Аян 2:10 - Zhana Osiet

¹⁰ Алдағы уақыттарда басыңа түсетін азаптардың ешқайсысынан қорықпа. Жақында сайтан сендерді сынау үшін, араларыңдағы кейбіреулерді абақтыға қаматады, ол жерде он күн азап шегесіңдер. Бірақ өлімге дейін адал бол, сонда Мен саған өмірдің тәжін беремін.

Киелі кітап

¹⁰ Болашақта басыңнан кешетіндеріңнен қорықпа! Рас, шайтан кейбіреулеріңді түрмеге салып, сынамақ, ал көретін азаптарың он күнге ғана созылады. Өлімге дейін Маған адал бол, сонда саған «мәңгілік өмір тәжін» сыйлаймын.

Аян 2:10 Iomraidhean Croise

Матай 10:22

Сөйтіп, сендер Менің атыма бола жек көрінішті боласыңдар. Тек соңына дейін шыдағандар ғана құтқарылатын болады.

Матай 10:28

Тәнді өлтіріп, жанды өлтіре алмайтыннан қорықпаңдар. Одан да жанды да, тәнді де тозақ отында құрта алатын Ұлы күштен қорқыңдар.

Матай 24:13

ал соңына дейін шыдаған құтқарылады.

Марқа 13:13

Осылайша, Менің атыма бола, барлығына жеккөрінішті боласыңдар. Ал осының соңына дейін кім шыдаса, тек сол ғана құтқарылатын болады.

Марқа 8:35

Себебі кім өз өмірін сақтап қалғысы келсе, ол оны жоғалтады, егер де кім өз өмірін Мен үшін және Ізгі хабар үшін қиятын болса, онда ол оны сақтап қалады.

Лұқа 21:12

Осы нәрселер болардың алдында қысым көрсетіп, сендерді қудалайтын болады. Сендерді синагогаларға апарып, абақтыға жаптырып, Менің атыма бола патшалар мен жергілікті билік иелерінің алдына апаратын болады.

Жохан 12:25

Кім осы әлемде жүріп, өз жанын жақсы көретін болса, оны жоғалтады, кім осы әлемде жүріп, өз жанын жеккөрсе, оны ол мәңгілік өмір үшін сақтап қалады.

Жохан 13:2

Кешкі ас кезі еді, Шимон Исқариоттың ұлы Яһуданың жүрегіне Исаны ұстап беру туралы ойды сайтан әлдеқашан салып қойған болатын.

Жохан 13:27

Сол бір үзім нанмен бірге оның бойына сайтан кіріп алды. -Не істегің келіп еді, соны тезірек істе! -деді Иса Оған.

Елшілер 20:24

Бірақ мен өз өмірімді бағалы деп санамаймын, Ием Исадан қабылдап алған қызметімді аяғына дейін жеткізуге тырысып, барымды салып жүгірдім, осылай Құдайдың рақымының арқасында Ізгі хабарды уағыздап, жариялап, куәлікпен бөлістім.

Елшілер 21:13

Сондағы Пауыл бізге: -Сендер неге жылап, менің жүрегімді ауыртасыңдар? Мені байламақ тұрмақ, Ием Исаның аты үшін Иерусалимде өлуге де дайынмын, -деп жауап берді.

Қорынттықтарға 1 9:25

Әрбір қатысушы барлық жағынан ұстамды болуға тырысады, өйткені олардың алатын тәжі шіріп жоқ болатын (тез бұзылатын) гүл шоқтары, ал біздің алатын тәжіміз -ешқашан шіріп кетпейтін (бұзылмайтын) мәңгілік тәж.

Ефестіктерге 2:2

Сол кезде сендер де әуе кеңістігінде мекендеуші рухтардың, осы әлемді билеп-төстеуші (зұлым күштер) билеушілерінің, яки, күні бүгінге дейін Құдайға мойынсұнбай, Оған қарсы тұратындардың бойында әрекет ететін сайтанның бұйрығымен әрекет еттіңдер.

Ефестіктерге 6:12

Алайда біз қан мен тәннен тұратын адаммен күреспейміз, біз осы әлемді басқарып отырған қара түнектің басшылары мен билік иелеріне әрі аспан астындағы зұлым *рухтарға қарсы тұрып, солармен күресеміз.

Жақыптың хаты 1:12

Ал кім азғырылуға берілмей, соған қарсы тұрса, сол адам бақытты, өйткені ол сынақта төзімді болды, сондықтан ол Иеміздің Өзін сүйетіндерге уәде еткен өмір тәжін алады.

Петір 1 5:4

Себебі, Бас бағушының Өзі қайтып келген кезде даңқы ешқашан солмайтын тәж аласыңдар.

Петір 1 5:8

Сергек те, парасатты да, саулауатты болыңдар. Өйткені сендерге қарсы тұратын жау -сайтан, кейбіреулеріңді жұтып қою үшін арыстандай ақырып іздеп жүр.

Аян 13:14

Сөйтіп, ол алғашқы хайуанның алдында өзінің зор кереметтерін жасап, сол арқылы жердің барлық тұрғындарын алдап, оларды түгелдей жалған жолға түсіріп жібереді. Ол оларға семсердің жүзінен алған жарақатынан өліп, қайта тірілген хайуанның мүсінін жасауға бұйырып, оларды соған табынуға міжбүрледі.

Аян 13:2

Мен көрген хайуан қабыланға ұқсас болды, аяқтары аюдың аяқтарына, ал аузы арыстанның аузына ұқсас еді. Айдаһар әлгі хайуанға өзінің күші мен тағын ұсынып, оған үлкен билік берді.

Аян 13:7

Оған Құдайдың киелі халқына қарсы соғысып, оларды жеңетін мүмкіндік және әрбір тайпалар мен халықтардың, әр түрлі тілдер мен нәсілдердің үстінен қарайтын билік берілді.

Аян 17:14

Сонда олар Тоқтыға қарсы шығып, Онымен соғысады, ал Тоқты оларды жеңіп шығып, жеңіске жетеді, өйткені Ол-иелердің Иесі, патшалардың Патшасы, сондықтан шақырылғандар мен таңдалғандар, Оған адал болғандар Онымен бірге болады.

Аян 2:13

Мен сенің қандай жерде тұрып жатқаныңды білемін. Сен сайтанның тағы орналасқан жерде тұрып жатсаң да, Менің атымды берік ұстанып келесің. Менің сенімді куәгерім Антипа сол жерде өлтірілсе де, сен Маған деген сеніміңнен бас тартпадың, ол сол қалада өлтірілді, ол жер сайтанның мекеніне айналды.

Аян 2:9

Мен сенің тартқан азабың мен кедейшілігің жайында білемін, алайда сен кедей емессің, байсың! Сен өздерін яһудейміз дегендердің балағат сөздерін естідің, олар -сайтанның жиналатын ордасы, басқа ештеңе емес.