Аян 4:4 - Zhana Osiet

⁴ Тақтың айналасында тағы да жиырма төрт тақ тұр, сол тақтарда аппақ киім мен бастарына алтыннан тәж киген жиырма төрт ақсақал отырды.

Киелі кітап

⁴ Тақты айналдыра жиырма төрт тақ тұр екен. Олардың үстінде ақ киімді, алтын тәж киген жиырма төрт ақсақал отырды.

Аян 4:4 Iomraidhean Croise

Матай 19:28

Бұған Иса былай деп жауап берді: -Сендерге шындықты айтамын: Менің соңымнан еріп жүрген сендер жаңа дәуір туып, Адамның Ұлы Өз даңқына сай тағына отырған кезде, сендер де он екі тақта отырып, Исраилдің он екі руына сот жүргізетін боласыңдар.

Лұқа 22:30

себебі сендер Менің Патшалығымның дастарқанынан ішіп-жеп әрі тақта отырып, Исраилдің он екі руын соттайтын боласыңдар.

Тимотейге 2 4:8

Енді маған тек әділдерге берілетін сәтке дейін сақтап қойған тәжді алу ғана қалды, ал Ием оны маған сол күні береді. Ол әділ төреші, сондықтан Ол оны тек маған ғана емес, Оның келуін қалап, соны аңсап жүргендердің бәріне береді.

Аян 11:16

Сонда тақта отырған жиырма төрт ақсақал бастарын төмен иіп, Құдайдың тағының алдына жығылып, тағзым етіп,

Аян 14:3

Олар тақтың алдында тұрған төрт хайуанмен және ақсақалдармен бірге жаңадан шыққан бір әнді айта бастады. Алайда бұл әнді күнәларының құны өтеліп, осы әлемнен сатып алынған жүз қырық төрт мың адамнан басқа ешкім жаттай алмады.

Аян 19:14

Оның соңынан ақ боз атқа мініп, тап-таза, аппақ бәтестен киім киген салт атты көктің әскерлері еріп жүрді.

Аян 19:4

Сол кезде жиырма төрт ақсақал мен төрт хайуан тақта отырған Құдайға бастарын иіп, тағзым етіп: -Аумин! Аллилуия! - деді.

Аян 2:10

Алдағы уақыттарда басыңа түсетін азаптардың ешқайсысынан қорықпа. Жақында сайтан сендерді сынау үшін, араларыңдағы кейбіреулерді абақтыға қаматады, ол жерде он күн азап шегесіңдер. Бірақ өлімге дейін адал бол, сонда Мен саған өмірдің тәжін беремін.

Аян 20:4

Осы сәттен кейін мен сот жүргізетін тақтарды көрдім, сол тақтарда сот үкімін жүргізетіндер және Иса туралы куәлік айтып, Құдайдың сөзі үшін бастары шабылған, хайуан мен оның мүсініне табынбай, маңдайлары мен қолдарына оның таңбасын салғызбағандардың* жандары отырды. Олар қайта тірілді, енді олар Мәсіхпен бірге мың жыл патшалық құрады.

Аян 3:18

Егер де сенің байығың келсе, онда Менен оттан балқып шыққан алтынды, сенің расымен де жалаңаш екеніңді көрсетпейтін әрі өзіңді ұятқа қалдырмайтын аппақ киімді және көзің көру үшін, көзге жағатын май сатып алуға Мен кеңес беремін.

Аян 4:10

жиырма төрт ақсақал тақта Отырғанның алдына тізерлеп жығылып, ғасырдан ғасырға, мәңгі өмір Сүретінге тағзым етіп, тәждерін тақта Отырғанның алдына тастап:

Аян 4:6

Сонымен қатар, тақтың алдында кристалл секілді әйнектей жалтыраған теңіз орналасыпты. Ал дәл ортада, тақтың айналасында, алдында да, артында да көптеген көздері бар төрт жануар тұрды.

Аян 5:11

Содан кейін қарағанымда жануарлар мен ақсақалдарды, тақтың жан-жағын қоршап тұрған періштелердің орасан зор дауыстарын естідім, олардың саны мың-мыңдаған, тіпті, бірнеше он мыңнан еді.

Аян 5:14

Сол кезде төрт жануар: «Аумин!» -деді. Ақсақалдар тақта Отырғанның алдына етпетінен жығылып, Оған тағзым етті.

Аян 5:6

Сонда мен тақты қоршаған төрт жануар мен ақсақалдардың ортасында тұрған, кезінде құрбандыққа сойылған Тоқтыны көрдім. Тоқтының жеті мүйізі мен жеті көзі болды, бұлар Құдайдың бүкіл жер бетіне жіберген жеті Рухын білдіреді.

Аян 5:8

Тоқты кітапты қолына алған кезде, сол жердегі төрт жануар да, жиырма төрт ақсақал да Тоқтыға тағзым етіп, алдына жығыла кетті. Олардың әрқайсысының қолында кифара атты ішекті аспап пен хош иісті тартуларға толы алтын, яғни, киелілердің мінәжатын білдіретін тостаған болды.

Аян 6:11

Сол сәтте олардың әрқайсысына аппақ киім берілді, содан кейін өздерінің бауырластары және бірге қызмет еткен серіктестері де олар секілді өлімге дайын болып, олардың ортасын толтырғанша, әлі де біраз уақыт күту қажет екені айтылды.

Аян 7:11

Сол кезде тақтың жан -жағында тұрған періштелер де, ақсақалдар да, төрт жануар да, жүздерін төмен салып, тақтың алдында жығылып, Құдайға табынды:

Аян 7:9

Бұдан кейін мен санаса сан жетпейтін көптеген халықтың тұрғанын көрдім. Олар әр түрлі ұлттан, рулар мен халықтардан, түрлі тілдерден шыққандар еді. Олар аппақ киім киіп, тақта Отырғанның және Тоқтының алдында тұрды, олардың қолдарында пальма ағашының бұтақтары болды.

Аян 9:7

Шегірткелер ұрысқа дайын тұрған аттардың бейнесіне ұқсас болды. Олардың бастарында алтын сияқты сары түсті, жылтыр тәж болды, ал бет-әлпеті адамдардікіне ұқсас еді.