Аян 5:8 - Zhana Osiet

⁸ Тоқты кітапты қолына алған кезде, сол жердегі төрт жануар да, жиырма төрт ақсақал да Тоқтыға тағзым етіп, алдына жығыла кетті. Олардың әрқайсысының қолында кифара атты ішекті аспап пен хош иісті тартуларға толы алтын, яғни, киелілердің мінәжатын білдіретін тостаған болды.

Киелі кітап

⁸ Тоқты соны қолға алған кезде төрт нөкер мен жиырма төрт ақсақал Тоқтының алдына бас ұра жығылды. Әрқайсысының қолында домбыраға ұқсас алтын аспап және түтетілетін хош иісті заттарға толы алтын табалар болды. Осы хош иісті заттар Құдай халқының айтқан мінажаттарын білдіреді.

Аян 5:8 Iomraidhean Croise

Аян 4:10

жиырма төрт ақсақал тақта Отырғанның алдына тізерлеп жығылып, ғасырдан ғасырға, мәңгі өмір Сүретінге тағзым етіп, тәждерін тақта Отырғанның алдына тастап:

Аян 5:14

Сол кезде төрт жануар: «Аумин!» -деді. Ақсақалдар тақта Отырғанның алдына етпетінен жығылып, Оған тағзым етті.

Аян 4:4

Тақтың айналасында тағы да жиырма төрт тақ тұр, сол тақтарда аппақ киім мен бастарына алтыннан тәж киген жиырма төрт ақсақал отырды.

Аян 19:4

Сол кезде жиырма төрт ақсақал мен төрт хайуан тақта отырған Құдайға бастарын иіп, тағзым етіп: -Аумин! Аллилуия! - деді.

Аян 5:6

Сонда мен тақты қоршаған төрт жануар мен ақсақалдардың ортасында тұрған, кезінде құрбандыққа сойылған Тоқтыны көрдім. Тоқтының жеті мүйізі мен жеті көзі болды, бұлар Құдайдың бүкіл жер бетіне жіберген жеті Рухын білдіреді.

Аян 4:8

Бір-біріне қарама-қарсы тұрған төрт жануардың әрқайсысында алты қанаттан болды, қанаттарының айналасында, ішкі жағында да көптеген көздер орналасыпты. Олар күні-түні: -Ол киелі, Ол киелі, Бәрін билеуші Құдай, Жаратқан Ие киелі, Ол әуел баста бар болатын, Ол қазір де бар, Ол болашақта да болады, Ол келеді! - деп тынбай сөйлеп тұрды.

Аян 15:7

Сол кезде төрт жануардың біреуі мәңгі тірі Құдайдың қаһарына толы жеті алтын тостағанды жеті періштеге әкеліп берді.

Аян 15:2

Мен отпен араласқан әйнекке ұқсас бір теңізді көрдім. Сол әйнекке ұқсас теңіздің үстінде *хайуанды да, оның мүсінін де жеңіп, оның билігін де тартып алған және оның атына байланысты санның үстіне аяғын салып, табанының астына басып тұрған адамдарды көрдім, олардың қолдарында Құдайдың берген кифар атты ішекті аспаптары болды.

Жохан 5:23

Мұндағы мақсат: Әке қалай құрметтелсе, Ұлы да солай құрметтелуі тиіс. Сонымен, егер Ұл құрметке бөленбесе, онда Оны жіберген Әкенің де құметтелмегені.

Еврейлерге 1:6

Құдай Өзінің Тұңғышын осы әлемге жіберер кезде: «Құдайдың барлық періштелері басын иіп, Оның алдында тағзым етсін», - деген болатын.

Жохан 1:29

Келесі күні Жақия өзіне қарай келе жатқан Исаны көріп: -Міне, Мынау осы әлемдегі күнәні Өз мойнына алатын, Құдайдың құрбандық Тоқтысы!

Аян 4:6

Сонымен қатар, тақтың алдында кристалл секілді әйнектей жалтыраған теңіз орналасыпты. Ал дәл ортада, тақтың айналасында, алдында да, артында да көптеген көздері бар төрт жануар тұрды.

Аян 5:11

Содан кейін қарағанымда жануарлар мен ақсақалдарды, тақтың жан-жағын қоршап тұрған періштелердің орасан зор дауыстарын естідім, олардың саны мың-мыңдаған, тіпті, бірнеше он мыңнан еді.

Аян 5:12

Олар қатты дауыстап: -Күш пен байлықты, даналық пен құдіретті, құрмет пен даңқты және мадақты тек құрбандық болған Тоқты ғана қабылдауға лайықты! -деп жариялаумен болды.

Аян 6:1

Осыдан кейін мен Тоқтының жеті мөрдің біреуін *сындырып, ашып жатқанын көрдім, сол кезде төрт жануардың бірінің қатты дауыстап: -Бері кел! -дегенін естідім.

Аян 13:8

Сонымен, оған жер бетіндегі тұрғындардың бәрі құлшылық ете бастады, осы әлем жаратылғаннан бері кімнің есімі Тоқтының Өмір кітабына жазылған болса, солардан басқаның бәрі әлгі хайуанға тағзым етіп, соған табынады.