Аян 8:3 - Zhana Osiet

³ Содан кейін тағы бір періште келді, хош иісті заттарды түтетуге арналған алтын ыдысымен құрбандық үстелінің жанына келді. Сол кезде оған түтеуге арналған өте көп хош иісті заттар берілді, ол сол хош иісті заттарды алып, барлық киелілердің өтініші мен мінәжаттарына қосып, оларды тақтың алдында орналасқан құрбандық үстелінің үстіне қойды.

Киелі кітап

³ Қолында хош иісті заттарды түтетуге арналған алтын табасы бар өзге бір періште келіп, түтету үстелінің жанына тұрды. Оған молынан хош иісті заттар берілді. Ол соларды Құдайдың бүкіл халқының айтқан мінажаттарымен бірге тақтың алдындағы алтын жалатқан түтету үстеліне Тәңір Иеге бағыштап қоюға тиіс еді.

Аян 8:3 Iomraidhean Croise

Лұқа 1:10

Сонда жиналған халықтың саны да өте көп болды, олардың бәрі жұпар иісті зат түтету кезінде сыртта мінәжат етіп тұрды.

Римдіктерге 8:34

Сонда соттаушы кім? Мәсіх Иса өлген соң, Ол таңғажайып жолмен өлімнен қайта тірілді. Ол Құдайдың оң жағына барып отырды, Ол сол жерде отырып, біз үшін Құдайдан өтінеді.

Еврейлерге 7:25

Ол сол жерде тұрып-ақ Өзі арқылы Құдайға жақындағандарың бәрін толығымен құтқарып алады, себебі Ол -оларға арашашы бола алатын мәңгі тірі бірінші Бас қызметкер.

Еврейлерге 9:4

оның ішінде сырты алтынмен қапталған түтікше болды, оны хош иіс түтету үшін қолданатын және сырты түгел алтынмен қапталған келісім сандығы, одан кейін ішінде манна салынған алтын құмыра, сонымен қатар, Аронның бүршік жарған асатаяғы әрі алғашқы келісімнің тас тақтайшалары тұрды.

Аян 10:1

Одан кейін мен өте бір мықты періштенің көктен түсіп келе жатқанын көрдім. Ол бұлтқа оранып алған және оның басының үстіңгі жағында кемпірқосақ жарқырап тұрды. Оның жүзі күндей жарқырап, аяқтары отты бағаналар сияқты еді.

Аян 14:18

Дәл осы кезде құрбандық үстелі тұрған жерден тағы бір періште шықты, бұл періштеге оттың үстінен қарайтын билік берілген еді. Сол періште қолында өткір жүзді орағы бар періштеге дауыстап: -Орағыңды ал да, жерде өсіп тұрған жүзім бұталарының сабақтарын орып ал, себебі жүзімдердің жемісі пісіп, оруға дайын тұр, - деді.

Аян 5:8

Тоқты кітапты қолына алған кезде, сол жердегі төрт жануар да, жиырма төрт ақсақал да Тоқтыға тағзым етіп, алдына жығыла кетті. Олардың әрқайсысының қолында кифара атты ішекті аспап пен хош иісті тартуларға толы алтын, яғни, киелілердің мінәжатын білдіретін тостаған болды.

Аян 6:9

Тоқты бесінші мөрді ашқан кезде, мен құрбандық үстелінің аяқ жағынан Құдайдың сөзі үшін және өз өміріндегі куәліктері үшін құрбан болған адамдардың жанын көрдім.

Аян 7:2

Содан кейін мен күннің шығыс жағынан өзіне мәңгі тірі Құдайдың мөрі басылған бір періштенің шығып келе жатқанын көрдім. Ол жер мен теңізге зиянын тигізуге билік берілген төрт періштеге бар даусымен былай деп айғай салды:

Аян 8:4

Сонда періштенің қолымен түтетілген хош иісті заттардың түтіні киелілердің өтініш мінәжаттарымен бірге әуе кеңістігіне жайылып, Құдайдың алдына жетті.

Аян 8:5

Сол кезде періште хош иісті зат түтететін ыдысты алып, оны құрбандық үстелінде жанып жатқан оттың шоғымен толтырып, жерге лақтырып жіберді. Сол сәтте күн күркіреп, айғайлаған дауыстар шығып, найзағай жарқылдап, жер сілкінді.

Аян 9:13

Алтыншы періште кернейін тартқан кезде, мен Құдайдың алдында орналасқан алтыннан жасалған құрбандық үстелінің төрт бұрышында тұрған төрт мүйіздің біреуінің сөйлеген даусын естідім.