San Juan 11:11 - Zapotec Choapan

¹¹ Te beyudyi una Jesús canaꞌ, naꞌra unëꞌ rëbinëꞌ yaca benꞌ quiëꞌ: ―Benꞌ amigo quiero Lázaro, barasinëꞌ, pero huayaꞌa usebiaꞌnëꞌ.

San Juan 11:11 Iomraidhean Croise

San Mateo 27:52

Naꞌ beyalo beló yo ga yuꞌu benꞌ huati. Beban ja zë benꞌ baguti, benꞌ bë quie xtiꞌidzaꞌ Diuzi dza uzujëꞌ.

San Mateo 9:24

Naꞌra unëꞌ rëbinëꞌ lëjëꞌ: ―Ulero ga yuꞌule niga. Para nëꞌëdiꞌ quele natibiꞌ, dechanꞌ tu rasizibiꞌ. Naꞌra bz̃idyijëꞌ Jesús cabëꞌ unëꞌ.

San Marcos 5:39

Caora uyuꞌu Jesús lënëꞌ tzona benꞌ quiëꞌ luꞌu yuꞌu naꞌ, unëꞌ rëbinëꞌ yaca benꞌ nitaꞌ naꞌ: ―¿Bixquienꞌ ruꞌule ruꞌbe rbedyiyaꞌle? Baꞌalaꞌcazi agutibiꞌ, raca quiebiꞌ ca quie biꞌ rasizi.

San Juan 11:10

Pero chi raꞌo rdaro lao chula, decazide huachaꞌoro, danꞌ birseniꞌ xniꞌ obidza ilëꞌëro.

San Juan 11:12

Naꞌra una yaca benꞌ quienëꞌ rëbiyaquëꞌ lëbëꞌ: ―Señor, chi lëbëꞌ rasizinëꞌ, hueyacanëꞌ.

San Juan 11:13

Pero unë Jesús canꞌ danꞌ baguti Lázaro, cala rasizinëꞌ. Biz̃i raque yaca benꞌ quienëꞌ de que rasizi Lázaro.

San Juan 11:3

Canaꞌ guca useꞌelaꞌ rupa zan Lázaro tu benꞌ uyo ganꞌ zu Jesús unëꞌ rëbinëꞌ lëbëꞌ: ―Señor, raca z̃hueꞌ Lázaro, benꞌ naca amigo quioꞌ.

San Juan 3:29

Cristo naquëꞌ ca quie benꞌ utzaganaꞌ. Lëzirë yaca benꞌ nao xnezëꞌ, naca quieyaquëꞌ ca quie nigula utzaganaꞌ. Nëꞌëdiꞌ nacaꞌ ca quie amigo quie benꞌ utzaganaꞌ. Biz̃i benꞌ naca amigo quie benꞌ utzaganaꞌ, redaohuenëꞌ uzënaguëꞌ yenëꞌ bi na benꞌ utzaganaꞌ. Quie lenaꞌ redaohuedaꞌ rzënagaꞌ yedaꞌ bi na benꞌ Cristo.

Hechos 7:60

Naꞌra uditzu Esteban z̃ibinëꞌ, unëꞌ zidzo rëbinëꞌ Jesús: ―Señor, uz̃iꞌz̃e quieyaquëꞌ rueyaquëꞌ xquia rutiyaquëꞌ nëꞌëdiꞌ. Ude beyudyi unëꞌ canaꞌ, gutinëꞌ.

1 Corintios 15:18

Chi nacan tali canaꞌ, lëscanꞌ bisaqueꞌ inandoꞌ huaziꞌ Diuzi yaca benꞌ nao xnezëꞌ caora gatiyaquëꞌ.

1 Corintios 15:34

Ulehue pensari inaole neza dyaꞌa. Biiquixile huele tamedian. Balale leꞌe binenezile ca naca Diuzi. Rniaꞌ leꞌe canꞌ ta yedueꞌle.

1 Corintios 15:51

Reꞌendaꞌ inezile tu ta binezile. Cala yuguluro gati, pero yugulutero huetzaꞌro.

Efesios 5:14

Quie lenaꞌ rguixogueꞌn lëꞌë guichi laꞌiya quie Diuzi cani: Uletëlebë leꞌe nitaꞌle naca quiele ca quie benꞌ nitaꞌ rasi, benꞌ biyuꞌu pensari. Ulesuli leꞌe nitaꞌle naca quiele ca quie benꞌ huati, benꞌ biyuꞌu gracia. Ulesu listo, porque bazu Cristo useniꞌnëꞌ guicho laxtaꞌole. Canaꞌ rguixogueꞌn lëꞌë guichi laꞌiya.

1 Tesalonicenses 5:10

Pues lëbëꞌ agutiëꞌ lëꞌë yaga cruzo para raꞌo ta sulëro lëbëꞌ dza yeguidëꞌ para tuzioli, laꞌachi bagutiro, laꞌachi nenabanro.

Santiago 2:23

Canaꞌ uzu diꞌidzaꞌ con cabëꞌ rna lëꞌë guichi laꞌiya quie Diuzi cani: “Como danꞌ uzudyiꞌilë Abraham Diuzi, quie lenaꞌ blëꞌë Diuzi lëbëꞌ benꞌ laxtaꞌo yëri.” Canaꞌ guca una Diuzi rëbinëꞌ Abraham: “Nacaro amigo.”