San Lucas 5:14 - Zapotec Choapan

¹⁴ Naꞌra bë Jesús mandado rëbinëꞌ lëbëꞌ: ―Ni tu nunu yëboꞌ canꞌ babiaꞌ quioꞌ. Tuzi ta rniaꞌ luëꞌ, uyo yaluꞌe cuinloꞌ lao pxuzi. Naꞌ bëꞌ pxuzi tu ta reyaꞌalaꞌ hueꞌloꞌnëꞌ ca ta rnabëꞌ lëꞌë guichi ley quie Moisés tanun quie babeyëriloꞌ. Hueloꞌ canꞌ ta inezi yaca benëꞌ babez̃i yelaꞌ hueꞌ uyuꞌuloꞌ.

San Lucas 5:14 Iomraidhean Croise

San Mateo 10:18

Hasta huetzehuaꞌajëꞌ leꞌe lao ja benꞌ gobierno, len lao ja rey, len lao ja benꞌ rnabëꞌtera, porque danꞌ biraxejëꞌ nacale benꞌ quiaꞌ. Canaꞌ sí, huacale inële quiaꞌ lao ja benꞌ Israel len lao ja benꞌ binaca benꞌ Israel.

San Mateo 12:16

Naꞌra bë Jesús lëjëꞌ mandado ta biquixogueꞌjëꞌ cabëꞌ bënëꞌ quiejëꞌ.

San Mateo 8:4

Naꞌra una Jesús rëbinëꞌ lënëꞌ: ―Ni tu ganu quixogueꞌloꞌ bi guca beyacoꞌ. Tu uyotezi cuinzoꞌ lao pxuzi. Naꞌ hueꞌloꞌ gun quie Diuzi cabëꞌ mandado bë Moisés yelaꞌ inezi ja benëꞌ abeyacoꞌ yelaꞌ hueꞌ racoꞌ.

San Mateo 9:30

Naꞌra labeyacate laojëꞌ dyëꞌëdi. Naꞌra bë Jesús mandado gudyinëꞌ lëjëꞌ: ―Nitu nitu biquixogueꞌle cabëꞌ biaꞌ quiele.

San Marcos 1:44

―Ni tu nunu yëboꞌ canꞌ babiaꞌ quioꞌ. Tuzi ta rniaꞌ, uyo yaluꞌe cuinloꞌ lao pxuzi. Naꞌ bëꞌnëꞌ tu ta reyaꞌalaꞌ hueꞌloꞌnëꞌ cabëꞌ rnë lëꞌë ley quie Moisés danꞌ babeyëriloꞌ. Canaꞌ hueloꞌ ta inezi yaca benëꞌ babez̃i yelaꞌ hueꞌ yuꞌuloꞌ.

San Marcos 6:11

Caora abdyinle tu yedyi, chi bireꞌen yaca benëꞌ siꞌyaquëꞌ leꞌe dyëꞌëdi, chi bireꞌenyaquëꞌ uzënagayaquëꞌ quiele, naꞌra yerole ganꞌ, usisile niꞌale ta gasi bëxte dyia niꞌale ta uluꞌen quieyaquëꞌ dulaꞌ quieziyaquëꞌ nenao dulaꞌ xquia quieyaquëꞌ leyaquëꞌ. Nacan tali ca rniaꞌ leꞌe, cati abdyin dza gaca juicio, huedzagalaora benꞌ bibzënaga quiele mazara ca benꞌ ciudad Sodoma len benꞌ ciudad Gomorra.

San Lucas 17:14

Cati blëꞌë Jesús leyaquëꞌ cabëꞌ nacayaquëꞌ, unëꞌ rëbinëꞌ leyaquëꞌ: ―Uletzio uletzeluꞌe cuinle lao pxuzi. Caora naꞌ uzaꞌyaquëꞌ zioyaquëꞌ. Biz̃i tu neza ganꞌ zioyaquëꞌ bez̃i yelaꞌ hueꞌ yuꞌuyaquëꞌ.

San Lucas 5:13

Naꞌra bdaꞌ naꞌa Jesús benꞌ naꞌ rëbinëꞌ lëbëꞌ: ―Reꞌendaꞌ yeyuaꞌ luëꞌ. Ca unëꞌ canaꞌ, biz̃i labez̃ite yelaꞌ hueꞌ naca ca mal de pindo yuꞌu benꞌ naꞌ.

San Lucas 9:5

Chi ga bireꞌenyaquëꞌ yeziꞌyaquëꞌ leꞌe, ulezaꞌ lao yedyi, gusile bëxte yu dyia niꞌale ta gacan tu seña de que bibë quieyaquëꞌ xtiꞌidzaꞌ Diuzi.