Елшілер 6:1 - Zhana Osiet

¹ Сонымен, сол күндері шәкірттердің саны да көбейе берді, грекше сөйлейтін еврейлер жергілікті еврейлерге өздерінің наразылықтарын білдіре бастады. Өйткені күнделікті қажет нәрселерін тарату кезінде, олардың арасындағы жесір әйелдерге аса көңіл бөлінбей қалып жүрді.

Киелі кітап

¹ Мәсіхтің жолын қуушы шәкірттерінің саны өсіп келе жатқан осы күндері грекше сөйлейтін шетелдік яһудилер еврейше сөйлейтін жергіліктілермен ренжісіп қалды. Себебі күнделікті тамақпен қамтамасыз еткен кезде шетелдіктердің жесірлері ескерілмей қалып жүрген еді.

Елшілер 6:1 Iomraidhean Croise

Матай 23:13

Таурат заңын зерттеушілер мен екіжүзді фарисейлер, қасіретке қаласыңдар, себебі сендер адамдардың алдынан Көктегі Патшалыққа кіретін жолды жауып тастайсыңдар, Оған не өздерің кірмейсіңдер, кіргісі келгендерді де жібермейсіңдер.

Елшілер 11:20

Алайда олардың кейбіреуі кипрліктер мен күрендіктердің арасынан шыққан ер-азаматтар болатын, олар Антиохияға келіп, грекше сөйлейтін еврейлерге Иеміз Исаның Ізгі хабарын жариялады.

Елшілер 11:26

Оны тауып алып, Антиохияға ертіп келеді. Олар сонда бір жыл бойы антиохиялықтарды қауымға жинап, халыққа тәлім берді, осылайша Антиохиядағы шәкірттер алғаш рет Мәсіхшілер деген атқа ие болды.

Елшілер 11:29

Осыдан кейін шәкірттердің әрқайсысы өзінде бар қаражатына сай қор жинап, соны Яһудея аймағында қызмет етіп жүрген бауырластарға жіберуге шешім қабылдады.

Елшілер 2:41

Оның осы сөзін қабылдағандар суға батырылып шомылдырудан өтті. Сол күні оларға үш мыңға жуық адам қосылды.

Елшілер 2:45

Мұқтаждық көрген кейбіреулерге басқалары жеке заттары мен мүліктерін сатып, оларға қолдау көрсетті.

Елшілер 2:47

Осылайша олар Құдайды мадақтады, бүкіл халық рақымдылыққа ие болды. Иеміз күн сайын оларға құтқарылған адамдарды қосып, біріктіріп отырды.

Елшілер 4:35

оларды елшілердің алдына апарып қоятын. Ал олар мұны әркімнің мұқтаждығына қарай таратып беріп отырды.

Елшілер 4:4

Ал сол арада болғандардың көпшілігі естіген сөзге сенді, бауырластар саны бес мың ер адамға артты.

Елшілер 5:14

Сөйтіп, Иемізге сенім артқан ерлер мен әйелдер саны көбейіп, күннен-күнге арта түсті.

Елшілер 5:28

-Біз сендерге енді қайтып осы Есімді атап, тәлім бермеңдер деп ескертіп, бұйрық бердік емес пе? -деп сұрады. -Сендер бүкіл Иерусалимді өз тәлімдеріңмен толтырып тастадыңдар және осы Адамның қанын біздің мойнымызға артып қойғыларың келеді, - деді.

Елшілер 6:2

Сонда он екі елші сол жердегі шәкірттердің көбін шақырып алып: -Біздің Құдай сөзін елеусіз қалдырып, ас ішетін үстел басында қызмет етіп жүргеніміз жарамас.

Елшілер 6:7

Осылай Құдайдың сөзі кеңінен тарады. Сонымен қатар, Иерусалимдегі шәкірттердің де саны өсіп жатты, *кейбір қызметшілердің үлкен бір тобы сенімге келіп, сөзге құлақ асты.

Елшілер 9:29

Ол кейбір грекше сөйлейтін еврейлермен жиі сөйлесіп, сөз таластырып қалатын, олар Саулды өлтіруге тырысты.

Елшілер 9:39

Сонда Петір орнынан тұрып, олармен бірге еріп барды. Келген соң, оны ертіп, олар жоғарғы бөлмеге көтерілді, сонда Табитаның қасында жылап тұрған жесірлер Табитаның («тау киігінің») олармен бірге болған кезінде тіккен хитондарын және көйлектерін оған көрсете бастады.

Елшілер 9:41

Петір оған қолын беріп, демеп, аяғынан тұруға көмектесті. Сол жердегі сенушілер мен жесірлерді шақырып алып, оларға тірілген Табитаны көрсетті.

Римдіктерге 12:7

енді біреуге басқаларға қызмет ету дарыны берілсе, сол қызметін атқарсын, егер біреуге тәлімгерлік дарын берілсе, тәлім берсін,

Қорынттықтарға 1 10:10

Сонымен қатар, олардың кейбіреулері күңкілдей бастады, сонда құртушы періште келіп, оларды құртып жіберді, сондықтан сендер олар секілді күңкілдей бермеңдер.

Қорынттықтарға 2 11:22

Олар еврей ме? Мен де евреймін. Олар исраилдіктер ме? Мен де исраилдікпін. Олар Ыбырайымның ұрпағынан ба? Мен де Ыбырайымның ұрпағына жатамын.

Філіпіліктерге 3:5

Мен туылғаннан кейін сегіз күн өткен соң мені сүндеттеді, әрі мен Исраил халқының Бунямин руына шыққан еврейлерден туылған нағыз евреймін, әрі мен заңды өте қатты ұстанатын фарисей болдым.

Тимотейге 1 5:3

Жесірлерге қамқорлық жаса, әсіресе шынайы жесірлерді құрметте.

Тимотейге 1 5:9

Жесір деп саналатын адамның жасы алпыстан төмен болмау керек, әрі ол тек бір ғана ер адамның әйелі болған,

Еврейлерге 13:1

Сондықтан бір-біріңе деген бауырластық сезімдерің суымасын.

Жақыптың хаты 1:27

Ал Құдай мен Әкеге деген таза, да кіршіксіз Құдайшылдық ол: жәбір көрген жетімдер мен жесірлерге қамқор болу, ол осы әлеммен өзін кірлетпей, өз-өзін таза ұстау болып табылады.

Жақыптың хаты 4:5

Немесе жазбадағы: -Оның өздеріңе салып берген Рухтың қызғанышын оятпаңдар, -деп айтылған сөз «ол бос сөз» деп ойлап жүрсіңдер ме?

Жақыптың хаты 5:9

Бауырластар, сотталмас үшін бір-біріңе қарсы шағым айтпаңдар. Міне, Соттаушы есіктің алдында тұр.