1 JUAN 4:1 - Zapotec Guevea de Humboldt New Testament

¹ Rman ni ndzin leeyahc, di gylíladzy laꞌd gyre meññ ni ziaad ne nu xiSpirt Dioz lee, mazyg lâ güieꞌ zaꞌgndzi dxu we leeyâme, bâḻ uliu rahp yâme xiSpirt Dioz; porni bidguieññ xtahl profet lo guiedzylie ni risquiee.

1 JUAN 4:1 Iomraidhean Croise

MARCOS 13:21

’Bâḻ dxuhch ga laꞌd: “Lâ güieꞌ, mpyquie-nac Crist, leexme nu neé”, o “Lâ güieꞌ, leexme nu nuú”, di gylíladzy laꞌd ni ne yâme.

LUCAS 12:57

’Laꞌd gahc lâ güieꞌ bâḻ xñahzu gatzohd.

LUCAS 21:8

Ra Jesúz leeyâme: ―Gax lâ gann, na di guisquiee meññ laꞌd. Porni siahd xtahl meññ-gaquihñ dlen, no gynii yâme leeyâme we nac Crist, no ga yâme ba gadziñgahsh dze-gynihty guiedzylie. Per na di guisnáḻ laꞌd leeyâme.

HECHOS 17:11

No meññ-rieꞌ ma nxal xguîlriehñ yâme, nehx nac yâme beeiy meññ-Tesalónyc. Biuꞌladzy yâme mod-rluu Pabl no Silas, no zaꞌgndzi gayuuḻ yâme lo Guehtzy ru queꞌ xtiidz Dioz gyre dzé lehdy güieꞌ yâme bâḻ uliu modé ziaadu.

HECHOS 20:29

Porni nannaꞌ, dze-ba byruun ru nu laꞌd, siahd meññ-mbuxter lahd laꞌd ni zidguiahc beeiy mbeedzy, zisquiee yâme laꞌd gyrehzy par gyraꞌdz laꞌd; no nehx zioob yâme laꞌd.

1 CORINTIOS 12:10

Zrieñ rcaꞌ mod-beeiy ctzoo milagür, no zrieñ rcaꞌ mod-risnii Dioz lee. Zrieñ rcaꞌ mod-beeiy gzaclo me spirt ni ziaad de Dioz no spirt ni nehx ziaad de Dioz; zrieñ rcaꞌ mod-beeiy gynii gydze diidz, no zrieñ rcaꞌ mod-beeiy gboxñahz ni ganii gydze diidz.

1 CORINTIOS 14:29

No mod-wé gahc, beeiy gynii chohp o tzonn meññ-nac yahc profet, no zrieñ meññ-gayieññ güieꞌ bâḻ xñahzu ni rnii profet.

1 TESALONICENSES 5:20

Di gboo laꞌd diby lad xtiidz meññ-risnii Dioz lee.

1 TESALONICENSES 5:21

Lâ yquee ihqy laꞌd gyreu, no lâ guian-no nunzy ni mos.

2 TESALONICENSES 2:2

Di ctzee xguîlriehñ laꞌd, ni di gydzie laꞌd hor-guieññ laꞌd ne meññ: Dze-guiaad Crist ni rtzoo mdad, leexu ba bydzihñ. Di gylíladzy laꞌd leeyâme nîcze ne yâme xiSpirt Dioz‑e guhdzyu leeyâme, o nîcze rnii yâmeu lóni gayuno yâme meññ xtiidz Dioz, o bâḻ queꞌu to lo guehtzy ni gdee yâme laꞌd scâsy ñacu ni bzaa noꞌ.

1 TIMOTEO 4:1

Per nyedoo ne Spirt-Sant de lo tiemp-rieꞌ ni ba zidgahsh gylux guiedzylie, tzu meññ yahc ni gyrusytzu de lo mod-rlídadzy nó. Guisnáḻ yâme guîlrisquiee no ni rluu mbenahcsy leeyâme.

2 TIMOTEO 3:13

per meññ-dirquihñ no meññ-risquiee, to to dzé ganidylo leegahc yâme, gayisquiee yâme meññ no gayisquiee zrieñ meññ leeyâme.

2 PEDRO 2:1

Zegahc güyuꞌ lahd meññ-Isṟael meññ ni ne lee nac profet per nehx uliu profet leeyâme; no mod-wé gahc tzu muextr lahd laꞌd. No ngaꞌdzy gá gluu yâme laꞌd gydze ni gylíladzy laꞌd no cchaḻ yâme xguîlriehñ laꞌd, no modé neññ ba nehx rzaclo yâme Crist ni bislaa leeyâme; no por nirieꞌ, ni di zizlo yâme, gynihty yâme.

1 JUAN 2:18

Shiꞌñ, ba nu nó leññ dzé yahc ni gydibylgaa guiedzylie; no mod-ba bieññ laꞌd ziaad to meññ-rruu contr Crist, no naꞌ ba ma bydáhl meññ-rruu contr Crist; no por leeu nann nó nu nó leññ dzé yahc ni gydibylgaa guiedzylie.

1 JUAN 2:7

Rman yahc, nirieꞌ ni rtzoo Dioz mdad ctzoo meññ ni gazan par laꞌd, dac‑e nicoby leeu; mazyg leeu we ni ba rahp laꞌd glo dze-guzlo rlíladzy laꞌd Jesucrist. No nirieꞌ ni rtzoo Dioz mdad ctzoo meññ no glo ba xtze nuw, leegahcu we xtiidz Dioz ni ba bieññ laꞌd.

2 JUAN 1:7

Ba bidguieññ xtahl meññ-mbuxter lo guiedzylie ni rnii ne Jesucrist nehx biahd lo guiedzylie no cuerp. Dxu nac ze, wé we meññ-mbuxter no nac me meññ-rruu contr Crist.

3 JUAN 1:11

Rman, lii ni ndzin lee, di sunáḻiꞌ ctzooy ni nahcsy, mazyg ni mos ptzoo. Dxu rtzoo ni mos, wé we de Dioz lee; no dxu rtzoo ni nahcsy la, nehx rzaclo me Dioz.

APOCALIPSIS 2:2

Naa nannaꞌ gyre ni rtzoo laꞌd, no modni rtzoo laꞌd xtziiñ Dioz no nehx rxiññladzy laꞌdu, no nehx riuꞌladzy laꞌd tzu meññ lahd laꞌd ni rtzoo gyrehzy ni nahcsy. No gax bwieꞌ laꞌd bâḻ uli ni rnii meññ-ne lee nac apóstl, per nehx uliu apóstl leeyâme, no bzaclo laꞌd meññ-risquiee we leeyâme.