Аян 3:8 - Zhana Osiet

⁸ Мен сенің істеріңді білемін, байқаған шығарсың. Мен сенің алдыңнан есікті ашып қойдым, енді ешкім де оны жаба алмайды. Сенің күшің өте аз, алайда Менің сөзімді жоғалтпай, сақтап жүрсің әрі сен Менің атымнан бас тартпадың.

Киелі кітап

⁸ Сенің істеріңді білемін. Міне, Мен алдыңнан есікті ашып қойдым, ешкім де оны жаба алмайды. Өзіңдегі күш азырақ болғанымен, сен айтқандарымды сақтап, Менен танбадың.

Аян 3:8 Iomraidhean Croise

Лұқа 12:9

Егер де біреу адамдардың алдында Менен бас тартатын болса, Құдайдың періштелерінің алдында одан да бас тартылатын болады.

Жохан 15:20

«Құл өз қожайынынан жоғары болмайды», -деп Менің бір кезде айтқан сөзім естеріңде болсын. Егер де Мені қудаласа, олар сендерді де қудалайтын болады. Егер де олар Менің сөзімді ұстанса, онда олар сендердікін де ұстанатын болады.

Жохан 17:6

Мен Сенің атыңды Өзің Маған осы әлемнен дайындап берген адамдарыңа ашып бердім. Олар Сенікі болған, Сен оларды Маған бердің, олар енді Сенің сөзіңді сақтап, орындап жүр.

Елшілер 14:27

Сонда келген соң, қауымды жинап алып, Құдайдың олар арқылы қалай жұмыс істегенін және Құдайдың өзге ұлт өкілдеріне сенімнің есігін қалай ашқанын айтып берді.

Қорынттықтарға 1 16:9

себебі қарсыластардың көптігіне қарамастан, қызмет етуге сол жақта маған есік кеңінен ашылып, қолдау көрсетіліп тұр.

Қорынттықтарға 2 2:12

Мен Мәсіхті уағыздау үшін Троадаға келген кезде, Иеміздің маған есіктерді айқара ашып қойғанын байқадым.

Філіпіліктерге 4:13

Мен осының бәрін тек маған күш беретін Мәсіхте болсам ғана істей аламын.

Қолостықтарға 4:3

Құдай бізге де Оның сөзін, яғни Мәсіхтің құпиясын ашып беретін сөзді жариялай берейік, міне мен сол үшін бұғауда отырмын, сондықтан бірігіп біз үшін де мінәжат етіңдер,

Тимотейге 1 5:8

Егер де кім де кім өзінің жақындарымен, әсіресе өзінің үйіндегілеріне қамқор көрсете алмайтын болса, онда ол сенімнен бас тартты деген сөз, оның бұл іс-әрекеті Құдайға сенбейтін адамнан да жаман.

Тимотейге 2 4:7

Мен жақсы күрестім, бар күшімді соған жұмсап, жарыстың аяғына дейін жүгіріп, мәреге жетіп сенімді сақтап қалдым.

Яһуданың хаты 1:4

Өйткені біздің ортамызға жазбада жазылғандай, Құдайдың сотына лайықты кейбір адамдар кіріп алыпты. Бұлар -Құдайсыз жолмен жүрген адамдар, сондықтан олар өздерінің азғындыққа берілгендіктерін ақтау үшін, олар Құдайдың бізге берген рахымын да, біздің Жартушымыз әрі біздің Иеміз Иса Мәсіхті де мойындамай, Оны жоққа шығарып жүр.

Аян 2:13

Мен сенің қандай жерде тұрып жатқаныңды білемін. Сен сайтанның тағы орналасқан жерде тұрып жатсаң да, Менің атымды берік ұстанып келесің. Менің сенімді куәгерім Антипа сол жерде өлтірілсе де, сен Маған деген сеніміңнен бас тартпадың, ол сол қалада өлтірілді, ол жер сайтанның мекеніне айналды.

Аян 2:2

Мен сенің жасаған істеріңді де, атқарған еңбегіңді де, көрсеткен табандылығыңды да білемін. Сенің зұлымдық жасайтындардың әрекеттерін көтере алмайтыныңды да білемін. Сен өздерін Мәсіхтің елшілеріміз дегендерді сынап, тексердің, шындап келгенде, оларды өтірікші деп таптың.

Аян 22:7

-Міне, Мен жуық арада келемін! Осы кітапқа жазылған пайғамбарлық сөзді сақтап, оны орындайтын адам бақытты! -дейді Жаратақан Ие.

Аян 3:1

Сардтағы қауымның періштесіне былай деп жаз: «Құдайдың жеті Рухы мен жеті жұлдыздың Иесі былай дейді: Сенің істеріңді білемін. Сенің, әйтеуір, тірі жүр деген атың болғанмен, бірақ өлісің.

Аян 3:10

Себебі сен төзімділік танытып, Менің сөздерімді сақтап, берік ұстандың. Жер бетіндегі күллі адамзатты сынау үшін, болашақта бүкіл әлем халықтарының бастарына түсетін сын сағатта Мен де сені сақтап қаламын.

Аян 3:15

Мен сенің істеріңді білемін, алайда сен ыстық та емессің, суық та емессің. Не ыстық, не суық болсаң ғой, шіркін!

Аян 3:7

Филадельфиядағы қауымның періштесіне былай деп жаз: «Киелі әрі Шындықтың Иесі былай дейді: Менің қолымда Дуәіттің кілті бар. Сол кілт ашқанды ешкім де жаба алмайды, ал жапқанды ешкім де аша алмайды.