1 JUAN 1:6 - Zapotec Guevea de Humboldt New Testament

⁶ Bâḻ rnii nó nu nó no leeme, no luxu nu nó beeiy lo guibcawy la, risquiee nó we, no nehx rtzoo nó ni uli;

1 JUAN 1:6 Iomraidhean Croise

MATEO 7:22

Dze-caḻ xtahl meññ ga naa: “Señor, lii ni rtzoo mdad, günino noꞌ meññ gyre ni neꞌy gac, per gax günii noꞌ ley; no porni günii noꞌ ley la, byruu bêndzab meññ no ptzoo noꞌ xtahl milagür yahc.”

JUAN 11:10

per dxu rzeꞌ guiaal, gyrehzy rraḻ nieꞌ, porni nehx nu me lo byniꞌ.

JUAN 12:35

Ra Jesúz leeyâme: ―Hôrrieꞌ nu ni nac beeiy byniꞌ ru nu laꞌd stoozy dzé. Lâ tzu lou leegâ nuw no laꞌd, lehdy di tzu laꞌd beeiy lo guibcawy; porni dxu nu beeiy lo guibcawy, nehx nann bá za.

JUAN 12:46

Naa nacaꞌ beeiy byniꞌ, no biaḻaꞌ lo guiedzylie lehdy dxu gylíladzy naa nehx ziaꞌn me beeiy lo guibcawy.

JUAN 8:12

Gyzac günino Jesúz meññ, ra me: ―Naa zidguiahcaꞌ beeiy byniꞌ par meññ-nu lo guiedzylie; dxu gac dmeññaꞌ, lee nehx ziuꞌ beeiy lo guibcawy, mazyg zahp me beeiy byniꞌ ni rdee guîlmbahñ ni nehx zluhx.

JUAN 8:55

Per luxu nehx rzaclo laꞌd leeme. No naa rzacloꞌn leeme; no bâḻ nnin nehx rzacloꞌn leeme la, ñahcaꞌ mbuxter beeiy gahc laꞌd. Per we naꞌ, ni uli we rzacloꞌn leeme, no rzobdiidzaꞌ leeme.

1 TIMOTEO 4:2

Squee ihqy yâme ni rluu meññ-risquiee ni ne lee meññ-tziaawy lee nîcze nehx uliu, no rahp yâme to guîlrieñ-nahdy, beeiy ni cueꞌ gue no to guiib ni nlay.

SANTIAGO 2:14

Dirman yahcaꞌ, ¿bá we rquihñu bâḻ dxuhch ne: “Rlídadzyaꞌ Dioz”, no luxu nehx rtzoo me ni nac ni mos? ¿De ni rlíhzyladzy me beeiy nislaau leeme de lo guîlnadz ni ziaad la?

SANTIAGO 2:16

no dxuhch de laꞌd ña leeyâme: “Zaꞌgru lâ tza; di gacnaḻ laꞌd no lâ gahgü glo gydzeꞌ laꞌd”, per luxu nehx rdee me ni gayaadz meññ-wé yahc; ¿bá we naꞌ nquihñ ni günii me?

SANTIAGO 2:18

Duhn dxuhch ne: “Lii rlíladzyiꞌ Dioz, no naa rtzon ni nac ni mos.” Bluu naa bia mód beeiy rlíladzyiꞌ Dioz bâḻ nehx rtzooy ni nac ni mos, no naa glun lii rlídadzyaꞌ Dioz porni rtzon ni nac ni mos.

1 JUAN 1:10

Bâḻ rnii nó nehx ptzoo nó guîlquie la, rtzoo nó Dioz beeiy ni risquiee, no nehx nu xtiidz me leññ dguîlmbahñ nó.

1 JUAN 1:3

Ni bwieꞌ noꞌ no ni bieññ noꞌ, gayuno noꞌu laꞌd zegahc lehdy tzu laꞌd tohzy no noꞌ, mod-ulihbu nu noꞌ tohzy no Dioz ni nac dTad nó no Xiiñ me Jesucrist.

1 JUAN 1:8

Bâḻ rnii nó nehx rtzoo nó guîlquie la, risquiee nó nó gahc‑e, no nehx nu ni uli leññ dguîlmbahñ nó.

1 JUAN 2:4

Dxu rnii ne: “Naa rzacloꞌn Dioz”, no nehx rtzoo me ni rtzoo Dioz mdad ctzoo meññ la, meññ-risquiee we leeme no nehx nu ni uli leññ xguîlmbahñ me.

1 JUAN 4:20

Bâḻ dxuhch ne: “Naa rzacbeeiyaꞌ Dioz”, per néladzy me xirman me la, meññ-risquiee we leeme; porni dxu nehx ndzi xirman ni rwieꞌ me lee, zegahc‑e nehx rzacbeeiy me Dioz ni nehx rwieꞌ me lee.