neꞌy: “Bluu noꞌ xTadiꞌ”?

JUAN 15:4

Lâ tzu tohzy no naa, mod-nun tohzy no laꞌd. To xúz blatzy ni ba byrug nehx beeiy nqueꞌu; no zegahc‑e laꞌd, nehx beeiy ntzoo laꞌd mbehty bâḻ nehx nu laꞌd tohzy no naa.

JUAN 17:14

Naa bienon leeyâme xtiidziꞌ; no por leeu meññ-nu lo guiedzylie gucnéladzy leeyâme, porni ba nehx rtzoo yâme mod-rtzoo meññ-nu lo guiedzylie, beeiy gahc naa nehx rtzon mod-rtzoo meññ-nu lo guiedzylie.

JUAN 17:25

Dad, lii ni rtzoo ni nac xñahzû, meññ-nu lo guiedzylie nehx rzaclo yâme lii, per naa rzacloꞌn lii, no dmeññaꞌ ni bdeedyiꞌ naa nann yâme lii pshahl naa.

JUAN 17:3

Lihzy‑e ni ulihb Dioz lee, no bâḻ gzaclo yâme lii no naa ni pshahliꞌ lee, were zahp yâme guîlmbañ-wé ni nehx zluhx.

JUAN 20:28

Were ra Tomáz leeme: ―¡Señor, lii we rtzoo mdad naa, no lii we tDiozaꞌ!

JUAN 8:42

Ra Jesúz leeyâme: ―Bâḻ ñahc uliu Dioz xtad laꞌd, nîntzi laꞌd naa, porni naa ru nu Dioz‑e byruun ziaḻaꞌ neꞌ. Nehx ziaḻaꞌ ctzon ni ne dguîlriehñaꞌ, mazyg Dioz‑e pshahl naa.

HECHOS 20:28

Naꞌ la, lâ güieꞌ por laꞌd gahc, no por gyre meññ-idoo. Porni Spirt-Sant‑e güle laꞌd par gac laꞌd meññ-tzu idoo xcargü lehdy gap laꞌd no güieꞌ laꞌd xmeññ Crist, ni güxii me lee por xrieñ gahcme lo cruzy.

ROMANOS 9:5

Leeyâme we ni ziaad de lo xfamily dtadgul yahc nó ni güyuꞌ ba xtze; no de wé gahc biahd Crist dze-guhl me lo guiedzylie, no leeme we Dioz ni rtzoo mdad nyug, no nehx zdibylgaa de ni nu laꞌy leeme. Modé gacu.

1 CORINTIOS 1:30

No zegahc Dioz ptzoo me laꞌd tohzy no Crist Jesúz; no Crist, leeme we guîlnann ni rahp nó, no por leeme rdedy nó beeiy ni nehx nzahby guîlquie, no ba nac nó nunzy par Dioz, no bislaa me nó.

2 CORINTIOS 4:6

Porni Dioz gahc ni günii gydahl byniꞌ lo guibcawy, leegahcme bdee me noꞌ ni zidguiahc beeiy byniꞌ leññ dguîlmbahñ noꞌ lehdy gzaclo noꞌ xguîlbyniꞌ Dioz ni nu no Jesucrist.

2 CORINTIOS 5:17

No leewe dxu nu no Crist la, ba to meññ-coby‑e leeme; gyre nigush ba güdedyu; ba gyre ni nu, nicoby‑e leeu.

EFESIOS 3:18

No mod-rieꞌ zann laꞌd zaꞌgndzi no gyre zrieñ xmeññ Dioz blaty‑e xroꞌ no xtahl, ni nehx rahp mdid, xguîlndzi Crist ni rahp me nó.

FILIPENSES 3:9

no par gac cuent naa tohzy no leeme, nehx porni tohg naa guhcaꞌ beeiy ni nehx nzahby guîlquie porni ptzon ni ne leiy, mazyg porni bylídadzyaꞌ Crist. No nannaꞌ rteedy Dioz meññ-rlíladzy leeme beeiy ni nehx nzahby guîlquie.

1 TIMOTEO 3:16

Nehx nu ni nqueꞌladzy meññ de ni xroꞌ we guîlrzacbeeiy ni güyungaꞌdzy ni bluu Dioz nó: Crist biahd me, guhl me lo guiedzylie, bluu Spirt-Sant nehx nzahby me guîlquie, no bwieꞌ ángel yahc leeme. Xmeññ me bigyuno xtiidz me meññ-gyre nacióṉ, no byzaꞌzy lo guiedzylie bylíladzy xtahl meññ leeme, no zia me gybaa gyzac lo guîlbyniꞌ.

TITO 2:13

lóni gabiaaz nó gydzihñ to dzé ni nu laꞌy lee, dze-guidguieññ xguîlbyniꞌ tDioz nó ni modni xroꞌ, leeme we Jesucrist ni guislaa nó.

HEBREOS 1:8

Per lguia Xiiñ Dioz ne Dioz gahc: Lii we Dioz, no de ni rtzooy mdad nehx ziuꞌ dzé zdibylgaau; no rtzooy mdad xñahzu.

1 JUAN 2:23

Gyre dxu ne nehx rlíladzy me Xiiñ Dioz, zegahc‑e nehx nu me no Dioz. Per dxu rnii ne rlíladzy me Xiiñ Dioz, zegahc‑e nu me no Dioz.

1 JUAN 2:24

Leezuwe, lâ cutziaawy leññ xguîlmbahñ laꞌd diidz ni bieññ laꞌd glo dze-guzlo galíladzy laꞌd. No nirieꞌ ni bieññ laꞌd tzcaḻ, bâḻ nu-tziaawyu leññ xguîlmbahñ laꞌd la, were nu laꞌd no Xiiñ Dioz no zegahc nu laꞌd no xTad me Dioz.

1 JUAN 2:6

Dxu rnii ne nu no Dioz la, rahp de ni tzu beeiy gahc mod-güyuꞌ Jesucrist lo guiedzylie.

1 JUAN 4:14

No noꞌ bwieꞌ noꞌ no rdee noꞌ diidz de ni Dioz ni nac dTad nó pshahl me Xiiñ me lehdy guislaa me meññ ni nu yahc lo guiedzylie de lo guîlnadz ni ziaad.

1 JUAN 4:16

No nó naꞌ, rzaclo nó no rlídadzy nó guîlndzi ni rahp Dioz no nó. Dioz, leeme we guîlndzi, no dxu ndzi meññ, wé we nu no Dioz, no Dioz nu no lee zegahc.

1 JUAN 4:2

Mod-rieꞌ beeiy gann laꞌd dxu rahp xiSpirt Dioz: gyre dxu rnii ne Jesucrist biahd me lo guiedzylie no cuerp la, wé we rahp xiSpirt Dioz.

1 JUAN 5:1

Gyre dxu rlíladzy Jesúz‑e nac Crist la, wé we xiiñ Dioz; no gyre dxu ndzi to ngüzahn, zegahc‑e ndzi me xiiñ ngüzan-rieꞌ.

1 JUAN 5:15

No sca-ze nann nó rieññ me nitisy rnab nó la, zegahcu nann nó zdee me ni rnab nó lo me.

1 JUAN 5:18

Nann nó gyre dxu ni xiiñ Dioz lee, wé rsaan ni rtzoo guîlquie; porni Xiiñ Dioz rla leeme, no nehx rtzoo rsahc bêndzab leeme.

1 JUAN 5:5

Dxu rlíladzy Jesúz‑e Xiiñ Dioz, wé we rtzoo gan di ctzoo ni nahcsy ni nu lo guiedzylie.

APOCALIPSIS 15:3

No gayuuḻ yâme himn xchieñ Moiséz ni ptzoo xtziiñ Dioz, no zegahc nacu himn xchieñ Xiily, ne yâme: Gyre ni rtzooy xroꞌu we, no guîlrtzunadz‑e leeu, lii Dioz ni rtzoo mdad no beeiyu lee gyreu; no gyreu rtzooy xñahzu no ni uli we leeyahcu, lii ni nac xṞeiy meññ-gyre nacióṉ.

APOCALIPSIS 19:11

Luxu bwien nxal gybaa; no bwien to caball-quitzy, no meññ-dziib leemaꞌ le Ni Uli, no zegahc le me Nehx Risquiee; leeme rtzoo guîlguxtisy xñahzu, no rtzoo me gan lo guîlrdeḻy.

APOCALIPSIS 3:14

’Bzaa nirieꞌ lo guehtzy par ángel ni nuno xmeññ Dioz ni nu Laodicea: “Naa dlen Améṉ (ni rnii ne: modé gacu), no naa rdedyaꞌ diidz ni nac ni uli, no nehx risquieen; no por naa bzaa Dioz gyre ni nu. Nirieꞌ we ni ganin:

APOCALIPSIS 3:7

’Bzaa nirieꞌ lo guehtzy par ángel ni nuno xmeññ Dioz ni nu Filadelfia: “Nirieꞌ we ne ni nehx nu ndruhty beeiy lee no ni ulihbu lee nac ni uli, no ni rtzoo mdad gyre ru ptzoo Davit mdad, ni rshal no ndruhty di stahgü, no ni rtahgü no ndruhty di sshal:

APOCALIPSIS 6:10

Ganii yâme ndip, ne yâme: ―Señor, lii ni nehx nu ndruhty beeiy lee no ni ulihbu nac ni uli, ¿xtâ buc ctzooy guîlguxtisy par ycuquixiꞌ meññ-nu yahc lo guiedzylie de ni biꞌdy yâme noꞌ no pshieꞌ yâme drieñ noꞌ?