Аян 12:3 - Zhana Osiet

³ Осы сәтте көкте тағы да мынадай бір көрініс пайда болды: жеті басы, он мүйізі бар, жеті басына жеті патшалықтың тәжін киген оттай қызыл түсті бір алып айдаһар көрінді.

Киелі кітап

³ Аспанда тағы басқа бір ғажап көрініс пайда болды: бұл жеті басты, он мүйізді, әр басында тәжі бар оттай қызыл алып айдаһар екен.

Аян 12:3 Iomraidhean Croise

Аян 12:1

Бір кезде көкте үстіне күннің киімін киген, аяғының астында ай бар, басында он екі жұлдыздан тәж таққан әйел көрініп, таңғаларлық бір көрініс пайда болды.

Аян 12:13

Әзәзіл сайтан өзінің көктен жерге тасталғанын көрген кезде, ол Ұл бала туған әйелді қудалай бастады.

Аян 12:17

Сонда жылан әйелге қатты ашуланып, сол жерден кетіп қалды. Содан кейін ол сол әйелдің артында қалған ұрпақтарымен, яки, Құдайдың өсиетін орындап, Иса туралы куәлік айтып жүргендермен соғысу үшін, теңіздегі құмға барып, сол жерден орын тепті.

Аян 12:4

Сол айдаһар көктегі жұлдыздардың үштен бір бөлігін құйрығымен сыпырып жинап алды да, оларды жерге қарай лақтырып жіберді. Одан кейін ол туылған Нәрестені жұтып қою үшін, толғатып жатқан әйелдің алдына барып тұрып алды.

Аян 12:7

Осы мезгілде көкте соғыс басталып кетті. Михайл өзінің періштелерімен бірге айдаһарман соғысты, ал айдаһар өзінің періштелерімен бірге Михайлдің першітелерімен соғысты.

Аян 12:9

Сонымен, өткен замандардан бері жылан әрі әзәзіл, сайтан атанып келген және бүкіл жер беті тұрғындарын өтірігімен алдап-арбап келген алып айдаһар өзінің періштелерімен бірге көктен жерге тасталды.

Аян 13:1

Осыдан кейін мен бір хайуанның теңізден шығып келе жатқанын көрдім, әлгі хайуанның он мүйізі мен жеті басы бар екен. Оның он мүйізіне он патшалықтың тәжі киілген, оның басында Құдайды қорлайтын есімдер жазылған.

Аян 13:2

Мен көрген хайуан қабыланға ұқсас болды, аяқтары аюдың аяқтарына, ал аузы арыстанның аузына ұқсас еді. Айдаһар әлгі хайуанға өзінің күші мен тағын ұсынып, оған үлкен билік берді.

Аян 13:4

Сөйтіп, әлгі хайуанға билік берген айдаһарға барлығы тағзым етті. Содан олар хайуанның өзіне тағзым етіп: -Бұл хайуанға тең келетін кім бар? Кім оған қарсы шығып, онымен соғыса алады? - десті.

Аян 15:1

Осыдан кейін көктен мен тағы да бір үлкен көріністі көрдім, оның ерекшелігі: жеті періште көрініп, олар соңғы жеті қасіретті жіберуге дайын тұрды, өйткені бұл Құдайдың қаһарының соңғы кезеңі болатын.

Аян 16:13

Сонда мен айдаһардың аузынан, хайуанның аузынан және жалған сөйлейтін пайғамбардың да аузынан құрбақаға ұқсаған таза емес үш рухтың шыққанын көрдім.

Аян 17:12

Енді өзің көрген он мүйізге келсек, олар әлі өзінің патшалығын алмаған, болашақта келетін он патшаны білдіреді. Алайда олар патша болған кезде, әрқайсысы хайуанмен бірігіп, бір - бір сағаттан билік ететін болады.

Аян 17:16

Сен көрген он мүйіз бен хайуанның өзі де сол азғын әйелді жеккөреді. Сондықтан олар сол әйелдің күлпаршасын шығарып, тыр жалаңаш күйге түсіреді де, сосын оның денесін жеп, қалғанын отқа өртейді.

Аян 17:7

Періште маған былай деді: -Неге таңғалдың? Мен саған сол әйелдің құпиясын, оны үстінен түсірмей алып жүрген жеті басты, он мүйізді хайуан туралы айтып берейін.

Аян 19:12

Оның көздері оттай лаулап жанып тұрды, Оның басында көптеген әшекейлермен безендірілген тәж болды. Ал басындағы тәжде Оның Өзінен басқа ешкім білмейтін бір есім жазылыпты.

Аян 20:2

Міне, сол періште ежелгі жылан айдаһарды ұстап алып, оны мың жыл мерзімге дейін бұғаулап тастады, өйткені ол өтірікті судай сапырып, адамдарға жала жауып келген сайтан еді.