San Juan 16:23 - Zapotec Choapan

²³ ’Lëdza naꞌ birabi inabale nëꞌëdiꞌ. Tali ca rniaꞌ leꞌe, guncazi Xuzaꞌ yugulu ca ta inabale lënëꞌ uzëtole laohuaꞌ.

San Juan 16:23 Iomraidhean Croise

San Mateo 21:22

Con bita inabale lao Diuzi hueꞌlëlenëꞌ diꞌidzaꞌ, chi rzudyiꞌilële Diuzi du guicho du laꞌadyiꞌle, gunnëꞌn quiele.

San Mateo 7:7

―Chi inabaro Diuzi bi cosa, gunnëꞌn. Chi rguiloro ta naca tali quie Diuzi, huadzeleron. Chi ulidzaronëꞌ, huequëbinëꞌ quiero.

San Juan 14:20

Dza gaca canꞌ hualëꞌële zulëcazaꞌ Xuzaꞌ tuz̃e, lëscanꞌ leꞌe lëlënëꞌëdiꞌ, lëscanꞌ nëꞌëdiꞌ len leꞌe.

San Juan 14:22

Naꞌra unë Judas, pero Judas tula, cala Judas Iscariote, rëbinëꞌ Jesús: ―Señor, ¿bixquienꞌ uluꞌeloꞌ nëtoꞌ yelaꞌ huaca quioꞌ, naꞌ biuluꞌeloꞌn yaca benꞌ nitaꞌ lao yedyi layu?

San Juan 14:5

Naꞌra una Tomás rëbinëꞌ Jesús: ―Señor, binezindoꞌ ganꞌ yedyinloꞌ, ¿cómo luëꞌ naoꞌ banezindoꞌ ganꞌ zio neza?

San Juan 15:7

’Chi nacalëcazile nëꞌëdiꞌ tzaz̃e, chi bigalaꞌadyiꞌle ca ta bapsëdiaꞌ leꞌe, naꞌ con bitezi inabale nëꞌëdiꞌ, guncazaꞌn leꞌe.

San Juan 16:19

Biz̃i gucabëꞌ Jesús biuyoñeꞌeyaquëꞌ ca diꞌidzaꞌ gudyinëꞌ leyaquëꞌ. Tanaꞌ unëꞌ rëbinëꞌ leyaquëꞌ: ―Baonëcazaꞌ leꞌe gaca tu chiꞌzi birlëꞌële nëꞌëdiꞌ, te naꞌ itu chiꞌzi yelëꞌële nëꞌëdiꞌ tatula. ¿Lëdiꞌidzaꞌ naꞌ biuyoñeꞌele rnabale laguedyile?

San Juan 16:26

Lëdza naꞌ uzëtole laohuaꞌ inabale Xuzaꞌ bi ta reꞌenle inabalenëꞌ. Caora naꞌ bira inaban inabaꞌ Xuzaꞌ gunnëꞌ bi ta reꞌenle. Nedyëꞌëcazi Xuzaꞌ leꞌe. Nedyëꞌënëꞌ leꞌe porque danꞌ nedyëꞌële nëꞌëdiꞌ, ralele danꞌ niaꞌ uzaꞌ ga zu Xuzaꞌ.

San Juan 16:30

Naꞌra banezindoꞌ luëꞌ nezoꞌ quie lao yugulute. Nica inabandoꞌ luëꞌ banezoꞌ bi ta inabandoꞌ luëꞌ. Quie lenaꞌ banezindoꞌ de que luëꞌ nacoꞌ benꞌ uzaꞌ ga zu Diuzi.

Efesios 2:18

Dyin bë Cristo racalë Bichi Be quie Diuzi raꞌo ta huebëꞌro Xuziro Diuzi, laꞌacazi nacaro benꞌ Israel, laꞌacazi nacaro benꞌ zaꞌ yedyi tula.

1 Juan 2:1

Raquedaꞌ leꞌe ca quie z̃iꞌinaꞌ. Guichi ni biaꞌ useꞌelaꞌn laole ta gacalën leꞌe ta bihuele tamedian. Pero chi huele tamedian, naca Jesucristo benꞌ huen gula, benꞌ sëlë raꞌo lao Xuziro Diuzi.