San Juan 14:9 - Zapotec Choapan

⁹ Quie lenaꞌ una Jesús rëbinëꞌ lëbëꞌ: ―Felipe, zidza baoca zuliaꞌ leꞌe, ¿quele binubëꞌloꞌ nëꞌëdiꞌ? Nu benꞌ bablëꞌë nëꞌëdiꞌ, lëbenꞌ naꞌ bablëꞌërënëꞌ Xuzaꞌ. ¿Naꞌ bixquienꞌ naoꞌ nëꞌëdiꞌ: “Ben lato ilëꞌëndoꞌ Xuziro Diuzi”?

San Juan 14:9 Iomraidhean Croise

San Marcos 9:19

Naꞌ una Jesús rëbinëꞌ yaca benꞌ nitaꞌ naꞌ: ―¡Ay, leꞌe benꞌ birale! ¿Bala iza reꞌennan yegaꞌnliaꞌ leꞌe hasta que galele cabëꞌ rniaꞌ? ¿Bala iza reꞌennan suedaꞌ suliaꞌ leꞌe? Uletzexiꞌbiꞌ guidabiꞌ niga.

San Lucas 12:56

Leꞌe benꞌ rlidza Diuzi de diꞌidzaꞌ ladzazi, banezile huele pensari canꞌ hue beo len canꞌ hue be, ¿naꞌ bixquienꞌ binezile huele pensari canꞌ raca quiele dza rdale lao yedyi layu? Naꞌ una Jesús:

San Juan 1:14

Benꞌ naca xtiꞌidzaꞌ Diuzi guquëꞌ tu beꞌmbyu. Uzunëꞌ lado raꞌo tu chiꞌ. Blëꞌëndoꞌ yelaꞌ huaca quienëꞌ, blëꞌëndoꞌ tuzi lëbëꞌ naquëꞌ z̃iꞌi Diuzi, benꞌ nedyëꞌë raꞌo, benꞌ ruꞌe diꞌidzaꞌ li.

San Juan 10:30

Xuzaꞌ len nëꞌëdiꞌ nacandoꞌ tuz̃e. ―Canaꞌ una Jesús rëbinëꞌ leyaquëꞌ.

San Juan 12:45

Con nu yaca benꞌ nuebëꞌ nëꞌëdiꞌ, lëscanꞌ nuebëꞌrëyaquëꞌ benꞌ useꞌelaꞌ nëꞌëdiꞌ.

San Juan 14:20

Dza gaca canꞌ hualëꞌële zulëcazaꞌ Xuzaꞌ tuz̃e, lëscanꞌ leꞌe lëlënëꞌëdiꞌ, lëscanꞌ nëꞌëdiꞌ len leꞌe.

San Juan 14:7

Chi tali banubëꞌle nëꞌëdiꞌ, lëzi nubëꞌrële Xuzaꞌ. Desde naꞌa banubëꞌle Xuzaꞌ, barlëꞌëlenëꞌ.

San Juan 8:19

Naꞌra unayaquëꞌ rëbiyaquëꞌ lëbëꞌ: ―¿Gaz̃i naoꞌ zu xuzoꞌ? Biz̃i una Jesús rëbinëꞌ leyaquëꞌ: ―Cabëꞌ leꞌe, binubëꞌle nëꞌëdiꞌ. Lëzi canaꞌ binubëꞌle Xuzaꞌ. Chi leꞌe nubëꞌle nëꞌëdiꞌ, lëzi canaꞌ huebëꞌrële Xuzaꞌ, benꞌ useꞌelaꞌ nëꞌëdiꞌ. ―Canaꞌ una Jesús rëbinëꞌ leyaquëꞌ.

1 Corintios 15:12

Chi nëtoꞌ rdandoꞌ rguixogueꞌndoꞌ yaca benëꞌ de que guti beban Cristo ¿naꞌa bixquienꞌ balale rnale bira yeban yaca benꞌ baguti?

Filipenses 2:6

Baꞌalaꞌcazi Cristo len Diuzi tuzi ca nacayaquëꞌ, bibë Cristo la fuerza huenëꞌ cuinnëꞌ lëbi ca Diuzi,

Colosenses 1:15

Cabëꞌ naca quie Cristo, benꞌ saqueꞌ ilëꞌëro, cabëꞌ naꞌ naca quie Diuzi, benꞌ bisaqueꞌ ilëꞌëro. Naca Cristo lao Diuzi ca quie tu z̃iꞌinëꞌ nëro. Nacarëꞌ belaora lao yugulu ta bë Diuzi.

Hebreos 1:3

Cabëꞌ naca Diuzi benꞌ z̃e, benꞌ laꞌiya, cabëꞌ naꞌ nacarë z̃iꞌinëꞌ benꞌ z̃e, benꞌ laꞌiya. Tuzi ca naca Diuzi lënëꞌ z̃iꞌinëꞌ. Lëz̃iꞌinëꞌ naꞌ rnabëꞌnëꞌ lao yugulu ta dyia guibá len yugulu ta de lao dyilayu conlë fuerza valor quie diꞌidzaꞌ quienëꞌ. Bëꞌ beyudyi udubanëꞌ dulaꞌ xquia quiero, canaꞌ bedyinnëꞌ yereꞌnëꞌ rnabëꞌnëꞌ zacaꞌ yebë ga zu Diuzi guibá.

1 Juan 5:20

Lëscanꞌ neziro babida z̃iꞌi Diuzi lao yedyi layu bzioñeꞌenëꞌ raꞌo nuebëꞌro tuzi Diuzi zu guibá, neziro nunura Diuzi zu. Nacalëronëꞌ tuz̃e, ta inaro, nacalëro z̃iꞌinëꞌ Jesucristo tuz̃e. Tuzi lëbëꞌ naquëꞌ Diuzi, tuzi lëbëꞌ gunnëꞌ yelaꞌ naban quiero ta biyeyudyi yedu quie.