Елшілер 13:10 - Zhana Osiet

¹⁰ -Ей, барлық қулық-сұмдықтың иесі, алаяқ, бүкіл әділдіктің жауы атанған сайтанның баласы! Сен Құдайдың тура жолынан адастыруды неге қоймайсың?

Киелі кітап

¹⁰ «Ей, әзәзіл шайтанның баласы, барлық әділдіктің жауы! Сенің ішің әр түрлі өтірік пен зұлымдыққа толы. Жаратқан Иенің тура жолын теріске шығаруды қоясың ба, жоқ па?

Елшілер 13:10 Iomraidhean Croise

Матай 13:38

Егістік -осы әлем, жақсы тұқым -Патшалықтың балалары, арам шөптер - зұлымдықтың жетегіндегілер.

Матай 15:19

Өйткені зұлым ойлар, кісі өлтіру, неке адалдығын бұзу, жыныстық азғындыққа салыну, ұрлық жасау, жалған куәлік беру, жала жабу-бәрі жүректен шығады.

Матай 23:13

Таурат заңын зерттеушілер мен екіжүзді фарисейлер, қасіретке қаласыңдар, себебі сендер адамдардың алдынан Көктегі Патшалыққа кіретін жолды жауып тастайсыңдар, Оған не өздерің кірмейсіңдер, кіргісі келгендерді де жібермейсіңдер.

Матай 3:7

Жақия батырып суға шомылдырудан өтуге келген көптеген фарисейлер мен садукейлерді көріп, оларға:-Улы жыланның тұқымдары, төгілуге дайын тұрған қаһардан құтылуды сендерге кім үйретті?

Лұқа 11:39

Сол кезде Иса оған: -Фарисейлер, қазір сендер тостағанның немесе тек ыдыстың сыртын ғана таза ұстағыларың келеді, алайда іштерің қарақшылық пен зұлымдыққа толып тұр.

Лұқа 11:52

-Заңды ұстанып, соны оқытып жүргендер, сендер қасіретке қалдыңдар, өйткені сендер білімнің кілтін алсаңдар да, оған не өздерің кірмедіңдер, кіргісі келетіндерге кедергі қойдыңдар, -деп заңшылдардың істеген істерінің жағымсыз жақтарын айтты.

Жохан 1:23

Жақия оларға: -Мен шөл даладағы: «Иеміздің жолын түзетіңдер!» -деп Ишая пайғамбардың айтуы бойынша жар салып жүрген дауыспын, - деді.

Жохан 8:44

Сендердің әкелерің -сайтан. Міне, сондықтан сендер сол әкелеріңнің қалауын орындағыларың келеді. Ал ол болса, әуел бастан адам өлтіруші болған әрі шындыққа да тұрақты емес, өйткені онда шындық деген жоқ. Ол айтатын өтіріктерін әрқашан өзіне лайықты етіп жеткізеді, сондықтан ол-нағыз өтірікші және өтіріктің әкесі.

Елшілер 20:30

Әуелі, орталарыңнан өздерімен бірге шәкірттерді бөліп алып кету үшін, шындықты бұрмалап сөйлейтін ер адамдар шығады.

Қорынттықтарға 2 11:3

Алайда мен Хауа ананы алдап, қулығын асырған жыланның сендердің Мәсіхке арналған шынайы әрі таза ой-саналарыңды да арбай ма деп қорқамын.

Ғалаттықтарға 1:7

Бірақ одан басқа ізгі хабар жоқ, себебі кейбіреулер Мәсіхтің ізгі хабарын бұрмалап оны теріске айналдырып, ал сендердің араларыңа іріткі салғысы келіп жүргендер де бар.

Ефестіктерге 4:14

Сонда біз толқындай тербеліп, кез-келген ілім соңынан ерген жас сәби сияқты болмаймыз және адамдарды алдайтын қулардың алдап-арбап, адастыратын жолына да түспейміз, олардың ықпалына да берілмейтін боламыз.

Петір 2 2:15

Өйткені олар тура жолды тастап, адасып, әділетсіздіктің ақысын жақсы көретін Босордың ұлы Балағамның жолын қуып кетті,

Жохан 1 3:8

Ал күнә жасайтын адам-ол әзәзілдің адамы, өйткені ең басында күнә жасаған әзәзіл болатын. Ал енді Құайдың Ұлы сол әзәзілдің ісін талқандау үшін келді.