Елшілер 14:3 - Zhana Osiet

³ Солай болса да олар біраз уақытқа дейін сол жерде қалуға мүмкіндік алды. Олар батыл әрекет етіп, Иеміз жайында куәлік айтып, Оның сөзі мен рақымы туралы жариялаған кезде, Иеміз олардың қолдарына кереметтер мен ғажайыптар жасайтын мүмкіндік берді.

Киелі кітап

³ Дегенмен екі елші едәуір уақыт сол жерде болып, Иеміз туралы батыл сөйлеп жүрді. Ол елшілерге кереметтер жасайтын құдіретті күш беріп, Өзінің рақымдылығы туралы Ізгі хабарды растады.

Елшілер 14:3 Iomraidhean Croise

Марқа 16:20

Ал шәкірттері барлық жерлерге барып уағыз айтты. Иеміз оларды жетелеп, айтқан сөздерін ғажайыптар арқылы қолдап отырды.

Жохан 4:48

Сонда Иса оған: -Сендер арнайы бір белгілер мен кереметтерді көрмесеңдер, сенгілерің келмейді, - деді.

Елшілер 13:46

Сонда Пауыл мен Барнаба оларға батыл сөйлеп, былай деді: -Құдайдың сөзі, ең алдымен, сендерге айтылуы тиіс еді. Бірақ сендер оны қабылдамай, бас тарттыңдар, сөйтіп, сендер өз таңдауларың арқылы өздеріңнің мәңгілік өмірге лайықты емес екендеріңді білдірдіңдер, сондықтан енді біз назарымызды өзге ұлт өкілдеріне бұрамыз.

Елшілер 2:22

Исраилдің ер-азаматтары, назареттік Иса туралы айтатын сөзімді тыңдап алыңдар: сендердің орталарыңда болған Ол Өзінің кереметтері мен ғажайыптарын Құдайдың күшімен сендер үшін жасағанын және сол арқылы Оның Құдайдан келгенін көрсеткенін білесіңдер.

Елшілер 20:24

Бірақ мен өз өмірімді бағалы деп санамаймын, Ием Исадан қабылдап алған қызметімді аяғына дейін жеткізуге тырысып, барымды салып жүгірдім, осылай Құдайдың рақымының арқасында Ізгі хабарды уағыздап, жариялап, куәлікпен бөлістім.

Елшілер 20:32

Қазір осы сәттен бастап, Өзінің құдіретімен қалыптастырып тұрғызатын әрі Оған бағышталғандардың бәріне мұралық енші беретін және Өзінің сөзі бойынша әрекет ететін рақымды Құдайға мен сендерді тапсырамын.

Елшілер 4:31

Олар осылай мінәжат еткен кезде, олар жиналып отырған жер қозғалып кетті, сол кезде олардың бәрі Киелі Рухқа кенелді, сонда олар Құдайдың сөзін аса бір батылдықпен айта бастады.

Елшілер 5:32

Бұл айтылған сөзге мына біз және Өзіне мойынсынғандарға берген Құдайдың Киелі Рухы куә, -деді.

Римдіктерге 1:16

Алайда мен Ізгі хабардан еш ұялмаймын, өйткені онда әрбір сенушіні, ең алдымен, яһудейді, содан кейін гректі де құтқарып алатын Құдайдың құдіретті күші жатыр.

Салониқал. 1-хат 2:2

соның алдында біздің Філіпі қаласында азап шегіп, зәбір көргенімізді де өздерің білесіңдер, алайда біз Құдайдың ізгі хабарын өздеріңе ашық айтып, жеткізу үшін де көп күрестік.

Еврейлерге 2:4

Құдайдың көрсеткен белгілері мен кереметтері және Оның күшінің алуан түрлі құдіреті, Құдайдың еркі бойынша Киелі Рухтың әркімге бөліп берген сыйы соның дәлелі болып тұр.