Аян 2:3 - Zhana Osiet

³ Сонымен қатар, сенде төзімділік те бар, өйткені сен Менің атыма бола талмай еңбек етіп, көп жағдайларды басыңнан өткіздің.

Киелі кітап

³ Менің атыма бола (еңбектеніп) көп ауыртпалықты басыңнан өткізгенде шыдамдылық көрсетіп, қажымадың.

Аян 2:3 Iomraidhean Croise

Марқа 15:21

Жол-жөнекей ауылдан келген, өзі киренейлік, Ескендір мен Руттың әкесі Шимон есімді біреуді ұстап алып, оны Исаның айқыш ағашын алып жүруге мәжбүрледі.

Лұқа 14:27

Кім өз айқышын көтеріп, Менің соңымнан еріп жүрмейтін болса, сол Менің шәкіртім бола алмайды.

Лұқа 18:1

Содан кейін Иса қандай жағдай болса да, әрдайым мінәжат етіп, жабығудан аулақ болуды білдіретін мына бір астарлы әңгімені шәкірттеріне айтып берді.

Лұқа 21:19

Тек табанды болсаңдар ғана өз өмірлеріңе өздерің ие боласыңдар.

Лұқа 5:5

Сонда Шимон: -Тәлімгер, біз түні бойы еңбек етсек те, ештеңе аулай алмадық, егер Сен солай десең, ауларды салайын, - деді.

Лұқа 8:15

Ал құнарлы жерге түскен дәндер естіген жақсы сөзді мейірімді, адал жүрегіне сақтап қойғандықтан, мол жеміс әкеледі.

Жохан 15:21

Алайда осының бәрін олар сендерге тек Менің атыма бола істейді, себебі олар Мені жібергенді білмейді. Алайда сендерге (қарсыластарың) осының бәрін тек Менің атыма бола істейді, себебі олар Мені Жібергенді білмейді.

Римдіктерге 12:12

Үміттене қуаныңдар, азаптарға төзімді, мінәжаттарың тұрақты болсын.

Римдіктерге 16:12

Иемізге талмай еңбек етіп жатқан Трифен мен Трифосқа сәлем айтыңдар.

Римдіктерге 2:7

Сонымен, егер де кімде-кім игі іс істеп, төзімділік көрсетіп, Оның мәңгілік даңқы мен абыройын іздейтін болса, Ол соған мәңгілік өмір береді,

Римдіктерге 8:25

Біз көрінбейтін нәрсеге үміт артамыз, сондықтан оны шыдамдылықпен күтеміз.

Қорынттықтарға 1 13:7

Барлығын бүркемелеп, жауып тұрады, бәріне сенеді, бәріне үміттенеді, бәріне шыдайды.

Қорынттықтарға 1 16:16

Сондықтан өздеріңмен бірге осылай қол ұстасып, қажырлы еңбек етіп жүрген сондай адамдарға мойынсұныңдар.

Қорынттықтарға 2 10:15

Сонымен қатар, біз басқалардың өз өлшемдерімен жасап жатқан істерін де мақтай алмаймыз. Сендердің өсіп келе жатқан сенімдеріңе қарап, Құдайдың осы берген өлшемінің ауқымы бұдан да кеңейіп, біздікінен де асып түседі деп үміттенеміз.

Қорынттықтарға 2 11:23

Олар Мәсіхтің қызметкерлері болса, ақымақ сияқты айтсам, сол қызметті мен де атқарып келемін және олардан да артық еңбек еттім! Сол үшін бірнеше рет абақтыға түстім, жиі таяқ жедім, өліммен бетпе-бет келген кездерім болды.

Қорынттықтарға 2 4:1

Міне, сол үшін де бұл қызмет бізге берілді және бұл Оның мейіріміне сай болды, сондықтан біз жабырқап, жасымаймыз.

Қорынттықтарға 2 4:16

Сол үшін біз жабырқамаймыз, өйткені біздің физикалық денеміз тозғанмен, ішкі жан дүниеміз күннен-күнге жаңара түсуде,

Қорынттықтарға 2 5:9

Біз, мейлі, денеде немесе одан тыс болайық, біздің мақсатымыз-қалай да Оған ұнамды болуға тырысып, Иеміз бізден нені қаласа, соны орындау.

Қорынттықтарға 2 6:5

соққыға да жығылдық, түрмеге де қамалдық, аласұрған топқа да тап болдық, ауыр еңбек еттік, ұйқы көрмеген сәттер, көз ілместен ораза ұстаған кездер де болды,

Ғалаттықтарға 6:2

Өзара бір-біріңе қамқор болып, біріңнің ауыртпашылығыңды бірің көтеріңдер, сонда Мәсіхтің өсиетін орындайтын боласыңдар.

Ғалаттықтарға 6:9

Сондықтан өзімізді-өзіміз жасытып, қайғыға берілмейік, тек жақсылық жасай берейік, өйткені өзімізге қажет нәрсені уақыт келген кезде орып аламыз, тек әлсіздікке берілмесек болды.

Філіпіліктерге 2:16

оларға өмір сөзін ұсыныңдар. Қандай кез болса да осылай істеңдер, сонда мен Мәсіх келген күні Одан мақтау алатын боламын, өйткені бұл менің тектен-текке жүгірмегенімді, әрі еңбегімнің бостан-босқа кетпегенінің дәлелі болмақ.

Філіпіліктерге 4:3

Менің адал да сенімді көмекшім, «сол екеуіне көмектесе гөр» деп сенен өтінемін, өйткені олар менімен де Кілеметпен де және басқа да, сол өңірде қалып қойған менің әріптестеріммен бірге ізгі хабар үшін күресуін әлі де тоқтатқан жоқ, ал олардың аттары өмір кітабында жазулы тұр.

Қолостықтарға 1:11

сөйтіп, Оның даңқына сай құдіретті күшінен қуат алып, күшейіп, осылай әр кезде де табанды әрі төзімді болса екен,

Салониқал. 1-хат 1:3

сеніммен істеп жүрген істеріңмен, әрі сүйіспеншіліке толы еңбектеріңді және біздің Иеміз Иса Мәсіхке артқан төзімділікке толы үміттеріңді, Құдай Әкеміздің алдында еске түсіріп отырамыз.

Салониқал. 1-хат 2:9

Бауырластар, біздің қажырлы еңбек еткеніміз естеріңде шығар, біз сендердің әр қайсыларыңа ауыртпалық түсірмеу үшін күн демей, түн демей жұмыс істеп жүріп, сендерге Құдайдың ізгі хабарын уағыздаумен болдық.

Салониқал. 1-хат 5:12

Бауырластар, біз сендерден мынаны өтініп сұраймыз: өздеріңмен бірге еңбектеніп, сендерді Иеміздің жолымен жүруге жетелеп, өздеріңді соған үйретіп жүргендерді жақыннан танып білуге тырысып,

Салониқал. 2-хат 3:13

Ал енді, бауырластар, өздеріңе келсек, сендер жақсылық жасаған сәтте жабырқап, еңселеріңді түсірмеңдер.

Салониқал. 2-хат 3:5

Ал Иеміз сендердің жүректеріңді Құдайдың сүйіспеншілігі мен Мәсіхтің бойында болған табандылыққа жетелесін.

Салониқал. 2-хат 3:8

әрі біреудің нанын тегін жеген жоқпыз, керісінше біз сендердің ешқайсыңа ауыртпалық түсірмеу үшін күнітүні қажырлы еңбек еттік.

Тимотейге 1 4:10

міне, біз осы үшін еңбектеніп, осы үшін күресіп жүрміз, себебі біз үмітімізді тірі Құдайға артып отырмыз, сондықтан Оған сеніп, Оның өзіне адал болған адамдардың бәрін Ол құтқарып алады.

Тимотейге 1 5:17

Жетешілікті жақсы атқарып жүрген қызметкерлерге құрмет екі есе көрсетілетін болсын, әсіресе сөз айтумен айналысып, еңбектеніп, әрі тәлім беріп жүргендер соған лайықты.

Еврейлерге 10:36

Құдайдың еркін бұлжытпай орындап, өздеріңе берілген уәдеге ие болу үшін, шыдамды болыңдар.

Еврейлерге 12:1

Сонымен, осындай куәгерлердің бізді жан-жақтан қаумалап, қалың ормандай қоршап тұрғанын байқадық, сондықтан әрқайсысымызды оп-оңай шырмап алатын, алға қарай жүгіруге кедергі жасайтын күнәдан бас тартып, алдымызда тұрған мақсатқа жету үшін, шыдамдылық танытайық.

Еврейлерге 13:13

Сондықтан біз де қостың сыртына шығып, Оның қасына барып, Оның көрген қорлығын бірге көтерейік.

Еврейлерге 6:10

Құдайда ешқандай әділетсіздік жоқ, сондықтан Ол сендердің атқарып жүрген істеріңді, Оның атынан басқаларға көрсетіп жүрген сүйіспеншіліктеріңді, киелі халқына қамқорлық жасаған қызметтеріңді Ол ешқашан ұмытпайды.

Еврейлерге 6:12

Сол үшін де жалқаулыққа берілмей, сенім арқылы төзімділікке ие болғандарға еліктеп, өздеріңе берілген уәдеге мұрагер болуға тырысыңдар.

Еврейлерге 6:15

Ыбырайым шыдамдылықпен, күдерін үзбей, сол уәдені күтті, ақырында сол уәдеге қол жеткізді.

Петір 2 1:6

ал білімде ұстамдылықты, ал ұстамдылықта төзімділікті, ал төзімділікте ізгі қасиеттілікті,

Аян 1:9

Мен, Жохан -сендердің бауырластарың, сендерге сенімді серіктес бола жүріп, Құдайдың Патшалығы мен Иса үшін тартқан азапқа төзе білдім, сөйтіп, Құдайдың сөзі үшін, Иса туралы айтқан куәліктерім үшін, Патмос аралына жер аударылдым.

Аян 3:10

Себебі сен төзімділік танытып, Менің сөздерімді сақтап, берік ұстандың. Жер бетіндегі күллі адамзатты сынау үшін, болашақта бүкіл әлем халықтарының бастарына түсетін сын сағатта Мен де сені сақтап қаламын.