1 JUAN 3:14 - Zapotec Guevea de Humboldt New Testament

¹⁴ Nann nó ba byruu nó lo ni zidguiahc beeiy guîlguhty no ba nuno nó guîlmbahñ ni nehx zluhx, porni ndzi nó dirman yahc nó. Dxu nehx ndzi xirman la, nu me lo ni zidguiahc beeiy guîlguhty.

1 JUAN 3:14 Iomraidhean Croise

MATEO 25:40

Were naa ni nac Ṟeiy gapyaꞌ leeyâme: “Ni uli we ren laꞌd, gyre mod-gucno laꞌd to dmeññaꞌ sca rman-rieꞌ yahc, nîcze rluu uxiee rsahc yâme lahd meññ, scâsy ñahcu naa we gucno laꞌd lee.”

LUCAS 15:24

Porni dzé ni byruu me dcoon, par naa la, ren guhty me we. Per naꞌ, leexme we gubyguiat gyzac. Par naa, bynihty me we. Per naꞌ, leexme we bydzial gyzac.” No guzlo ptzoo yâme lni.

LUCAS 15:32

Naꞌ hôrrieꞌ ren gac xilni behtzyiꞌ no gyxihly nó, porni par nó la, ba guhty me we, no naꞌ leexme we biahd; par nó la, ba bynihty me we, no naꞌ leexme bydzial nó lee.”

LUCAS 7:5

porni ndzi me meññ-Isṟael, no xtâ diydoo noꞌ, gunn me güyaau.

JUAN 13:35

No bâḻ ndzi saꞌ laꞌd, were gyre meññ zwieꞌ dmeññaꞌ we laꞌd.

JUAN 15:12

Nirieꞌ we ni gatzon mdad ctzoo laꞌd: Guîntzi saꞌ laꞌd mod-ndzi gahcaꞌ laꞌd.

JUAN 15:17

Nirieꞌ we ni gatzon mdad ctzoo laꞌd: Lâ guîntzi saꞌ laꞌd.

JUAN 5:24

’Gapyaꞌ laꞌd ni uli: Dxu rquee ihqy ni ren, no rlíladzy Dioz ni pshahl naa, wé zahp guîlmbahñ ni nehx zluhx; no di znihty me lo xguîlquie me, mazyg zidguiahc me beeiy ni ba güdedy de lo guîlguhty, no ba rahp me guîlmbahñ ni nehx zluhx.

2 CORINTIOS 5:1

Nann nó bâḻ gynihty dcuerp nó ni zidguiahc beeiy yuꞌ ni nehx rtibladzy la, rahp nó yuꞌ ni zdee Dioz nó ni bzaa me, ni nehx znihty, leeu we ni nu gybaa.

GÁLATAS 5:22

Per ni rdee xiSpirt Dioz naꞌ, leeu we nirieꞌ: guîlndzi, guîlrxihly, guîlriuꞌ dzie tziaawy, guîl-nehx rshacladzy nitisy rahc, guîlndoo xguîlriehñ, guîlmeññ-tziaawy, no de ni rlíladzy mu Dioz,

EFESIOS 1:15

No leewe naa zegahc, dze-gunnaꞌ rlíladzy laꞌd Jesucrist ni rtzoo mdad, no de ni ndzi laꞌd gyre xmeññ Dioz,

EFESIOS 2:1

Tzcaḻ, guhc laꞌd beeiy mînguty porni nehx bzobdiidz laꞌd Dioz no ptzoo laꞌd guîlquie;

EFESIOS 2:5

Nîcze guhc nó beeiy mînguty porni ptzoo nó guîlquie, per Dioz bdee me guîlmbañ-coby nó tohzy no Crist (por xlaꞌy Dioz bylaa laꞌd de lo guîlnadz).

COLOSENSES 1:4

porni bieññ noꞌ diidz de ni rlíladzy laꞌd Crist Jesúz, no ndzi laꞌd gyre xmeññ Dioz,

1 TESALONICENSES 4:9

No lguia ni guîntzi saꞌ meññ-rman, nehx rapaꞌ bia nzan lo guehtzy no nshaalaꞌu lo laꞌd, porni Dioz gahc ba bluu laꞌd guîntzi saꞌ laꞌd.

HEBREOS 13:1

Di csaꞌn laꞌd de ni guîntzi saꞌ laꞌd mod-rîntzi saꞌ meññ-rman.

1 PEDRO 1:22

No porni gazobdiidz laꞌd mod-ne didz-uli, ba nye xguîlmbahñ laꞌd‑e lehdy ulihbu guîntzi laꞌd meññ-rman yahc. Leewe, lâ guîntzi saꞌ laꞌd no gydo xguîlmbahñ laꞌd no xtâ ru beeiyu laꞌd.

1 PEDRO 3:8

No leewe naꞌ, lâ tzu tohzy guîlriehñ, di guiaaḻladzy saꞌ laꞌd, no lâ guîntzi saꞌ laꞌd. Lâ guioob saꞌ laꞌd no lâ gac meññ-ndoo xguîlriehñ.

2 PEDRO 1:7

no de ni rzacbeeiy laꞌd Dioz la, zegahc lâ guîntzi saꞌ laꞌd; no de ni rîntzi saꞌ laꞌd la, zegahc lâ guîntzi gyre meññ.

1 JUAN 2:3

No por nirieꞌ nann nó rzaclo nó Dioz, bâḻ rtzoo nó ni rtzoo me mdad ctzoo meññ.

1 JUAN 3:23

No nirieꞌ we ni rtzoo me mdad ctzoo nó: gylídadzy nó Xiiñ me Jesucrist no guîntzi dsaꞌ nó, mod-ra me nó.

1 JUAN 4:12

Dioz, ndruhty dgueññ güieꞌ leeme; per bâḻ ndzi dsaꞌ nó la, nu Dioz no nó we, no ulihbu xguîlndzi me rtzoou scâsy riuꞌladzy me no nó.

1 JUAN 5:13

Ba bzan nirieꞌ yahc par laꞌd ni rlíladzy Xiiñ Dioz, lehdy gann laꞌd rahp laꞌd guîlmbahñ ni nehx zluhx, no lehdy gylíladzy laꞌd le Xiiñ Dioz.

1 JUAN 5:2

No mod-rieꞌ nann nó ndzi nó xiiñ Dioz: bâḻ rzacbeeiy nó Dioz no rtzoo nó ni rtzoo me mdad ctzoo meññ.