Bafilipɔ 1:27 - Zimba Nouveau Testament Portions

²⁷ Mɔɛndɛ bwaachi boengye ne Ikomo lya Kilisito, ko boa namɔɛ, ingɛ nasoolea kwinu, aɔ naungwe, ingɛ siisi kɔmɔɔsa niinu itɛ, mosoemana ko motema ɔmɔɔsa, mu kuchiana ne motema ɔmɔɔsa ku kuimenya kwe Ikomo Lyaachi.

Bafilipɔ 1:27 Iomraidhean Croise

Bakalatia 1:7

Ku kiinɛkinɛ, kuusi Ilɔngɔ Lyaachi likinɛ, koe bando batobasɔngɔɔla, mo kokonda kutuula Ilɔngɔ Lyaachi lya Kilisito.

Baɛfɛsɔ 1:13

Na baanu aungwa baanu makomo me kiinɛkinɛ, nɛ kɔɔcha itɛ Ilɔngɔ Lyaachi lee mo komoolola, banu na kuimenya Kilisito. Kabee Kakua na kɔmɔtɛcha kisinga kyaakɛ monganda mwiinu, ketoangwecha kiinɛkinɛ itɛ baanu ne bando bakɛ. Na kea kisinga ne Motema wa Ama walaiwa bae.

Baɛfɛsɔ 1:15

Ko bobo, kobangoa aungwee mee itɛ muswimenya Mwaame Yɛsu Kilisito, ne botokonda baanu bando ba Kakua.

Baɛfɛsɔ 4:1

Nasokakwa kɔmɔa natokambea Kakua Mwaame. Ko bobo, natwiyaya kwinu moongwe ne bikete byaachi koengama na boa bwabaitana Kakua.

Bafilipɔ 1:5

Kɔ kɔmɔa isamba linu ne Ikomo lya Kakua kobangoa lusu lwe kombaa na leno

Bafilipɔ 2:12

Ko bobo ee babotwa naanɛ, bɔbɛɛ baanu mɔ kɔnyɛmya ndɛɛkɔ ikɛɛsa abɛɛ mee niinu kɔmɔɔsa alakini kabee ataasi mee niinu kɔmɔɔsa, mokambee kooloka kwinu ne bɔɔba ne mochanjo.

Bafilipɔ 2:24

Natocheba monda mwa Mwaame itɛ, mee mwɛɛnɛ ndabe chaa chaa.

Bafilipɔ 3:18

Babua bɔtɔmɔa baanu, batɔɛnda mo boangani ne mote we maakanu wa Kilisito, namosaoleaye, kabee nasosaola mo kolela

Bafilipɔ 3:20

Kombanga yiito, bae nɛ bɛɛnɛ be iyoo, ko boa toe mo koendecha Moolochi wiito, Mwaame Yɛsu Kilisito,

Bafilipɔ 4:1

Ko boa ngondwa chaanɛ, babotwa naanɛ, baanu kɛmɛmɔ kyanɛ ne boombe bwaanɛ, mokwate ngoo monda mwa Kakua, ee ngondwa chaanɛ.

1 Timɔtɛɔ 1:11

Maa maeyechi matoeyana ne Ilɔngɔ Lyaachi lye boombe lyaɛchiwa mee kotokea kwa Kakua oe ne lɔkɔka, naleeyeche.

1 Timɔtɛɔ 1:19

angeana ne iekekeo lyao, ne ongwa ne lokani lwaachi. Bamɔ bando batɔkɔna koongwa ne lokani, na boono bauchimbecha iekekeo lyabɔ.

2 Timɔtɛɔ 4:7

Nachianee bita byaachi, nausia bwaachi lwɛndɔ lwaanɛ, naɔngɛɛ bwaachi iekekeo lyanɛ.

Filɛmɔ 1:5

Kɔmɔa natuungwa botokoseka abɔ ku kwimenya Mwaame Yɛsu, ne bwaanga awɛ kokonda bando basɛ ba Kakua.

2 Pɛtɛlɔ 3:11

Kɔmɔa itɛ biisɛ bitaɔnɛkɛ bobo, baanu motowaena kuchikaa ne bikete byaachi bitokonda Kakua.

2 Pɛtɛlɔ 3:14

Nɛ kɔ bɔbɔ, ee babotwa naanɛ, akee banu mo koendecha mamɔ makomo, mwifɛkɛɛnyɛ koongwa bando be kiinɛkinɛ bataasi ne kangɔnjɔ kombaa kwa Kakua, ne bae ne nyaa kombaa naakɛ.