Аян 14:3 - Zhana Osiet

³ Олар тақтың алдында тұрған төрт хайуанмен және ақсақалдармен бірге жаңадан шыққан бір әнді айта бастады. Алайда бұл әнді күнәларының құны өтеліп, осы әлемнен сатып алынған жүз қырық төрт мың адамнан басқа ешкім жаттай алмады.

Киелі кітап

³ Тақ алдында және төрт нөкер мен ақсақалдардың алдында жаңа ән айтылды. Оны күнәларының құны өтеліп, күнәкар дүниеден азат етілген жүз қырық төрт мың адам ғана үйрене алды.

Аян 14:3 Iomraidhean Croise

Қорынттықтарға 1 1:18

Құрып кететіндер үшін айқыш туралы айтылатын сөздер ақымақтық болып саналса, ал құтқарылатын мына біздер үшін сол айқышта Құдайдың құдіретті күші жатыр.

Қорынттықтарға 1 2:14

Өзінің ішкі жан дүниесінен шығатын сезімге беріліп, соның жетегімен жүретін адам Құдайдың Рухынан келгенді қабылдай алмайды, өйткені ол мұны ақымақтық деп санайды, сондықтан ол Құдайды жақыннан танып -біле алмайды, мұны тек рухани тұрғыда ойлап, талқылау қажет.

Аян 14:1

Осыдан кейін мен Сион тауының үстінде тұрған Тоқтыны және Оның қасында маңдайларына Тоқтының есімі, Оның әкесінің есімі жазылып, Онымен бірге тұрған жүз қырық төрт мың адамды көрдім.

Аян 15:3

Олар Құдайдың құлы Мұса мен Тоқтының жырын былай деп әндетіп тұрды: -Уа, Жаратқан Ие, сенің істерің ұлы әрі керемет! Сенің жолдарың әділдік пен шындыққа толы, Сен-барлық халықтарға Патшасың!

Аян 2:17

Құлағы барлар, Рухтың қауымға айтқандарын тыңдап, естеріне сақтап алсын! Жеңімпазға Мен жасырын түрде манна беремін, сонымен қатар, Мен оған ақ тасты да беремін, сол ақ тасқа ешкім білмейтін жаңа есім жазылмақ, ол есімді сол ақ тасты қабылдап алған ғана білетін болады!».

Аян 5:9

Осыдан кейін олар мынадай бір жаңа әнді айта бастады: -Кітапты алуға да, ондағы мөрді бұзуға да тек Сен лайықтысың! Өйткені Сен құрбандық Тоқты ретінде сойылып, әрбір ру мен әрбір тілді, әрбір халық пен әрбір ұлтты Құдайға арнау үшін, қаныңмен олардың құнын өтедің!

Аян 7:4

Сол кезде мен мөр басылатындардың саны жүз қырық төрт мың болып, олар Исраилдің әрбір руынан шыққан ұлдардан болуы тиісті екенін естідім.